Ka Nupepa Kuokoa, Volume XLIII, Number 52, 25 December 1908 — HE KUMULAAU KARISIMAKA NUI Ma Keia Kakahiaka e Ikeia ai he Kumulaau Karisimaka me na Makana. [ARTICLE]

HE KUMULAAU KARISIMAKA NUI

Ma Keia Kakahiaka e Ikeia ai he Kumulaau Karisimaka me na Makana.

K 'ilo ana i mea hauoli i na kamalii iiihune o keia kuianakauhale ka ike ana i kekahi kumulaau Karisimaka nui i luluu me na mea makana o kela ame keia ano ma ka paka e waiho nei mamua pono mai o ka Hokele lana ma keia kakahiaka. Aole paha hoi o na kamalii wale no ka poe e loaa aku ana o na haawina hauoli, aka o ka poe kanaka makua no kekahi, mamuli o ka ike aku i na kamalii i ka lelele ma kahi o ke kumulaau. Aole i ikeia kekahi hana o keia ano i na makahiki ae nei i. hala aka ma- j muli o ka makemake o kekahi mau haole kuonoono o Amerika e noho nei ma ka hokele, pela i hoalaia ae ai kela hana haawi makana i na kamalii ilihune. Ua maa keia 'mau haole i ka ike ana i na hana Karisijnaka ma ko lakou mau home, aka oiai nae lakou ua kaawale loa mailaila mai, nolaila o keia ka lakou hana i manao ai, he mea maikai e hana aku i na keiki o keia kulanakauhale. Ua manao mua keia mau haole malihini e haawi makana aku i na kamalii hē ekolu haneri wale no, aka ua hoea akn-la nae ka Puali Hoola ame kekahi mau halepule a hoike aku la aia he heluna nui o na kamalii malalo 0 ka lakou malama ana, a ma ia ano, ua hiki ole ke lawa pono me na makana kumukuai pii, oiai ua hiki aku ko Jakou heluna ma kahi o ka hookahi kaukani ame na haneri keu. Aole i noa keia i na kamalii apau loa, aka o ka poe wale no he mau tikiki ko lakou, o lakou wale no ka poe e pohai ana ma kahi o ke kumulaau i makaukau e apo aku i na makana e haawiia mai ana na lakou. I mea e hookeke ole ai na kamalii 1 loaa ole ia lakou ke kuleana e pipili aku ai ma kahi o ke kumulaau, ua liele okoa ae kekahi o kela mau haole e noi ia Makai Nui laukea e hoouna ae i mau makai no ka malama ana i ka maluhia. Ua noi puia aku no hoi ka Lunahoomalu o ka Papa o na Lnnakiai no ka paani ana o ka bana, a ua haawii aku ka ae, he elua mau hora o ka bana e paani ai ma ia kakahiaka. Iloko o keia mau la iho nei, i noke ai ua mau haole la i ke kuai i na mea Karisimaka lehulehu, mai na kii, na kanake ame na mea e ae i kupono no na makana Karisimalca a na kamalii. E hookaawaleia ana no kahi o ka poe makaikai e kuku aku ai e nana i kela poe kamalii ame ke kumulaau, a ua manaoia e hoea ae ana ka haole pa'ikii onioni no ke pa'i ana i ke kii o kela poe kamalii.