Ka Nupepa Kuokoa, Volume XLIII, Number 52, 25 Kekemapa 1908 — HAINA NANE. [ARTICLE]

HAINA NANE.

Mr. Lunaliooponopono, Aloha oe:—E oluolu mai oe i kekahi wahi rumi leaawale o ke kino lahilahi o ka hiwahiwa a ka lahui no ka'u wahi puolo e hoouna aku nei i ike mai ai na olohe huli mea pohihihi ame na poe kilokilo kaulana o Kaladea ame ka lehulehu holookoa mai Hawaii moku o Keawe a Kauai o Manokalanipo. O ka'u haina ame.na wehewehe ana o lea nane a kuu kaikunane haleu Kahanu o Paineki i pahapaha iho ai ma ka Nupepa Kuokoa o Dekemaba 18, 1908, e hoike ana. oia penei: He wahi kumulaau ka'u nona ka loa he 4 kapuai i okiokiia kona kino i na pauku 4 ma ka hookahi kapuai ka loa o lc.a pauku hookahi a he inoa wale no ko lakou apau loa. Pololei e kunane no ka mea nau no ka nane i haku a nau no i hahai ae, i ke akea nona iho paha keia wahi hooheno ana: Lawe ae oe a kiekie la, A kau i ka hale ipukukui. 1 E kuhi atia no paha oe la, No uka ia o ka lihi lou. Ka i no ua ike ae oe la, I kona helu e kau ana la. Oia iho keia, ma ka pauku mua i okiokiia ai ua loaa aku kona inoa ma ka papa elimp o na hua'pi-a-pa e hoomaka ana mai ka A a hiki i ka W a o ka hua elima he U no ia he hua leo pakahi. Olelo hou mai no oe e kunane e hoohui aku i ka pauku 1 me ka pauku 2 oiai o ka hua ewalu ia o ka papa pi-a-pa a kaua oia hoi he L he hua leo palua keia i ka hoohui ana i keia mau pauku elua e loaa auanei ka i 'a a kaua e nonoho ana i ka ale-i i ka ale-moe i kai papau i kai hohonu i ke kai popo-

loliua a kane la. 0 lta i'a ia a umiamaka la he okea oloko lie ul, oia hoi ula. Oiai koi ua loaa ka pauku ekolu ma ka papa elua o na hua pi-a-pa au no i kuhikuhi mai ai oia hoi he E. A ua loiaa pu no hoi ma ka pauku eha o ke kino o ka laau a kaua i okioki'-a ai kona inoa ponoi ma ka papa okolu o na hua pi-a-pa oia hoi he I. 1 ka hookuikui ana i na pauku a loa eha ame ko lakou mau inoa pakahi e like me na hoakaka maluna ae alaila, e piha pono auanei na kapuai loa eha o ua kumulaau la i okioki ; ia a e loaa pono ana no hoi ko lakou I mau inoa ponoi maloko o ka papa hua pi-a-pa. A o ka loaa pololei no ia o %ahi kumulaau a kaua e kunane. Eia mai ko ninau, Owai ka inoa o kuu i'a i ka lae kahakai! Haina, Ul. oia hoi Ula. Owai hoi ka inoa o kuu kumulaauf Haina, Ulei. Nolaila ke hooki nei au i ka'u huakai malihini. Mele Karisimaka kakou apau loa. MRS. MAHINA MALAMALAMA. Honolulu, Dekemaba 18, 1908. Kiia mai ka makana ua pololei ka haina, o kau haina kekahi i pololei e Mrs. Hapa Ilikini, aka, ua puehu e nae na hulu o ka puapua ia Mahina Malamalama. —L. H.