Ka Nupepa Kuokoa, Volume XLIII, Number 52, 25 Kekemapa 1908 — HE HOALOHALOHA. [ARTICLE]

HE HOALOHALOHA.

( Ma ko lesu mau lima, Ma kona poli no, Malaila au e malu, A inaha maikai pu. Hamau he leo lani # Ke mele ia mai. Ma o mai na puu nani, Mai kela ao maikai. €ho. —Ma ko lesu mau lima, Ma Kona poli no, Malaila au e malu, A maha maikai pu. Oiai ma ka la 19 o Dekemaba nei, ua oluolu i ke Akua ka Makua Mana loa ka hoouna ana ae i Kona Anela a kipa ae la ma ka home o Mr. amo Mrs. Hosea Iwiula ma Waiaka, Kamoiliili, a o ke one hanau hoi o Mrs. Mikahala Sam'l. K. Kaeo, ā kaihi ku aku la i ka hanu ola mai kona kino aku, a iho la i kona kino na ke kane aloha, na keiki a laua ame ka ohana, na hoaloha lehulehu e paiauma aku. Ae, Aloha! "Aloha ke kino ka hale a ke aloha, Ka makamaka o ka.moe e kipa aku ai. Me he makamaka la no ka ua i Hilo, Ka hele no a kipa i Hanakahi. E kipa aku ank i ka hale a ke aloha, Ua hala e iho Puulena a'ia i Hilo." Ua hanauia ka mea nona keia hoalohaloha, Mrs. Mikahala Sam. K. Kaeo ma Kamoiliili ma ka la 16 o Novemaba, 1860 mai na puhaka mai o Mr. ame Mrs. Kapolei Iwiula. a nolaila, he kupa kamaaina oia no ua aina Mooiliili hulili la i lea la, a ua holoholo like oia me na u'i o ia aina i hala e aku, e like me Mrs. lona, Mrs. Kuhaupio Mala, Mrs. Geo. Kawai ame Mrs. Mikasobe i hala koke iho nei, Mrs. Daniel Kikaha e ola nei ame Mele,Kupele kona kaikuaana hanauna e ola nei, a o na keikikane ame na kaikamahine mahope mai he mau kaikamahine na ia poe. Ua koino aku o Mrs. Mikahala S. K. Kaeo i ka hoahanau iloko o ka Ekalesia Makua o Kawaiahao, a oia no hoi kekalii o na kiai naue ole o ka Apana o Kamoiliili me kona mau hoa i hoikeia ae la. I ko lakou mau la opio ua hoala ae la o Mrs. Mikahala Kaeo me kona mau hoa i hoike muaia ae la i kekahi mea e hookaulana ae ai ia lakou, o lakou no na hoa himeni o ka Ahamele i alakai ia e Mrs. Kaoni .no ka imi ana i mau kenikeni e paa ai ka Papa Himeni o ka halepule kahko o Kamoiliili, a ua hookoia ua hana la, \ia paa ka papa liimeni, oia kela papa himeni i ku iho nei ma ka aoao akau 0 ka awai o ka halepule kahiko o Kamoiliili, o na poe apau i kipa ka i ike. Ua mare* ia oia me Mr. Sam'l. K. Kaeo kekahi keiki kamaaina o ua aina aloha nei ma ka la 28 o Novemaba, 1874, a ua hanau mai na laua ekolu keiki, elua kaikamahine ame hookahi keikikane, he elua i make, a he hookahi e ola nei ma Kauai. He mau makahiki kakaikahi i hala ae nei ua nee aku la laua me kana kane aloha no Kauai me ka laua mau keiki, a lilo iho la i mau kamaaina n6 ia aina malihini malalo o na hana a ka Haku, a ma ia wahi i hookaliua iho ai kana kane aloha i na hana pili aupuni lehulehu no ka pono o ko laua mau kino ame na keiki. Ma keia, ua ili iho ke koikoi ame ka luuluu ke kaumaha, ame ka walohia o ka puuwai o makou na keiki o ka aina aole' ma ko Mrs. Mikahala Kaeo ano kaikuahine wale no no makou, aka, ma kona ano lie hoahanau kupaa naue ole oia no Kamoiliili, Apana Ekalesia no Kawaiahao, a i mea kupono nana e hoike aku i ka nui o ko makou kumakena i ko makou hoaloha i hala, ke hui pu nei makou me kekahi komite no na mea i aponoia malalo iho nei: Hoolioloia, O makou o na kane ame na wahine o Kamoiilili ame ke Kula Sabati me ka Ahahui Opio o ka Apana Ekalesia o Kawaiahao, ke komo pu aku nei makou e kanikau a e kumakena pu me oe e ke kane i hooneleia i ke kaikuahine, na keiki i hooneleia i ka makuahine, na moopuna i hooneleia i ke kupunawahine, ame ka ohana apau o Mrs. Mikahala Saml. K. Kaeo i moe aku la ma ka poli o ka Mea Mana loa, a ke nonoi hou ae nei 1 ka lokomaikai o ka Mea Mana loa e lioihoi pololei aku oia i kau kane aloha me kou kino wailua ma ke.alanui moana a pae aku i ka aina malihini a olua i hookamaaina pu ai me kona poe hoano. Hooholoia, Ke waiho hou aku nei makou i ka makou nonoi mau ana i ka Makua Mana loa, e haawi mau mai oia i ka maha i na ohana o Mrs. Mikahala Kaeo, a e lu ae hoi i na waimaka o ka luuluu mai o lakou--ae, a e hoonani ae hoi i kona inoa me keia olelo hoopomaikai: "Ke make nei au i ka make ana o ka poe pono, a e like auanei kuu hope me ia." Hooholoia, E hoounaia i hookahi kope i ke kane i hooneleia i ke kaikuahine a i hookahi kope i ka nupepa Kuokoa. E lawe aku 6 ke kane aloha ma kou alanui moana me kau ukana luuluu i ko makou mau upu aha, a ia oukou hoi e ka ohana i hookaumahaia ko makou walohia. MRS. MALA KUHAUPIO, MRS. KAMALU SVASON, MIKABOPE, HOSEA IWIULA, HIKAM KAAHA. Kamoiliili, Dekemaba 22, 1908.