Ka Nupepa Kuokoa, Volume XLIII, Number 52, 25 December 1908 — HOOLEIA KA HELU BALOTA O KA MEIA Lawa Ole na Oleloike a na Hoike e Hiki ai i ka Aha Kiekie ke Ae aku i ka Palapala Hoopii. [ARTICLE]

HOOLEIA KA HELU BALOTA O KA MEIA

Lawa Ole na Oleloike a na Hoike e Hiki ai i ka Aha Kiekie ke Ae aku i ka Palapala Hoopii.

E like me ia i hoopaneeia mai ai mai ka manawa mai i hooloheia ai ka hoopii helu hou i na baloka o ka M6ia, ca noho ae ka Aha Kiekie a hoolohe i na oleloike ma ka aoao o ka Palapala hoopii ma ka Poakahi nei. Ua hele ke keena hookolokolo a piha i na hoike na lakou i kakau i ka palapala hoopii, a pela no hoi me ka poē niakaikai no ke ake e ike i ka hoplena 0 ka hoopii. Ua laweia ka hapanui o ia la ma ka ninaninau ana i na hoike, a ma ka nana ana, aole lakou he poe ike pono 1 na mea i hanaia e like me na kumu maloko o ka palapala hoopii, aka ua kakau aku lakou i ko lakou mau inoa, mamuli o na mea a lakou i lohe ai mai kekahi poe e aku. He ekolu poe i hoomaopopoia mai ia lakou mai ka lohe o na hoike he ka-nakolu-kumamaono no na kolohe i e like me na kumu hoopii, maloko o ka palapala hoopii no ka helu liou i na baloka o ka Meia, o ia no o Kagaran Fernandes } James Kulike ame Frank Bertelmann. No na mea nae e pili ana i ko Hau\i la pahu baloka, o Mr. Naone ka mea nana i hoike ae i na mea a kekahi \»->e koho o ia mahela i hana ai e like me ka lakou i haha 'i aku ai iaia. No na hana kolohe hoi a epa a Willie Crawford i hana ai maloko o ka mahele umi-kumamaha o ka Apana Kliina e like me ia i hoikeia maloko o k:i palapala hoopii, o ,Tames Kulike ka hoike nana i hoike ae i na mea e pili ana no ia hana ana a Crawford. No na mea hoi e pili ana i na mahele koho o Koolau, o Frank Berteljnann ka mea nana i lawe mai i ka lohe e pili ana i na hana o ia mau mahele, aka nae mamuli o na hoike lohulehu a ka poe na lakou i kakau i l.u palapala hoopii, o Pernandes ka inoa nana i hoike aku ia lakou i na

pono ole i hana ia, a mamuli wale iho I la no o ia lohe ko lakou kumu i kakau aku ai i ko lakou mau inoa aole mamuli o ka ike maka maoli i na mea 1 i lianaia. I Iloko o kela ame keia manawa e ninaninauia ana ka hoike e ka Aha, e noke mau ana na loio o na aoao a elua i ka imi i na mea e pono ai ko lakou mau aoao. 0 Mr. Davis ame Robertson na loio ma ka aoao o ka palapala hoopii, a o Watson ame Thaver ma ka aoao o Mr. Fern, a o Fern no hoi kekahi imua o ka Aha iloko o ka wa e hooloheia ana ka hihia. Aole i pau loa na hoike i ka ninaninauia ma ke kakahiaka o ka Poakahi, aka ma ka auwina la ae nae, ua hoala mai ka Aha i leekalii mau ninau ekolu na na loio e hoakaka ai i ko laleou manao, o ia keia. Ua x hookahuaia anei ka oleloike me na mea oiaio, no ka loaa ana aku o na baloka i kekahi poe koho baloka o ka mahele umi-kumamakahi o ka Apāna Eliina mahope iho o ka hora elimaf j TJa loaa anei na mea oiaio e pili ana i ko William Crawford komo ana maloko o liahi koho, a kokua aku i ka ana o na balokaT | Ua hookahuaia anei ka oleloike no ko Willie Crawford kamailio ana aka ma ka olelo Fake i kekahi poe Pake iaia maloko o kahi koho? I Ua hoakaka aku o Mr. Davis ame T?obertson i na kumu e hooiaio ana i ka loaa ana he kahua kupono e aeia ai ka palapala hoopii e like me ka loaa ole ana o ke kuleana ia Willie Crawford a pela hoi me ka wehe hamamaia ana o ka pahu baloka mahope iho o ka hora elima, aka ua pane mai nae ka Aha, ua loaa no ke kuleana i kekahi. mea e komo ai iloko o kahi helu baloka i ka wa e heluia ana ka baloka.

Ua noke aku o Bobertson i ka hoakaka i kona manao, mamuli o ke kauolia maopopo ana o ke kanawai e pani kuia ka pahu baloka ma k a liora elima ponoi, nolaila he mea pono e kiolaia na baloka apau loa i kohoia o ka mahele umi-kumamakahi o ka Apana Elima. Ma keia wahi nae i hoala mai ai ka Lunakanawai Kiekie Hartwell i ka ninau, ina e aeia aku ana © kiolaia Da haloka maloko o' kela mahele malalo iho la o kela kumu, no ka weheia ana

0 ka pahu mahope aku o ka hora elima, alaila e kiola puia na baloka o kekahi poe moho e ae i puka ma k« kau koho baloka aku nei i hala. Ma ke kakahiaka ae o ka Poalua nei i hoopuka mai ai ka Aha i ka olelo hooholo e kiola ana i ka palapala hoopii no ka helu hou i na baloka o na Mea, malalo o ke kumu, aole i lawa pono na inoa i kakau maluna o lea palapala hoopii i ke kanakolu e like me ke kuhikuhi a ke kanawai He elua mau lunakanawai i kuikahi ko laua manao milalo o keia olelo hooholo a o Lunakanawai De Bolt ka mea 1 kulike ole o kona manao.