Ka Nupepa Kuokoa, Volume XLIII, Number 52, 25 Kekemapa 1908 — E HOOMANAO MAI I KE OLA O KA PEPA. [ARTICLE]

E HOOMANAO MAI I KE OLA O KA PEPA.

O keia ka helu hope loa o ke Kuokoa e puka aku nei o keia makahiki, a pau 'na luaiele ana o keia mau la, a komo aku kakou īloko o ka makahiki hou, hoea mai na mea ano hou ame na mea kupono e hiki ole ai ke hoalo ae i ka lawe a!na i ke Kuokoa, i ike ai i na mea hou o kela ame keia ano, ame na mea kupaianaha o ia makahiki hou e hoea mai ana. Ma ko ke Kuokoa aoao nae, ke paipai mau aku nei no oia i kona poe heluhelu e hoomanao māi i ke ola o ka pepa, no ka mea pela iho la no e mau aku ai ka loaa ana oka pepa ia oukou. He hookahi no alahele o ka lanakila o ia no ka hookaa pau 'ana mai i ke ola o ka pepa no keia'makahiki e hoea mai ana, aka aia no nae he mau alahele e ae e hiki ai e loaa aku ka nupepa, oia no ka hookaa ana mai no ka ekolu mahina, eono mahina a hookahi makahiki paha e like no ia me ka makemake o ka mea e kauoha mai.ana i nupepa. E loaa ia oukou ka hoomanao ana, he hookahi wale no alahele e loaa aku ai ka nupepa, o- ia.no ka hoouna mua ana mai i ka auhau, o ke kauoha ka mua, no ka mea pela iho la ka rula paa o keia keena. Ina he mau koena aie kekahi o ka poe lawe kumau o ke Kuokoa no keia koena makahiki, ke hoeueuia aku nei lakou e hookaa koke mai i ko lakou mau aie o nele auanei i ka nupepa no keia makahiki ae, •nolaila e hoomanao i keia leo, i ole ai e noho pouliuli no keia nee ana aku omua aku nei.