Ka Nupepa Kuokoa, Volume XLIII, Number 52, 25 December 1908 — HE MOOLELO NO Hakawela Reminakona A I OLE Ka Momi i Loaa Aku Iluna o ka Wai, a o ka Mea Huna Pili i ka Moe Bebe. [ARTICLE]

HE MOOLELO NO Hakawela Reminakona A I OLE Ka Momi i Loaa Aku Iluna o ka Wai, a o ka Mea Huna Pili i ka Moe Bebe.

MOKUNA XXXI. Ao.e nae o Mrs. Reminakona i kamailio aku ma kahi a Hakawela i haiawai kino ai me Lora, no ka me a ua manao oia na Jiakawela maoli no e hoike aku ma ia wahi. Ika hoopau ana"iho i kana hoike ana aku i'na mea i hanaia e Lora no ka hookaawale ana ia Akeneki anie Hakawela, ua i aku la oia: • • - "Ua loaa aku ka ike ia Lora, aole nana kela mau pua ame ka . leka i kakauia, no ka mea ina nana ia mau mea i hoounaia aku ai, laole oia e hele mai a haawi i pua okoa nau ame kela pahu, aka nae iloko o ia manawa hookahi e hoomaopopo mai kaua, ua loaa he kumu maikai ma ko Lora aoao e pulapu mai ai ia oe, oiai aole he moa maluna o kela leka i kakauia e hoike ana i ka mea nana ka leka i manaoia aku ai." , Ua kani iho la ka Akeneki u-hu no kona kaumaha no Lora, aka o ka wa ia a Mrs. Keminakona i hoomau hou mai ai i kana kamailio "Mai noonoo oe nona i keia manawa, aole oia he wahine, aka oia kekahi o na kaikamahine nana i hookomo aku ia'u iloko o ka pilikia mai kona manawa no o ko'u lawe ana mai iaia maloko o ka malumalu o ko'u home a hiki i kona kaawale ana mai a'u aku,' a hoomaka aku la oia e haha'i i ka Lora mau hana a hiki i ka hooneleia ana o Mrs. Reminakona i ka home a pela pu hoi me kana keiki. "He keu maoli ko'u kaumaha nou e -Mrs. Reminakona," wahi a Akeneki i ka wa i pau ai o ka Mrs. Reminakona haha'i ana aku i «a mea e pili ana iaia iho. "He keu maoli kou hoomanawanui iloko 0 na hana ku i ka lokoino a kela kaikamahine, a nani wale hoi kou oluolu o ka hoea ana mai e haawi i kau mau kiai a malama ana mai ia'u iloko o 'ko'u wa o ka ma'i. "Pehea hoi e hiki ai ia'u ke nanamaka aku ia oe, no ka mea aole o'u nana i ko'u mau pilikia, aka he hookahi wale no a'u mea nui, oia ka ike ana aku i ka loaa ana o ka hauoli i ka u keiki, nolaila £' Akeneki, heaha ka'u pane e haawi aku ai ia Hakawela ina oia e hele mai ana i ka la apopo e ike ia'u ?" Ua hohola ae la ka ula ma na papalina o ua kaikamahine la no keia ninau a Mrs. Reminakona, a aole e hiki iaia ke pane koke mai no kekahi manawa loihi, aka nae, ua hookaawale ae la oia i kekahi rose mai kekahi ae, alaila hookomo iho la i kekahi pua ma ke pini o kona koloka e aaliu ana a i mai la: "I halawai hou aku oe me Hakawela ea, e hoike aku iaia, e kau ana au i ka pua ana o ka hoouna ana mai nei ma kuu umauma, a liaawi aku la i ke koena ae o na pua ia Mrs. Reminakona no ka hookomo ana aku iloko o ke kiaha aniani, a he oiaio ma ia hope mai, e kau mau ana o Akeneki i ua mau pua rose la ma kona umauma a hiki *wale i ko lakou mae ana. MOKUNA XXXII. 1 I kekahi la ae, ua hoea hou mai la o Hakawela i ka hokele e ike ai i kona makuahine, a no kona ake nui loa no hoi kekahi e lohe i ka lAkeneki pane no ka makana ana o ka hoouna ana mai nana, a i ka wa i hoike aku ai kona makuahine iaia no ko Akeneki kau mau aku 1 na pua ana, ua lamalama koke ae la ka helehelena o ua kanaka opio la me ka hauoli, ka mea no hoi a kona makuahine i iini loa aku ai e loaa ia haawina i kana keiki. "O kena anei kana pane i haawi mai ai ia oe, no ka hoike ana mai ia'u? Ina pela e mama ua haawi mai la oia iaia iho āole anei he mea pono no'u ka hele koke ana aku e halawai pu mē ia i keia manawa?" "Aole e hiki ia oe ke ike koke iaia i keia manawa, e hoomanawanui oe e kuu keiki a hala he hookahi pule mai keia manawal aku, alaila o kou manawa ia e ike aku ai iaia, a noke ana hoi paha ua kanaka i ke kilohi i ko aniani nana a pau ka makemake. "Ua maikai loa oia i keia nianawa, aka nae aole au e ae aku ana ia oe e ike koke iaia, no ka mea o ka loaa ana o kekahi mea e hoopihoihoi ia ai kona noonoo, he mea maikai ole ia e loaa iaia i ka wa akahi no a hoola maikai ae kona wahi ola kino." Ua haule pahu iho la ko Hakawela manaolana mamuli o kela mau olelo a kona inakuahine, alaila i aku la e like me na keiki hoololie mau i ko lakou mau makuahine i ka pane ana aku: "Ina pela e hoomanawanui ana no au e like me kau e papa mai nei e mama. E hele hou ana au ma ka'u hana, a e hala okoa ana paha ia'u ka pule hookahi a oi ma keia huakai a'u, ua manao hoi au la e kiei iki aku ana au e ike iaia i keia la, aka hoi e hoomanawanui no au a hiki i kuu huii hoi ana mai no ke kulanakauhale "Alaila heaha kau mau olelo a'u e hoihoi aku ai na Akeneki? i ninau mai ai kona makuahine me ke kaumaha no nae i ka ike ana mai i ke pihoihoi o kana keiki. "E haawi aku oe i ko'u aloha iaia, a e olelo pu aku hoi, eia au ke hele nei no ka'u hana me ka naau hauoli ka mea i loaa ole iau no na mahina loihi i hala hope ae nei. Ke kaumaha pu nei no hoi au no keia mau la loihi a'u e hele ai me ka ike ole ia oe e mama, aka e aho nae ko'u hoohala ana ia mau la ma kekahi mau wahi e ae, mamua o kuu nolio ana ia nei nei me kuu kiei ole aku e ike i na maka o kuu Akeneki aloha." Ua huli hoi aku la o Mrs. Reminakona a hoike aku la ia Akeneki no na mea a Hakawela o ke kamailio ana mai iaia ma ia kakahiaka, a e kau mau ana na maka o ua kaikamahine la maluna o kela mau pua rose a Hakawela e waiho mai ana iloko o ke kiaha aniani, ua lawa ia no ka hoike ana mai i kan'a pane, aia wale no maluna o Hakawela kona noonoo ana apau e noho la iloko o kela manawa. Ua komo mai la ka wahine malama ma'i, me na meaai a' ike mai la oia i ke kulana loli nui loa i loaa ia Akeneki, aka ke pohihihi la no nae oia i kahi o kela mau pua i hoounaia mai ai, oiai aole no i kamailio iki ia aku iaia na mea e pili ana i ka pahu pua ame ka leka .a Hakawela, aka he hookahi nae mea a ua wahine la e noonoo la, oia no ka hiki ana ia Akeneki, ke hele nona iho iloko o kekahi mau la pokok, e lilo ai kona noho ana mai i mea waiwai ole. Uoko o kekahi mau la mai, ua hiki maoli ia Akeneki ke noho iluna me ka paepae ole mai i na uluna ma kona mau aoao, a ua lawe maoliia aku oia a hoonoho iluna o kekahi noho a Akiholo o ka hoouna ana mai nona me ka wa-hiia hoi o kona wahi kino lahilahi me kekahi mau lole pumehana a Mrs. Reminakona o ke knai ana nona, me kekahi mau dala a Akiholo o ka waiho ana mai maloko o kona iima no ka hoolilo ana aku no na hemahema o Akeneki. I kekahi la nae, ua laweia aku la o Akeneki e hooholoholo iloko o ke keena hookipa o ka hokele, a ma keia Ia i hoea mai ai o Akiholo me kekahi ie i hele a piha pono i na huaai o kela ame keia ano, he mau meaai ana o ke kuai ana mai na Akeneki* I ka a ua elemakule la i ike mai ai ia Akeneki, ua helelei e mai la no kona mau waimaka, a lalau mai Ia i na lima o ua kaikamaliine ma'i nei, alaila i mai la: „ ' "E kuhi ana ka hoi au he wahi ma'i ae nei keia ou a lohe mai i ke a'o, eia ka ua hele oe a koe na iwi, a'u e hoohewahewa loa aku nei iaole oe o kuu Akeneki a'u i haalele iho ai me na papalina moliaha maikai."

"Ina aole e loaa ana ia'u ke ola maikai e like me kau e manao nei e kuu Akibolo maikai, ka mea a'u e kapa ae ai he makua no'u, alaila aole e ili aku maluna ou ia hewa," alaila nana aku la ua kaikamahine nei i ke ie meaai a Akibolo i waiho iho ai ma kona aoao. "Ua nui kau mau hana maikai i hana mai ai no'u a'u e poina ole ai, a pehea la e hiki ai ia'u ke uku aku ia oe?" "He hookahi wale no mea e hiki ai ia oe ke uku mai, o ia no kou hooikaika ana e loaa ke ola hou iloko ou, e like me kou ano mamua, a e hoomanao pu iho hoi no kahi elemakule iloko o kou puuwai." "Mai manao oe e Akibolo ua hoopoina au ia oe, aole loa e poina kau mau hana maikai apau no'u, a o oe ka puuhonua ame ka puukalahala o kahi kaikamahine kama ole iloko o na la o kona mau popilikia," a no ka noke loa aku o Akeneki i ke kamailio, ua papa okoa mai la ka wahine malama ma'i iaia aole e kamailio nui loa, a o ko Akibolo noi koke mai la no hoi ia e hookuu aku iaia e hoi, oiai ua ike mai la no o Akibolo 1 ka hewa o kona noho loihi loa ana mai e kamailio pu me Akeneki. Mai ia mau la mai nae mahope mai-, ua heie mau mai no o Akibolo e ike ia Akeneki eia nae he manawa pokole wale no i aeia aku ai nona e kamailio pu ai me Akeneki, alaila huli aku la no oia hoi no kona hokele. I kekahi la nae a ua elemakule la o ka hele ana mai e ike ia Akeneki, ua ninau mai la oia owai la ke kanaka i hele pu mai ai me ia no keia hokele, ame ka inoa 0 HabakiAboka. O keia no hoi ka mua loa o na ninau o keia ano i hoohuoiia aku ia Akeneki, oiai ua maka'u loa ka poe o ka hokele i ke kamailio ana aku iaia i kekahi mea e pih •ana i ka moolelo o kona hoea ana mai.no ka hokele, oiai nae ua paa mua no ko Akeneki manao e hoike aku ana oia i na mea apau ia Mrs. Reminakona 1 kona wa e oluolu pono ae ai. No Akibolo nae, aole e hiki iaia ke hoomanawanui, no ke kau ana aku i ka hoopa'i- maluna o ke kanaka nana i alakai ia Akenek.i iloko o keia pilikia a kela kaikamahine e hoomanawanui nei, a o ia no kona kumu o ka ninau okoa ana aku i ke ano o kela kanaka i hoea pu aku ai me ia no ka 'nokele. "O keia kanaka au e ninau mai nei, ua hoikeia mai ia'u, oia ka ke keiki a kekahi o na kanaka waiwai o Kikako nei, a koe aku ko'u maopopo ana i kona mau ano maoli, o keia wale ae la no ka mea i maopopo ia'u." Ua hoomaka ae la o Akibolo e ku mai kona noho ae, a noke iho laTi ke keehi i kona wawae iluna o ka papahele a i aku la: "Aha, o ke keiki ka a ke kanaka waiwai o Kikako nei, nolaila e hiki mai auanei i ka la e halawai ai ka inaina me ka inaina, a e hookuku ai ke dala me ke dala a o ke gula hoi me ke gula," a ua hele hoi ua elemakule la a piha loa i ke pihoihoi, a hiki ole ia Akeneki ke uumi i kona akaaka, aka ua lilo no nae keia akaaka ana mai a Akeneki i mea hauoli loa ia Akibolo, no ka mea ua ike aku la oia, aole he aka ka Akeneki nona, aka no ka ike mai no i kona ano e e like no me ko Akeneki ano mau i na wa a lakou e noho pu ana me kona makuahine, "Ua ike no anei oe e Akibolo i keia kanaka a'u i hoike aku nei i kona inoa ia oe?" i ninau mai ai o Akeneki i ke kuu ana iho o ke ano i pihoihoi o Akibolo. I "Mai manao paha oe e i ko'u elemakule ana ua hapopo ko'u mau maka e hiki ole ai ke ike i ka poe apau e maalo ae ana imua o ko'll mau alahele o kela no hoi ke kanaka au o ka hoolauna ana mai ma kela po o ka hoolaulea i malamaia ai ma ka home o Mrs. Reminakona ma." "He keu ka hoi ko'u poina loa, aole au i hoomaopopo mua o kahi ka hoi ia au i halawai mua ai me ia." "Na wai no e ole ka loaa o na haawina ino o keia kanaka ua puka mai no ia mai kona makuakane mai. Ua kamaaina loa au i kona makuakane, a e hiki mai ana ka la ame ka hora e pouliuli ai ka malamalama o ka mahina a e hapa'upa'u ai hoi ka ikaika hoolele o na kukuna o ka la," a hoomaka hou ae la o Akibolo e ku iluna a wiliwili ae la i kona kookoo me he mea la ua makaukau oia e hakaka aku me kekahi mea kino imua ona iloko o kela manawa. Aia hoi o Akeneki ke noho mai la me ka maopopo ole 0 ke ano 0 na Akibolo e noke nei i ke kamailio, a hiki i kona i okoa ana mai: "Heaha keia mea au e Akibolo e ku kaliki mai nei, aole he maopopo ia'u la o ke ano o kau mau olelo?" "Aole no i maopopo ia oe, aka aole no nae oe e ahewa mai ana, ina e kauia aku ka hoopa'i maluna o kekahi mea nana na hana hoohoka a pulapu i kahi elemakule nei. E oluolu hoi oe e Akeneki e hoike mai i ka moolelo o kou hoea ana mai i ka hokele nei," a hoomaka aku la no hoi o Akeneki e kamailio i na mea apau mai kona hele makaikai ana i Elekina a hiki i kona loohia ana i ka ma'i, me ke kamailio uuku loa ana no na olelo hookikina a Habaki iaia e lilo aku 1 wahine mare nana, aka ua lohe mua mai no nae o Akibolo i na mea apau mai ka ona mai o ka hokele, a aole no ona hooniele loa aku ia Akeneki ma ia wahi. Ua hele na maka o Akibolo a a me he maka la no ka popoki i ka wa e pa aku ai ka malamalama o ke kukui i kekahi po pouli, a o l kona haalele koke mai la no ia ia Akeneki, me ka hoike pu ana mai, e hoea mai ana ka la e haulehia ai ka makuakane ame kana keiki iloko 0 ka lua meki o ka laua mau hana hewa iho. Ma ke kakahiaka ae o kekahi la, a ma ka hora umi o ia kakahiaka, ua ikeia aku la ke komo ana aku o . Akibolo iloko o ke keena o ke /kanaka i kapaia' ka "moi o ke dala ame ke gula o Kikako," a ninau aku la i na kupakako e noho hana ana iloko o ua keena la i ka i ana aku: "Eia anei iloko nei o Mr. Aboka? Ua makemake au e ike iaia i keia kakahiaka maluna o kekahi hana ano nui." "Eia 110 oia iloko o kona keena i keia manawa, aka ua paa loa nae 1 ka hana e hiki ole ai ia oe ke ike koke iaia. Ina paha oe e hoi ana a no kekahi manawa okoa aku e hele mai ai, malia o loaa iaia he manawa kaawale nou e ike aku ai iaia," wahi a ka pane a kekahi o na kakauolelo. "Ina pela, ua hiki no ia'u ke kali malie pela a hiki i kona kaawale ana," wahi a Akibolo me ka noho okoa ana iho iluna o. kekahi noho. "He hana ano nui loa keia a'u i makemake ai e hooponopono pu me ia, a aole au e hoi ana a hiki i kuu ike ana iaia," a no keia paakiki loa o keia elemakule ua hoomaka mai la na kakauolelo e nana pono iaia ma ke ano pahenehene no ka ike ana mai i ke ano o kona lole e komo ana. % _ Ua manao iho la kela poe kakauolelo, malia paha o keia kekahi o na hoahanau o ko lakou haku, a i makemake loa e hele mai e kuka pu me ia no ka noho ana me kona ohana, i ole hoi e nui na hoolilo o ka noho ana īloko o ka hokele, a o ke ku ae la no ia o kekahi o na kakauolelo a komo aku la noloko o ke keena o ko lakou haku no ka hoike ana aku, eia he malihini mawaho nei kahi i kali ai no k a hui pu ana me ia. Ua puka mai la ke kakauolelo iwaho a olelo mai la ua makemake o Aboka e lohe i ka inoa o ka malihini e makemake nei e ike iaia, a o ka wa ia a Akibolo i i aku ai: "E hele aku a hoike aku iaia, o lokepa Akibolo ko'u inoa," a he elua minute ma ia hope iho, ua kauohaia mai la keia, ua makaukau o Aboka e hookipa aku iaia. . \ Ke paa la no kekahi. lima i kona papale, a he kookoo hoi ma kekahi lima ua ku ae la o Akibolo iluna a hahai aku la mahope o ke kakauolelo nana oia e alakai la noloko o ke keena o Aboka, a ia komo ana aku a ua elemakule la, ua ike io aku Ia oia i ka moi o ke dala ame i ke gula e noho mai ana iluna o kekahi pakaukau, a ma kekahi aoao aku hoi, he kanaka opio, aka ia lke ana mai nae o ua kanaka opio la ia Akibolo, ua Jiuli koke aku la kona alo i kahi e, no ka mea ua ike mai la oia i ke akua lapu. "O lokepa Akibolo anei kou inoa?" i ninau mai ai o Aboka i kana malihini i ka wa i lioea aku ai o Akibolo imua ona. "Ae o ko'u inoa īa i ikeia ma Kikako nei," wahi o ka pane a Aki--1 bolo, a noho iho la oia i kekahi noho i paneeia mai imua ona e Aboka. "Heaha keia hana ano nui au o ka hoea ana mai nei imua o'u?

/Ua olelo mai nei kekahi o ka'u mau kakauolelo ua makemake oe e kamailio pu me a'u maluna o kekahi kumuhana ano nui," a ke noke mai la oia i ka nana pono loa i ke ano o ke kanaka e noho aku nei Imua ona, eia nae aole he wahi malnu iki mai o kana wahi o ka ike | mua ana iaia. ™ "He hana ano nui io ka'u o ka hiki ana mai la imua ou i keia kakahiak,a" a wehe ae la oia i kekahi mau palapala mailoko ae o kona pakeke, a hoomau hou aku *4a i ke kamailio ana. "He mau kaukani dala ka'u i makemake e ukuia mai i kei a Ia maluna o kekahi nota aie i hiki :mai i kona manawa e ukuia ai, e liiki ana anei ia oe ke uku mai?" Ua hookahahaia aku o Aboka 110 ke ano o ka"hana a kei a elemakule, a ninau okoa mai la oia i ka i ana mai: "Na'u anei kena nota aie au e olelo mai nei, a i ole, ua kuhihewa paha oe?" - "I mea no e pau ai kou pohihihi ea, e nana mai no oe i ua nota la," a haawi aku ia oia ika nota ia Aboka. He oiaio na Akoba maoli no kela nota aie no $10,000, a lalau koke mai la ua o Aboka me ka hoomaku'e ana iho o kona mau maka alaila pane mai -la: "Aole au i lawa i keia huina e uku aku ai ia oe i keia la, koe wale no ina e hiki ana īa oe ke kali a hiki i ka hoi ana mai o ke kakauolelo | mai ka banako mai me ke dala alaila hiki ke ukuia keia nota." "Ua hiki ia'u ke kali, a hiki i kona huli hoi ana mai, aka e kauolia pu aku nae oe i ko kakauolelo e unuhi mai a nui ke dala i hiki ai ke ukuia kekahi mau aio ekolu ae ou mawaho o keia, no ka mea ua hiki mai lakou i ka wa e ukuia ai." "Heaha kau mea e olelo mai nei?" i puoho mai ai o Aboka me ka piha pahaohao, oiai hoi o kana keiki ka mea e noho mai ana ma kekahi pakaukau okoa aku i huli ino mai ai a nana ia Akibolo, no keia hoea ana aku a koi ika aie o kona makuakane. "He mau aie e ae anei kekalii o'u ia oe?" "E akahele mai oe e Mr. Aboka," wahi a Akibolo me ka leo malie me ke kuoo nae. "Eia keia aie la au i haawi aku ai ma kau nota ' i ka hui o Peleka ma, a ua lilo mai nae ia'u," a ke lolelole la ua Akibolo hookolohe la i kekahi mau pepa lehulehu mawaena o kona mau ■ manamanalima. "He eono aku la kaukani ka huina iloko oia nota. Eia keia nota aie hou ou i haawi ai i ka hui o Paraki & Walakina no eha kaukani nie elima haneri, i lilo mai no ia'u, ma ka moraki, a eia no keia aie ou no eono mahina me ka papaluaia ana o ka ukupanee no umi kaukani dala e ukuia i keia la, nolaila aole no he nui o keia mau aie ou, e hiki ai i ka banako ke haawi mai i ka huina i kau kakauolelo." Ua ku okoa mai la o Aboka iluna a i mai la ia Akibolo: . "Ke olelo mai nei anei oe ia'u e uku aku au ia oe i ka huina i oi aku mamua o ke kanakolu kaukani dala i keia la?" "O ia maoli no ke ano o ka'u huakai i hoea mai la imua ou i keia la, no ka mea e ike mai oe, he elua o keia mau nota aie i hiki mai i ka wa 0 uku ai i kela pule a'ku nei, a i keia la hoi kekahi e uku ai, a e hoomaopopo pu mai hoi oe, eia me a'u e paa nei he moraki no kekalii o kou mau hale e ku nei ma ke kuea Mikikana ame ke kuea ma i<e alanui Waka, o ka la apopo ka manawa e ul<u ai o kekahi moraki, :i 0 ka la umi-kumamakolu ae nei a he mea pono e uku kokeia keia mau aie apau i ka wa hookahi, oiai o ko'u wa wale no keia e hiki ai ke hooponopono i keia mea." Ua hiki hou ole ia Aboka ke pane mai no kekahi mau I loihi, ake kulou la kona poo ilalo me ka noonoo nui ana i kana haiia | pono e hana mai ai. Ke noonoo la oia no ke poho ana o kekahi lua lanahu ana i hookomo aku ai i ka hapalua o kona mau waiwai, eia nae ua loaa mai ka lohe iaia i ka pule aku i hala no ke poho ana " ua lua lanahu la, a h'e oiaio ua loaa aku no ka ike ia Akibolo no keia mea, a o ke kumu no ia o kona kakali ana a hiki i keia manawa i hiki ole ai ia Aboka ke uku mai i kona mau aie iaia nei. Ua liele o Aboka a haikea i kela manawa, oiai aole ana wahi t ui ae ai e loaa iaia ke dala no ka uku ana aku i keia mau nota aie lehulehu ame na moraki, a ina hoi no ka hoomau hou aku ika manawa e I hookaa ai i kela mau nota ke oluoluia mai kana mea e noi mai ai F alaila e hiki aku ana ma kahi o ke kanalima kaukani ka nui o kona aie, a ua hele niaoli oia a piha i ke pohihihi i kana mea e hana mai ai no keia koi a Akibolo. Ua hala paha ka hapaha hora o ko Akibolo kakali ana no ka pane a Aboka, ua i mai la ua moi la oke g"ula. "Ke ae aku nei au e uku i na nota aie, aka no na moraki, ina oe e oluolu mai ana, alaila e hoomauia aku ka holo ana no kekahi mau makahiki hou aku, me ka hoomau puia no hoi o ka ukupanee no ia manawa." "Aha akahi no oe a ike mai la i kahi o kou alahele e hiki ai ea. He oiaio, iloko o na lawelawe oihana ana, ua hiki no ia'u ke ae aku 1 kau noi, aka ma keia mea nae a'u e makemĀke nei e hooponopono ia, ua makemake āu e uku mai oe i kou mau aie apau loa me ke koe ole he hookahi nota a aie paha." Ua lalau aku la o Aboka i kekahi mau buke banako, a hoomaka iho la e hoopiha i ka huina i makemakeia no ka uku ana aku i na nota aie a haawi aku la i kana kakauolelo no ke kii ana a unuhi mai ka banako mai, me..ke kauoha pu ana aku e hoi mai me ka awiwi loa, alaila noke aku la i ka lolelole iloko o -kana mau buke me ka nana hou ole mai ia Akibolo, a aole no hoi i hoopuka houia kekahi mau olelo mawaena o !aua a hiki i ka huli hoi ana mai o ke kakauolelo me ke dala. Ua uku mai la o Aboka i ka huina o na nota aie apau loa, alaila ua i aku la o Akibolo: 4< Pehea ka hoi ka huina ona moraki, aole anei oe e uku mai ana." "E uku aku ana no au, aka e haha'i mai nae oe i kou wahi e noho nei, i hiki ai ia'u ke hele aku ilaila i kekahi manawa o keia pule e hooponopono pu ai me oe." Ua hoike aku la no hoi p Akibolo i kahi o kona liale, ma kela wahi no ana i noho ai me Akeneki anie kona makuahine, a o ka wa ia o Aboka i hooho mai ai me ka piha pahaohao: *'0 oe anei ka Akibolo nana i kukulu kela mau hale nani nia J kela kuea au e noho nei/?" "Ina aole he Akibolo e ae ea, alaila 110'u aku la kela mau hale malaila,' wahi a Akibolo me ka nana ole aku i kona hoa kamailio aka ke hahao la no oia i kana mau dala iloko o kona pakeke, komo mai la 'h kona mau mikinilima, a o ke ku ae la 110 ia iluna a haawi mai la i kona aloha ia Aboka a haalele mai la ialoko o ke keena o ka moi o ke gula. Ea ua ike mua no au i keia kanaka, eia nae hoi ihea la ka'u wahi oka ike ana iaia,' wahi a Aboka i kana keiki mahope iho o ka hala ana mai o Akibolo. He keu aku maoli ke kupaianaha o ke kaa ana aku o kau mau nota aie apau iloko o ka lima o kela kanaka," wahi a Habaki i kona makuakane. He kupaianaha mai auanei kau a lohe mai, he diabolo ke ano o keia kanaka ke nana aku, me he mea la o ka hana iho la palia ia a keia kanaka o ke kuai mai i na nota aie, ma ia ano e holomua nei | kana oihana hoopukapuka." Ua hele maoli ka pakeke o kela kanaka a piha me na pepa pih oihana wale no, ua like no anei ka nui o kau mau pepa pela e papa," 1 ninau aku a* o Habaki ma ke ano hoao i ka nui o na waiwai o kona makuakane. Ua haikea ae la o Aboka no ka niele loa aku o kana keiki n° keia mau pepa a Akiholo, aka aole nae ona pane aku, a ia manawa n ° 1 hooniele loa mai ai no o Habaki. A no keia mau moraki ana o ke koi ana mai nei ia oe, ua hoomaopopo anei oe, 0 keia no ke kanaka pololei au o ka moraki ana aku?" Aole au 1 hoomaopopo loa, no ka mea me Winahama maua 0 ka hooponopono ana, a ua poina loa no hoi au, akahi no a maopopo ia'u ua hiki mai ka i ka wa e ukuia aku ai." 1 «.• ; . ... Aole i Pau. £ ; - ;