Ka Nupepa Kuokoa, Volume XLIII, Number 51, 18 December 1908 — KA HUI NANA I AHAI KA LANAKILA MA KA PAANI HINAI. [ARTICLE]

KA HUI NANA I AHAI KA LANAKILA MA KA PAANI HINAI.

O ke kii maluna ae, he kii ia o ka hui kinipopo hina'i o ke Kula Kaiulani nana i ahai ka lanakila ma na paani ekolu i hookukuia e ,'lakou me ka hui o ke Kula o Kahehuna (Royal Scnool.) Iloko o kekahi manawa o ka mahina aku nei o Okatoba ka hoomaka ana o ka hookuku ma ke kahua o ke Kula o Kahehuna, a ma ia paani ana i aha'i mua loa ai na kaikamahine o Kaiulani i ka lankila ma ko lakou aoao, mamuli o ka loaa ana ia lakou na helu kiekie he kanaha a oi, a he iwakalua hoi r a oi a ko Kahehuna. Me ka manaoia hoi e kaa ana i ko Kahehuna ka lanakila ma ka elua o ka hookuku ana a kela mau hui, aka ua kaa hou no ke eo ma ka aoao o ka hui o Kaiulani, ka mea nana i hookomo aku i na manao uilani iloko o -na kaikamahine o Kahehuna e hooikaika loa

lakou e loaa he wahi eo ma ko lakou aoao. Ma ke kahua o ke Kula Kaiulani i malamaia ai kela paani elua ana a lakou, a ua piha hauoli loa hoi na kaikamahine o Kaiulani no ko lakou lauakila ana maluna o ko lakou hoa mokomoko ma ko lakou kahua ponoi. Tloko o kekahi manawa o ka mahina 0 Dekemaba nei, ua trle!e hou ua mau hui la ma ke kahua o Kahehuna, a ma keia paani ana. he ku i ka hahana na aoao a elua, a mai ka hoomaka ana a hiki i ka pau ana o ia paani ana a lakou, he elua wale no helu ka 01 o Kaiuīani \ ko Kahehuna, o ia hoi, he umi-kumamalua ka nui o na helu o Kahiliuii, a he umi a ko Kahehuna. He paani keia » kamaaina ole i na kanaka Hawaii, aka he paani kupono nae no na kaikamahine, ō ia hoi aia ma keia paani e konoia ana lakou e makaala, e eleu a e noonoo akahele i ka lakou mau mea e hana ai, no ka mea pela wale no e loaa ai ka lanakila, 1

aole me ka puapuahulu a heleuluulu. Aia a hoomaka hou ke kula, i ka wa e pau ai ka hoomaha Karisimaka alaila ia manawa e ulele hou ai no na hui kinipopo hina'i o ua mau kula la, a ma na mea i hoikeia mai, eia no ua mau hui la ke noke mau mai nei i ka hoomaamaa. 0 na Kula Kamehameha o na Kaikamahine ame kekahi mau kula e ae o ke kulanakauhale nei ka maumaua ma keia ano paani iloko o kekahi mau manawa lehulehu ae nei i hala, a ke hoomalolo loa mai nei hoi i keia manawa. 1 ko lakou au e paani ana, he piha maoli na kahua lealea i ka poe makaileai, a ina paha lioi e maopopo ana i na makua na lakou na kaikamahine iloko o keia mau hui kinipopo hina'u, ka manawa e ulele ai o keia mau hui, aole no paha e nele ko lakou hele ae e makaikai i ke ano o ka lakou paani ana. (