Ka Nupepa Kuokoa, Volume XLIII, Number 51, 18 December 1908 — HALAWAI ME KEKAHI ULIA POINO Hooku'i he Kaa Otomobile me ke Kaa Bake a Pakele ke Ola o na Ohua. [ARTICLE]

HALAWAI ME KEKAHI ULIA POINO

Hooku'i he Kaa Otomobile me ke Kaa Bake a Pakele ke Ola o na Ohua.

Ma ke aumoe 0 ka po o ka la Sabati nei i loaa ai kekahi ulia, ma o ka hooku'i ana o ke kaa otomobile me ke kaa bake, a o ka hopena o ia ulia, o ia no ka hoihoiia ana o Ed. Duisenberg noloko o ka Halema'i Moiwahine, ka mea nana e kalaiwa ana i ke kaa bake ame Miss Roth, eia nae aole he mau eha kukonukonu i loaa aku ia laua. Ma ke alanui ma Waikiki kahi i loaa ai o kela ulia, e kokoke la i ke alanui Lewis. Ua pau ke kaa bake i ka nahaha, a ua loaa no hoi he mau poino i ke kaa otomobile, a o kahi aku o ka aka, ua pau na ohua oluna o ke kaa otomobile i ka haule iloko o ke opilopilo. He hookahi kaa bake ame elua mau kaa otomobile e holo like ana no Waikiki ma ia po, oiai aia ke kaa bake mamua loa kahi i holo ai a mahope mai na kaa otomobile, nolaila o ke kaa otomobile mamua ke kaa hiki pono ke ike mai i na mea apau mamua o kona alahele, a i ka wa i aui ae ai o ke kaa otomobile mua mai kona alahele ae, o ka wa no ia a ke kaa elua i hooku'i mai ai me ke kaa bake. Ma ka olelo a kekahi mea oluna o ke kaa uwila i ike i keia ulia, he holo heihei maoli ka holo ana a kela mau kaa otomobile, a e holo ana no hoi ke ii#aa bake ma kona aoao pololei, oiai aia 'oia iwaena konu o ke alanui e hiki ai i na kaa mahope mai ke imi ae i wahi no laua e holo ai me ka pilikia ole. No kekahi mau pule ae nei i hala, ua loaa no i kekahi kaapio he pilikia ma kahi kokoke i keia wahi iho la o ka ulia i loaa i keia kaa bake mamuli o ka hooku'iia ana mai me kekahi kaa otomobile, a ma na mea i hoomaopopoia e ka poe e noho nei ma Waikiki, he leeu ka hoomaopopo ole o ka poe no lakou na kaa otomobile i ke ano o ka lakou holo ana ma kela alanui.

E hoomanao. mai e ka poe lawe kuinau o ke Kuokoa i &o lakou "īau koena ale i ka nupepa 110 ka makaoi.'ei i liala, o nele auanei i ka ike .".na i na meahon, a pela no hoi, e hoomauao mai no i ko keia makahiki e nee aku nei.