Ka Nupepa Kuokoa, Volume XLIII, Number 51, 18 December 1908 — HE MAKANA NO KE AUPUNI LANI. [ARTICLE]

HE MAKANA NO KE AUPUNI LANI.

E ka Lunahooponopono o ke Kilohana o ka Lahui, Aloha oe:—E oluolu ia | mai e kou ahonui e hookomo iho ma j kahi kaawale o kau nupepa e ku nei | i kapena e hoike aku i na makamaka I 0 kaua e nolio ana mai Hawaii moku-1 puni o Keawe a Kauai Manokalanipo,! nona o keia hoike He Makana no ke Aupuni Lani. i Ma ka mahina o Okatoba o keia makahiki 1908 ma ka puie mua ua malamaia ka papaaina a ka Haku ma ka luakini Hoole Pope ma Kalaupapa a ike aku la au he mau kiaha aniani liilii e kau ana iluna o na pa, ninau aku nei au i ko 'u hoa e noho pu ana ua loaa ka ko oukou mau kiaha aniani liiliil Ae, o kela mau kiaha he ekolu kakini ka nui, he makana kela na S. K. Maialoha o Kalawao ke keiki o ka Makani Apaapaa, no keia luakini a he hookahi kakini no ka luakini o Kalawao ua inu mua nae lakou i ko lakou mau kiaha, a no ko lakou uuku no uuku no ka makana no ia halepule. A na ka weheia ana o ka papaaina me na lioike a ke Kahu Kev. D. Kaai me na kahoahoa ana i na Mana Lani no Kona kino, ame Koko hala ole no na lawehala o na kanaka apau. A ina ka laweia ana mai o na pa imua o na hoahanau ua ,hopu kela keia 1 ke kiaha me ka inu ana apau me ka hoihoi ole t aku he koena na kekahi e inu mai, aole hoi e like me ke au i hala ae la he liookahi no kiaha e hoohainu ia ai na hoahanau. He elua mea nui a ko'u lunaikehala e nalu ana, ka mea nana •ka makana. Kahi i loaa niai ai ia noonoo iaia no keia ano hana hou, oiai o ka mua loa keia o ko'u ike ana i keia ano hana hou o ka papaaina a ka Haku, hoi aku au ma ko'u home me ka noonoo nui no na.hana o keia au hou e nee nei. A ma ka pule hope o Novemaba iho la hui aku la au me S. K. Maialoha ka mea nana kela mau makana ano nui i ke Aupuni Lani, oiai ua sila ia iloko 0 kuu puuwai kela mau kiaha a'u i ike ai iloko o ka luakini he mau ano liana hou. Ai ka hui ana liaawi na lulu lima, a ua piha loa ae la au i ke pihoihoi me he la, h'e mea okoa kekahi e ku pu ana makou aole o'u pane leo aku. A no ko'u pane leo ole aku ua ninau mai la kela He manao paha ko'u? Ae, ua makemake au e hui kaua ma ka mahina aku nei o Okatoba mahope ilio o ka pau ana o kela ahaaina Berena ma ka luakini Kalawina o Kalaupapa nei, no kuu lohe ana nau kela mau kialia aniani liilii i makana mai no ke Aupuni Lani. Nana mai kuu makamaka me ke ano pahaohao a lie manawa, ninau mai na wai oe i hoike mai na'u ia makana? pane aku au na ke kahunapule a na kuu hoaloha, a eia ka pane a ka mea nana lea 'makana. Ae, na'u no a penei; komo mai au 1 keia aina i ka la 13 o Sepatemaba, A. D. 1905 a noho ma ka Home Baldwin, lie ka upena, he elua dala hookaawale hapaumi oia loaa he '20 keneka malama no hemo mai ka home ae Noveinaba 1, 1905 hana i waa a holo i ka lawai'a, loaa mai ke dala hookaawale i ka liapaumi o ka mea loaa a pela au i hana ai a ma ka makahiki 1908 loaa ia'u he aina mahi kanu i ka ipu, uala, akaakai, a i ka wa pono loaa mai ke dala hookaawale hapaumi. A ma kuu ike ana ua lawa ke dala ma ko ke Akua aoao no na loaa hapaumi a noi aku au i ke Akua i kahi kupono e hoahu aku ai i na dala e waiho ana ia'u. A i kekahi po loaa ia'u he liaawina; laweia au i kekahi halepule a hoikeia mai na mea apau oloko, na ipukukui, na pakaukau, na noho, na kiaha o na ano like ole iloko o na huhui a ma na pa, a he nui aku, a i ko'u ala ana mai kela moe ana loaa koke no ka noonoo ia'u e kuai i mau kiaha a lioolako no ka hale o ke Akua a he pono pilipaa ia no ka Ekalesia, a ke hoiliili nei no no kekahi mau Ekalesia a'u i noho lioahanau ai a luna Ekalesia a ina e lawa ana ka waihona e hoouna no au ia dala i ka poe kuai o na kiaha a na lakou e hoouna aku i ka'u wahi e kauoha ai lakou, nolaila, ke pane nei au ia oe no keia a mai walaau aku oe i keia— a hookuu ko maua hui ana aole i hui hou a hiki i keia la a'u e kakau nei. No ka ulu mau o kela mau huaolelo iloko o ko'u noonoo "Makana i ke Aupuni Lani'' nolaila lee hoike nei au imua o ka lehulehu lie alahele kupono io keia a na liaipule e liana ai i makaukau kona hale kahi e hoopunana ai kona uhane, kalii o kakou e hoonani aku ai iaia. Me ke alolia nui no i na haipule. KAMAAINA. Kalaupapa, Molokai, Dekemaba 11, 1908.