Ka Nupepa Kuokoa, Volume XLIII, Number 51, 18 Kekemapa 1908 — UA HALA AKU NA EKELEKA KARISIMAKA. [ARTICLE]

UA HALA AKU NA EKELEKA KARISIMAKA.

O kekalii o na makana maikai loa i haawiia mai i ka lehulehu o Honolula nei i keia kau oia no ka Peresidena Kennedy, o ka Hui Mokuahi holo pi# aina iha o kona ae oluolu ana mai i ka Mokuahi Likelike e lawe aku i na ekeleka Karisimaka o Honolulu nei a hiki i Kaanapali a hookau aku maluna o ka mokuahi lawe ukana Arizona a nana e hali loa aku a hiki i Kpalakiko* Ma ka bora 5 p. m. o ke ahiahi Poaono aku nei i haalele mai ai ka mokuahi Likelike ia Honolulu nei me ka lawe pu ana maluna o kona mau oneki h& man ekeleka lehulehu me na makana Karisimaka i aneane e piha elinia tona ke kaumaha. Ina aole kela lokomaikai o Peresidena Kennedy, ina la paha o na ekeleka wale no ka ka oihana leka e hoouna aku ai maluna o ka mokuahi Arizt>na a o na ope makana Karisimaka maluna aku 0 ka mokuahi Nippon Marn ma ka la 18 o keia mahina a -e aneane loa ana e hiki pono ole aku nn. ope makana i Kapalakiko ma ka Ia Karisimaka. A oiai e haalele iho ana ka Amona* ia Kaanapali ma ka auwina la Sabati f e ku aku ana oi& i Kapalakiko ma ka la 21, a ua lawa log, kela manawa e kau aku ai na ope makana maluna o na kaa ahi no ka lawe loa ana i Nu io u a a e hiki pono aku ana i ka l a Karisimaka. Ua manao ka Lunaleka Pratt ame Mr. .Carr e hoouna wale no i na ekeleka maluna o ka mokuahi Kelaudina e holo ana i ka auwina la o ka Poalima aku a hookau -aku maluna o ka mokuahi Arizona, a mamuli 0 ka ikeia ana e hoolei ia ana kela mau ekeleka ma Lahaina a laweia ae mauka a hiki i Kaanapali a he hana nui maoli kela, pela i noiia aku ai ko Peresidena Kennedy oluolu a mamuli o ka aeia ana mai o kela noi pela i hookauia aku ai maluna o ka Likelike ma ka Poapno aku nei i hala. E pae pono aku ana na makana Karisimaka o Honolulu nei i Amerika i ka wa kupono loa a o ke kumu o ka liolopono ana o ia hana mamuli no ia o ka lokomaikai o Mr. Kennedy ka Peresidena puuwai hamama.