Ka Nupepa Kuokoa, Volume XLIII, Number 51, 18 December 1908 — HE HOOMANAO ALOHA NO KUU MAMA UA HALA. [ARTICLE]

HE HOOMANAO ALOHA NO KUU MAMA UA HALA.

Ua mokumokuahna ka naau, ua olewa. loko a ua kunewanewa, me he la ua lomiia a wali i ke aloha o kuu mama. Ma ka hora 11:15 a. m. o ka Poaha ka la 3 o keia mahina, o ka manawaia i newa aku ai, lele ka hanu a hala aku ; la i ka huakai heie loa ka uhane o kuu makua o Mrs. Hana Kamakani Kealoha, maloko o ka hame o kona kaikunane ohana o S. K. Oni ma Alanui Ema, iloko o ke kulankauhale o Honolulu. He mahina a oi kona waiho ana i ka ma 'i "Puupaa" mamuli nae hoi o ka loaa ana i ke anu, aka, malalo no nae oia o na lapaau ana a kona kauka mau oia o Dr. J. T. Wayson a hala wale no. He mea no nae hoi na 'u e mihi loa nei, oiai keia manawa loihi o ka ma'i ana o ka makua, aia hoi wau e 'noho kaawale loa ana mai iaia ae, ua hookaawaleia maua e na moana, a auamo iho la no oia i kona mau ehaeha he nui. O ka ma'i like no hoi keia o kuu makua iloko o na mahina mua o keia makahiki no, elua mahina oia ma'i ana a mamua no wau o kona maka a e hooko ana i na kauoha a kona kauka ma na mea apau a. hiki i ka lanakila ana o kuu mama a pu-a hou mai ka ikaika, a hiki nae ma ka pule hope o lune aku nei, ua haalele iho wau i kuu mama ihope nei a hele aku wau no ka hana 'i hooiliia mai maluna o'u a noho kaawale iho la maua ka makua me ke keiki. Ua loaa ae ia'u ka lono hope loa no ke ko'iko'i loa o ka ma'i o kuu makua, nolaila me ka hoohakalia ole aku, ma ka la ■ 29 o Novemaba, ua kau mai la ma ka S. S. Mauna Loa a au mai la i ka ino o na moana no ke.ake o ka manao e halawai me na helehelena aloha o kuu mama, a ma ke kakahiaka poniponi o ka la 1 o Dekema"ba nei, ua pae mai la wau ma ke kulanakauhale nei, a hoohiki mai la iloko o ua home la a kuu mama e lolii ana maluna o kona moe ma'i (o ko'u moe no hoiia a'u i kuluma i ka moe ia e a'u). e pili ana no kona mau maka, me ka noohakalia ole ua kahea iho wau i kona inoa i mailani nuiia e a'u, "e mamae e," ua owaka ae kona mau maka a ike no ia'u me ka hoohewahewa oie a pnwa ae la kona leo uwe aloha no'u no kana keiki, e hiolo mai ana hoi na waimaka mai kona mau lihilihi mai, a ke hoope iho la hoi leo'u mau waimaka maluna o kona mau papalina, he mau kipona waimaka i piha i ka luuluu, a no ka mea, ua loaa pono mai oia ia'u me kona hanu no e kamau ana, a o ka* inea i hooi loa ia aku ai o ia luuluu, ua kau mai ia'u ka haili. "Aole he manaolana no ka lanakila o 'kuu mama aloha. ** A mai ia manawa aku ma ia la a po aia mau wau ma kona aoao e u pu ana, a owau wale no hoi meia ma ia po holookoa a hiki i ke ao ana, ua pale-a ka makehiamoe mai ko'u mau maka-aku, a ma ke ano nui, me kuu mama no v*au a lele wale kona hanu. Iloko o hookahi mahina a oi o kona waiho ana iloko o keia ma'i, aole loa he ae e ai wahi poi (wahi a ka ohana e lawelawe ana nona) he komo no nae ka wai e inu ame ka wai o ka niu ame ka panini, he mau ono lalau naeia e hiki ole ai e hoopaa i ka houpo lewalewa, ma ko'u la mua nae me ia, he hookahi wale no wa i ai mau wahi puna poi ai i awili pu ia me kahi waiu a ua ano mahuahua noia ai ana, a ke oki no naeia a pau loa ke komo hou ana o kahi poi a ano e ae koe no kahi wai ame ke komo apuepue ka laau a ke kauka. . Nalu nui no hoi au, akahi no hoi ma'i ana o kuu mama i haalele loa ai i ka ai a ua kamailio kaukau iho au iaia me ke aīo"ha, e hookomo mau oe i kahi poi mai haalele -loa oe, pehea hoi oe e haalele loa nei i ke kumu o ka ikaika ame ke ola? ka hoi keia ou e pilikia ai e mama, ua hele oe a olewa a hakahaka ka houpo ame ka opu a na nele maoli i ka ikaika, e_ ai i ka ai, a o kana pane, *'aole." He hookiL maoli ko kuu mama i ka ai, oiai no nae, o ka wai ka mea e inuia ana. A i kekahi! wa a'u e nonoi aku ai me ke aloha e poi, ua huli aku la oia i kahi e- mai ka nana ana mai ia'u, he hoailonā o ka makemake ole i ka olelo ia aku pela. Kamau v loihi paha ke ola o kuu mama iloko o keia mau la loihi me ka ai ole j ka ai r ua hele no hoi ia la a puainawele i ke ahe a ka makani kahi kino o kuu maina al'oha. He mama oia no'u ma ka pili mare o kana lei kaikamahine o Mele Kao > hel'ani i hala e ma kela aoao, ana no' hoi i ukali pu aku la, Mai ka M H. 1887 mai ko maua hooinka ana e hoomakua aku wau iaia no*tf a pela hoi oia i hoo-keiki mai ai ia'u nana. He makwa hoolu'e nui oia i keiki a 0 lakou na nae apau, ua pau nae wale no i ka hala mua -ma-o me ko lakou papa e-o ia ae la ka inoa hope i kuu mama, a mai ia m?nawa mai o ka nele wahi keiki r ua papahi mau mai oia maluna o 'u i ka inoa (aole he hunona aka 1 ka mea i oi ae o ka makamae) he "Lei alelia he keiki," a aia me au kana mau leta me kona kakaulima ponoi, he lehuīehu wale a maloko o lakou na inoa la o r u ana i makamae loa ai, e lola aku ana i mea na'u e hoomanao poina ol'e> ai no ke aloha o kuu mama. He makua aloha keiki oiaio a aloha ohank a i na hoaloha no apau. He mea ole iaia ke kaupaleinai a na moan». mawaena ona ame a'u, ina ua loaa iaia ka lohe no ko'u ma'i, a ua manao nui loa wau no kona hiki kino ae, e hoeaana no oia, he mea ole ka ino o ka ua, ka makani ame na ale ahiu o na jnoana I i ke kono ame ka hoolalelale ae- ai ke aloha keiki iloko ona. Ua hoopulu mau ia na papalina o kuu mama e na hunakai lelehunē o ke kai maokioki o kou ona hanau e Kona kai Opua i ka lai, ua hookamaaina mau oia i na maka-a lae ame na hihipe'a o ka uka o ua aina Kupolua la i ka lai, ua hele a kupa a kamaaina wale hoi me na helehelena ame na inoa malihini o na kini i launa nui me kuu mama. 0 ke kupaoa aala o na lipo o ka wao a ka makani kehau e mai ai, o na kilihune ua e loku ana iluna o ka liko o ka lehua a hoopulu-pe ae i ke kamahele, o ka pa kolonahe mai hoi a ka makani he eka mai ke kai mai, ua papahi kuu mama ia mau nani o ke one hanau o kana kamalei nei; ka mea oia mau hiohiona la ua lilo mai lakou i laau lapaau e hooluolu mau mai ai iaia mai kona mau manawa ma'i nui. He Karistiano oiaio a kupaa loa kuu mama, iloko o ka Haku. He hoahanau noho maemae iloko o ka ekalesia o Kaumakapili. He lima kokua i hilinai nul ia e na hoa ma na hana manawalea. He pololei ame ka hoopono kona mau manao ame kona mau lawelawe hana ana. iHe koa wiwo ole a he makaukau mau no ka paio me na puali o ka pouli. He manaoio ikaika iloko ona me ka nana pu no kona Haku aloha. He makemake ole i na ohana e hoohihia ia e na wiliau o keia ao ino a he ikaika loa

oia i ke a 'o ame ke alakai ana ia lakou jna ka noho Kavistiano ana. He Sainiania oiaio e hoopakele ana i na poe lioaJtaiaaka i lauwili ia e na mea hoohihia o keia ao, i ka poe i nele, a ma ke •ano nui r ua hana oia i kana hana apau ino kona Haku aloha maanei a ua moe •aku la oia iloko o ka maluhia. He mea e kanalua ole ai no kuu mama, ka pili o na olelo hoolana a kona Haku». "E ka poe i hoomaikai ia, e komo ae.oukou iloko o ka nani o ko'u makua." <4 Pomaikai ka poe make, ke make ilioko o ka Haku" Ma ka hale o ko'u makua, he nui loa na wahi e noho ai. ; O na hana maikai apau a kuu mama maanei, he kiahoomanao poina ole nona iloko o na poe apau i ike a i kamaaina ponoi iaīa. A i ka hooki ana iho i keia, ke hoomaikai nui nei au i ke Aleua no kona lokomaikai no ka mea Nana no i haawi mai a Nana no i lawe aku, o kona makemake ke hookoia. A i na poe apau i pili a i launa me kuu mama,, a i ko ka home a}oha hoi o kuu mama i auamo ai i na ehaeha hope loa ko'u aloha nui Owau maai no na wa apau, he keiki aloha makua. ROB®RT MAKAHALUPA, 'Honoluliii, D«kemaba 14, 1908.