Ka Nupepa Kuokoa, Volume XLIII, Number 51, 18 December 1908 — NOHO I KE PUHI HE MAU PUKIKI KOLOHE [ARTICLE]

NOHO I KE PUHI HE MAU PUKIKI KOLOHE

• Mamuli o ka hana kolohe mau a kekahL mau keiki Pukiki. i na Pake e hoi nei nouka o Nuuanu ame Pauoa iloko o kekahi mau manawa i hala ae nei, ua hoopuka maoliia he palapala hopu no kekahi mau keiki elua, a ma ka Poalua nei i paa ae ai laua maloko o lea halewai. 0 Eddie Fragas ame Manuel de Melo ka inoa o keia mau Pukiki, o ka inoa mua nae o laua ka mea i kapaia e ko Puowaina poe i ke Keko, mamuli o ke ano o kana mau hana, a eia na makai ke nana nei no kekahi man keiki Pukiki hou aku elua, na hoa o keia mau Pukiki iho la i maa ma keia hana. Aole e leala keia mau keiki e liana kolohe mau nei i na Pake, aka nae mamuli o ko laua hoeha ana ia Mr. Kay oiai kela kanaka e noho ana ma kaaoao 0 ka uwapo ma ke alanui e mana la no Pauoa, pela i paa koke ai laua i ka hopuia. 0 ka moolelo a kela mau keiki o ka hoeha ana ia Mr. Kay e like me ka Makaikiu Kalakiela i hoike ae ai penei no ia: E noho malie ana no kela kanaka ma ka aoao o ka uwapo, a aia hoi kela mau keiki Pukiki mahope pono aku o kona kua me ko laua noke ana i ka namunamu, a i ka wa i puhiia ai lea papale o Kay e ka makani a haule iluna o ka lepo, o ka manawa no ia 1 lele mai ai ua mau keiki la maluna 0 ia'nei, a noke iho ia ika paluku. i 1 ko laua ike ana ua lawa paha ko ■ laua makemake, ua hoomaka aku la laua e holo me ka puahia nui, a hele mai la hoi ka mea i hoehaia e hoohiki 1 palapala hopu no kela mau keiki kolohe no ka hoeha ana iaia. O ka manawa i hanaia ai kela hoeha, ma ka i po o ka Poakahi aku nei i hala. Ma ka Poaono aku nae o ka pule aku mamua ua nokeia kekahi Pake e noho hana ana no kekahi ohana ma ke Alanui Nuuanu i ka palukuia e kekahi poe kamalii, a iaia i hoea ae ai po ka halewai raa ka Poalua nei, ua ike koke aku la oia ia Fragas, oi& kekahi o 3ca poe na lakou oia i noke ika paluku a palupalu. .... I kekahi mau po ae nei ī hala, i kekahi kaapio e lawe ana i kana mau ohua, he mau kane elua ame na wahine elua no ke alanui Pauoa, a i ko lakou kokoke ana ma kahi kahiko o Mr. Atkinson ma, ua oili mai la kekahi mau keiki Pukiki he eha a elima paha ko lakou nui a paa mai ika lio. O kekahi o keia mau keiki ī pea ae i ka hopuia ka mea nana i paa ka ho f a na kekahi o laua i kauoha aku ī ka mea oluna o ke kaa e hemo mai īwaho no ka hakaka ana, oiai nae he nui na kauhale ma kela wahi ua hemo a mai la kekahi poe mai ko lakou mau hale mai, a o ka pau no ia o ua poe keiki la i ka holo.