Ka Nupepa Kuokoa, Volume XLIII, Number 51, 18 Kekemapa 1908 — NA ANOAI O LANAI HALE. [ARTICLE]

NA ANOAI O LANAI HALE.

Pumehana ke aloha o Kristo lesu. Ma ke ahiahi o ka la 25 o Novemaba i hala i hehi hou ai ko'u mau kapuai i ke one aloha o Maoele a muki papalina hoi au me kuu milimili ka hau iniki ili o Palawai, a na ka uwea telepona i niau aku i ka loa o Koele, e hoike aku ana, eia au he olulo no ka Mikahala. A hea mai he leo aloha me ke koiuiu eia ko home ua pumehaūa i ke aloha o Kristo ko kakou Hoola. v Ma ka hora 7 p. m. o ia po ua hiki aku au ma Koele ka home aloha o Mr. ame Mrs. Gay na makua o keia aina a'u i noho ai a kupa, a ua hooleipa ia aku ka oukou kauwa me ke aloha oiaio. Ma ka Poaha, Novemaba 26, ua haalele iho au me Mr. Gay no Keomuku e ike i ka nani o Lanai Hale, ka luakini nani o ka Haku i kukulu ia e keia mau makua, no na elemakule, na luahine, na opio, na pokii, na haipule hoi o ka aina. Ua malamaia he anaina haipule no ka hoalohaloha ame lea hoomaikai ana i ke Akua no na pomaikai i loaa o keia makahiki e like me ke kuahaua a ka Peresidena o Amerika Huipuia, ua malamaia na hana me ke ohohia nui. Ma ke Sabati, Novemaba 29, ua hoomanao ia ka piha ana o na makahiki he 5 o keia luakini o ka Haku, ua hiki ae ka Makua Rev. D. Keliiokamoku me kana aliiwahine ame kekahi mau makamaka mai Lahaina mai. Ua malamaia na hana ma ke alakai ana a ka makua Bev. D. Keliiokamoku i kokua ia e a'u ame Mr. Gay. Ua hoomaka na hana i ka hora 10 a. m. a hookuu i ka hora 2 p. m. me ke aloha, me na waimaka ame ka hoomaikai i ke Akua no Kona aloha ame Kona lokomaikai. Ua hookomo ia iloko o ka Ekalesia he mau hoahanau hou he ekolu. Ua malama puia me ka ahaaina o ka Haku. Mahope o ka pau ana o na hana haipule a hoomaikai i ka Makua Mana loa, ua naue aku na mea apau i ka home Kahakai o na makua malaila i malamaia ai kekahi papaaina i piha i na mea maikai e oluolu ai ka maka ame ka naau. Ma ke ahiahi Poakolu, Dekemaba 2, «a hoea hou ae la ka Mikahala me elua mau olulo hou oia hoi o Rev. Henry .Tudd ame kona makuahine aloha e hahai ana i ke alahele o kana keiki i hapai i ke Ke'a aloha o lesu Kristo. Ua hookipa ia mai laua e na makua me ke aloha pumehana iloko o Kristo lesu. Ma ke Sabati, Dekemaba 6, ua akoakoa mai na kini haipule o ka aina ma ka luakini o Lanai Hale, ua hoomaka [ ke Kula Sabati i ka hora 10 a. m. ua malama ia na hana me ke ohohia, ua loaa no hoi he mau olelo a'o a paipai mai na malihini mai a mai ia Rev. Henry Judd Kahu Kula Sabati o ka Paeaina. Ua hoomaka na hana haipule i ka hora 11 a. m. me na kahunapule ekolu Rev. Henry «Tudd, ko oukou meakakau i alakai ia e Rev. D. Keliiokamoku. la Rev. Henry Judd ka haiao, oia hoi ka moto aloha a poina ole o Hawaii nei, "Ua Mau ke Ea o ka Aina i ka Pono,'' na Rev. D. Keliiokamoku i unuhi ae i ka olelo makuahine, ua •kokuaia ka haiao e ko oukou meakakau. Ua hookomo hou ia iloko o ka Ekalesia he elima hoahanau, ua malama pu ia ka papaaina o ka Haku no lakou. Ua hookuu na hana i ka hora 2:20 a naue hou aku la na mea apau i ka home aloha o na makua puuwai hamama ame ke aloha e hahao i ko loko i na mea maikai i hoomakaukau ia. Ma ka hora o p. m. o ia ahiahi ua malamaia na hana Ahahui Opio Kristiano me ke ohohia no hookahi hora r i paipai puia e na malihini. Ma ka liora 6 p. m. ua malama ia ke anaina haipule, ua ohuohu o Lanai Hale i na haipule. Ua alakai ia ka haiao e ko oukou meakakau ma I Petero 1:4. Ua eha o lesu ma ke kino no kakou, nolaila e hoomakaukau no oukou i manao like no ka mea, ina eha kekahi ma ke kino, ua haalele oia i ka hewa. Ua ia na hana me ke ohohia nui, me ka hooinaikai nuī aku i ke Akua. Ua hookuu na hana i ka hora 8:40 a naue aku makou no na home ma ka nani o Mahina piha. Ma ke ahiahi Poalua, i ka hora 7 p. m. ua hoohui ia ma ka berita maemae o ka mare o Mr. Naiwi Kaleiopu ame Miss Caroline Kahoohalahala, e ko o\ikou meakakau ma ka luakini, na* ka Haku e hoopomaikai mai i kana mau kauwa. ** Ma ke awakea o ka Poaono i hala ua haalele aku makou na malihim i ka. home aloha a makou i luana ai me na w-aimaka ame jaa ]eo hoonani i ke Akua Kiekie loa. no. Nolaila, ke noi ae nfei makou i ka Makua Mana loa, Nana no kiai a malama mai i kana poe kauwa, Nana no hoi e hoomau i ke aloha, ka pono ,ame ka oteio iloko o Lanai Hale,. a ptela hoi makou e haawi nei i ka makou hoomaikai palena ole i na makua o ka home Mr. ame Mxs. Gay, ka laua mau lei aloha, na makamaka ame na hoaloha. Me kakon apau ke aloha o Kristo lesu, Amene. Kou oiaio iloko o Kristo. REY. JNO. J. MATHEWS.