Ka Nupepa Kuokoa, Volume XLIII, Number 51, 18 December 1908 — KI I KONA HOA LAHUI I KA PU Pakele Mahunehune Nae ke Ola-A Paa ka Mea Ki Pu i ka Hopuia. [ARTICLE]

Help Learn more about this Article Text

KI I KONA HOA LAHUI I KA PU

Pakele Mahunehune Nae ke OlaA Paa ka Mea Ki Pu i ka Hopuia.

Ma ke kakahiaka nui poniponi o ka Poaono aku nei i hala, ua kiia kekahi Korea o Yee Sang Sil ka inoa, he kuke na J. E. Homberger, o ke alanui Anapuni, ina ke kihi o na alanui Makiki ame Waila, o ka hora 1:30 ia o ka wanaao, e kekahi hoalahui no ona. He eono poka a kona hoa Korea i ki ai iaia a hookahi wale no nae poka i ku iaia ma ka iwiaoao, aohe nae i ke kukonukonu loa e make ai, no ka mea, ua holo pahi'a wale no ka poka mawaho aohe i komo. Mahope o ke ki ana o kona enemi iaia a i kona wa i ike aku ai aohe i make ua lele aku la oia maluna ona a hahau i kona poo me ke kumu o ka pu. Ua lehulehu na niho i hakihaki me na pukapuka lehulehu ma kona poo. Mamua pono iho o ka hale o H. P. Benison kela hakaka kahi i hanaia -ai, a mamuli o ke pohapoha o ka pu i ala mai ai ka poe o kela hale. Ua hoike koke o Mr. Denison i ka oihana makai a iaia e kelepona ana, kokolo hele aku ana kela Korea i pepehiia iluna o kona lanai a nonoi aku la e kokua iaia. I ka wa i ike mai ai ke Korea powa i ke ala o Denison ma o kona manawa ia i ahai ai ka pupulii a nalowale. I ka hiki ana aku o ke kaa makai ua hoihoiia kela Korea i ka halema'i a i kona nanaia ana malaila, ua ikeia aole no i kukonukonu loa ka eha e make ai oia. I kela Korea maloko o, ka halema'i ua hoike ae oia i ka inoa 0 kona mea nana i pepehi a ua hoomaka koleeia ka huli ana iaia. Aohe i hoike ae kela Korea i ke kumu o ka manaoino ana o kela Korea iaia, o ke koho waleia aku no he manao punalua paha, a i ole he manao powa maoli no paha no ka makemake 1 ke dala. Ua paa nae ka mea ki pu i ka hopuia i kekahi mau po aku nei i hala, a o kana i hoike ae ai imua o Makaikiu Kalakiela, ua ki oia i kona hoa ma ke ano kupale, oiai e hou mai ana kela iaia me ka pahi/ Ua loaa aku no kela pahi mamua koke mai o ka hale o Denison.ma ke kakaliiaka i hana ia ai ke ki pu.