Ka Nupepa Kuokoa, Volume XLIII, Number 51, 18 Kekemapa 1908 — KA MAKAIKIU NIKOLASA KATA KA WELI O NA POWA [ARTICLE]

KA MAKAIKIU NIKOLASA KATA

KA WELI O NA POWA

, • MOKUNA XXI. • ""Ae," wahi a Patse f me ka lalau ana iho i kana penikala; "mai hooluhi oe ia oe ma ke kii ana i noho; aohe au e liuliu a hele koke aku; he mau wahi lalani uuku wale no ka'u e kakau ana." Hoi hou aku la ka i kona noho a hoomaka iho la e kakau. He mau minute pokole mahope iho haawi aku la o Pats6 i kekahi apana pepa i kakauia e ia, a lawe aku la i ka lunahooponopono e heluhelu. "Ua hauoli nui loa au i ka loaa ana mai la ia'u o keia meahou," wahi a ka lunahooponopono; "aia a haawi aku au i ka poe hoonoho "hua e hoonoho mai i keia meahou." "I ka wa hea oukou e pa'i ai i ka oukou pepa?" > "O ko makou maa i ka hora ehiku o ke kakahiaka makou e pa'i .ai, a i kekahi manawa, i ka wa e komo mai ai o na mea ano nui e lohi loa ana a hiki i ka hora eiwa i kekahi manawa.". "Pehea he hoopuka kokeia no ka oukpu pepa i ka wa e pa'iia ai?" "Ae. Aole e piha ka elima hora i kekahi manawa, pau no ka pepa i ke kalewaiā, a o na nupepa e hoounaia aku ana ma na kulanakauhale mawaho maluna o ke kaaahi o ke ahiahi e kau aku ai. E Mr. Dikekona, aole anei e loaa mai ana i wahi ikamu ia makou mai a oe mai e pili ana nou?" "Aole paha e loaa aku ana," wahi a Patse;" aohe nana nui o ka * lehulehu no'u, a oiai he kanaka kakau nupepa no hoi au no kekahi manawa loihi nolaila aole paha he mea kupono ka ikeia ana o ko'u inoa ma na nupepa." "E oluolu oe e komo hou mai ke loāa ia oe kekahi manawa kaawale." . ■ "Ua pono; kakahiaka nui apopo komo hou mai au, o ko oukou manawa nui ole paha ia oka hana. He makemake au e ike ika lawelaweia o na nupepa o kuaaina nei." "Hauoli au e lawe aku ia oe e hoomakaikai i ko makou keena hana ame ko makou keena pa'i nupepa," wahi a Mr. Fela." Aneane e pau loa ia'u keia mau mea ika lilo mai. I kekahi manawa e nui loa mai ai ka hāna hele kino au e hoonoho hua," a hoomaka ae la oia e akaaka. "Ua pono kela," wahi a Patse; "kakahiaka apopo hele hou mai ai e ike ia oe." Hoi aku la oia i kona hokele e moe ai a no ka maluhiluhi loa hakalia no iaia.a kau ke poo i ka uluna lilo me Niolopua. I kekahi kakahiaka ae hiki mai la o Bakoma e kii iaia e like me ka laua i kuka mua āi ike ahiahi mamua iho. Kau hou la laua maluna o ke kaalio o Bakoma a holo kaapuni hou aku la ma na wahi like o ke kulanakauhale, a mamuli o kona nieniele mau i kona wahi ua lilo i mea kaniaaina loa iaia ka inoa ame na halehana liktf ole o Berafoda. "O kela kanaka e ku mai la ma o," wahi a Bakōma me kona kuhikuhi pu ana aku me kana huipa, "o Mr. Motimara Dekona ia; ua manaoia oia ke kanaka waiwai loa o Veremona nei, koe wale no keia aohe maopopo ka nui o ko na waiwai." "Heaha kana hana?" i ninau ae ai o Patse. "Aohe poe i iko i kana hana; me he mea la he kanaka hana kalepa oia mamua a no ka hui o kona waiwai ua hoomaha oia ia hana a ma na hana man.a wale no oia e lawelawe nei i keia manawa. \ Mai keia manawa aku hoomaka loa iho la ko Patse noonoo nui loa no kela kanaka. He ano aoo no kela kanaka, 3he ano kuoo nae me ka makona. E ku ana ia mahai o kekahi kaalio nani e kauoia ana e kekahi niau lio eleele elua. E kamailio ana me ke kupakako o kekahi halekuai .ana e ku pu ana. Aole i liuliu iho kau hou ae la oia i kona kaa a holo aku la. "I iho mai la kela la i kai nei no ke kuai ana i kekahi mau mea ai," wahi a Bakoma. "Alaila maluna mai oia o kela kaa lio nani e holo mai ai no ke kuai ana i kana mau meaai?" "Ae; pela iho la kona maa ke iho mai i kai nei; maluna wale no ia o kela kaa e iho mai ai. Aia kona hale iuka loa o ke kuahiwi he umi mile mai ke kaona aku nei. Aole mea e iho pu mai me ia, a i kona manawa e kuai ai i kana mau meaai, e hookaa mau ana oia ma ke dala kuike wale ro." / "He kanaka kupaianaha maoli hoi ha kela," wahi a Patse i kona kokoolua. "Ae, a eia kekahi mea maikai loa i kela kanaka, he kanaka hoopono loa oia." % "Pela? Pehea oe i maopopo ai he kanaka hoopono loa oia?" "I kela makahiki aku nei, ua poina i na luna auhau ka hoopaa ana i kekahi apana aina ona, a i kona hele ana mai nae e hookaa ua hoike aku la oia ia lakou i kela k'ina. me kona hookaa pololei ana aku a pau loa." "He kanaka hoopono io ka hoi kela," wahi a Patse. "Pehea ka loihi e noho ai i kai nei ke iho mai oia ?" "Ma ka hapanui o ka manawa, aia no a puka ka nupepa." "Aohe nae paha ona iho mai i kai nei i na la e ae ?" "He iho mai no i kekahi manawa no ke kii ana mai i kana mau leka." "A he iho hookahi mai no oia?" v "Ae, ina manawa apau. Kupaianaha, ea? O kc kanaka hanohano a waiwai e like me kela aohe ka ona mau hoāloha?" "Ae, kupaianaha maoli io no hoi!" "A eia kekahi mea kupaiahaha loa aole mea hookahi o Berafoda nei i hiki aku ke kipa i kona hale." "E, ano io hoi ha. Aia mahea kona hale?" "Aia iuka loa o ke kuahiwi Eleele, umi mile».mauka loa o ke alanui Alani. Pehea, e makemake ana ob.e holo kaua iuka olaila e nana ai?" "Aole i keia manawa; aohe o'u manawa." "Ina he makemake kou e lawe aku au ia oe ilaila, ua hiki ia'u ke hooko aku i keia manawa, aole nae e hiki ke komo aku iloko o kela pa no ka mea, ua paa mai i ke kiia." "Ua pono kela; no kekahi manawa okoa aku ia alaila pii aku au ilaila e nana ai i ka pukapa." - 1 "E lawe oe ia'u i kai i ka halepa'i nupepa," a hoomaka koke aku la laua e holo nolaila. "Pehea, e paa loa ana paha oe i ka hana i keia auwina Ia?" wahi a Patse i ninau aku ai ia Bakoma oiai laua e hoomakaukau aku ana e holo. "Aohe paha a'u hana nui loa; ina paha he makemake kou e hana aku au i kekahi mea nou ua hiki loa ia'u ke hooko aku ia makemake ou!" "Akahi no makou a lawe aku nei i ka papapai no ke p&'i ana ana," wahi a ka lunahooponopono, i ko Patse wa i komo aku ai iloko o ka īumi. "Eia ka pepa mua loa i paa mai la ina he makemake kou e heluhelu." "Ae, he makemake au e ike aku i na meahou," wahi a Patse. Kaholo iho la kana heluhelu ana a hiki i kona ike ana iho i ka manao pepa ana i kakau ai: "HE MA'LIHINI KOIKOI KE HIKI , MAI ANA." Malalo iho ka ikamu ana i kakau ai no ka hoolahaia ike ahiahi mamuaiho. Penei ka mea i kakauia:

"Ua kauohaia ka Makaikiu kaulana loa Nikolasa Kata, o Nu loka e kona kauka e hele hoomaha ma kekahi wahi no ka hooluolu ana i kona ola kino no kekahi manawa loihi. A mamuli oia kumu ua ma- ! kemake ia e hele ma na wahi oluolu a mehameha loa ma na kuaaina, ! kahi e hiki ai iaia ke lawai'a a e hahai holoholona. | "E lilo loa ana i mea hoohauoli loa i na kamaaina o Berafoda nei ka ike ana e holo mai ana oia ma keia kulanakauhale kahi ana i koho ai maanei oia e hoohala ai i kona manawa hoomaha. "Ke manaoia aku nei e hoea mai ana ia i kekahi manawa o keia pule ae." * { MOKUNA XXII. \ "Ua ike iho la oe i ko ikamu i kakau ai?" wahi a ka lunahooponopono. * k, I ka nana iho ua kupono 'maoli kela manao," wahi a Patse i pane aku ai. "E kaawale loa ana au i keia auwina la, a ina he makemake kou e hele holokaa me a u no ka makaikai ana i keia wahi, ua hiki loa ia'u ke lawe aku ia oe, ke makemake hoi paha oe." "Me ka mahalo i kou lokomaikai," wahi a Patse; aole paha i keia la, no kahi wa aku paha; o ka'u e makemakfe nei e kokua mai oe ia'u ina e hiki ana ia oe ke hana mai pela." "O, me ka hauoli nui, e M. Dikekona, heaha ia hana atr i makemake ai e hana aku au?" "E ike mai oe, aole au i hele mai nei ia nei ma ke ano hoomaha no ka mea, e hoomanao iho oe 'he kanaka kakau nupepa au a o na kanaka kakau nupepa aole o lakou manawa hoomaha. "Pela no. He poe paa loa lakou i ka hana i na manawa apau," wahi a Mr. Fela. "Ae, pololei kela. He nui ka'u mea e kakau ai no ka'u nupepa, aole o'u makemake i na kanaka o ka hokele e ike mai i ka'u mea e kakau ana. Ua ike no oe i ko'u manao; o ke kanaka kakaunupepa aole ona makemake e ike waleia kana mea e kakau ai no kana pepa." "Ua maopopo ia'u kela mea," wahi a Mr. Fela i kamailio akaaka mai ai. Aole no hoi paha oe e kakau ana i kekahi mea hou e pili ana i na kanaka o keia wahi i mea no lakou e eha ai, ea ?" "Aole no ka hoi paha," wahi a Patse. "Aka, ua like no a like j ia'u, ua hiki ia'u ke kakau maianei s i keia la, ke keakea ole mai oe ia mea." i "O, ua hamama keia" keena hana nou i na manawa apau. Komo mai iloko nei a e loaa no ia oe na.pepa, ka inika na noho ame na mea e ae apau au e makemake ai." "Koe aku paha ko pahuuma elala," wahi a Patse- i hoomakeaka aku ai. "Haha! Aohe nui o ke dala malaila e kuko ai oe," wahi a ka lunahooponopono me ka akaaka ana iho. O keia hana o ka hoolaha nupepa aole keia he hana e waiwai ai ma keia wahi kuaaaina." Komo aku la o Patse ma kahi a ka lunahooponopono e noho mai ana a noho iho la ma kekahi pakauku ma kahi kokoke i ke pakaukau 0 ka lunahooponopono. "E noho oe a e hana malaila me he mea la aia no oe i kou home ponoi," wahi a Mr. Fela, "no ka mea, iloko o elua a ekolu hora paha i Jkoe e nui loa mai ana ka'li hana, a nolaila aole oe e hoouluhua ia aku." "Aole oe e hoouluhua iki mai ia'u," wahi a Patse. "Ua lawa loa ka manawa kupono a'u i makemake ai, a i uku no kau hana lokomaikai i 'hana mai nei ia'u, e hana ae au me he mea la he kokua luna hooponopono nou, ina oe e makemake ana, a na'u e pane aku i na ninau a ka poe e kipa mai ana." "Lokomaikai maoli oe," wahi a Mr. Fela, me kona hauoli nui no ke kokua ana o kekahi kanaka kakau nupepa o Nu loka iaia. "Hoomaka iho la o Patse e kakau. Aole ia he hana hoopunipuni ana e lawelawe ana; o kana mea i manao ai e kakau aole no ka hoolaha aku, aka e kakau ana oia i ka moolelo o kana mau hana i lawelawe ai ma Bosetona no ka hoike ana aku ia Kata. A oiai o Patse e kakau ana a e holoke ana hoi o Mr. Fela iloko a iwaho no ke kuai ana aku i na nupepa i ka poe e hele mai ana a e lawe pu mai ana i na hoolaha a ka poe mahiai. A liuliu wale pane mai la oia ia Patse: "Aohe o'u maa i ka hoi mau i ka hale i ka aina awakea ma na la hana nui e like me keia, aka ina oe e noho iho- ana ianei a hiki ia manawa, ke manao nei au e hoi e ai no hapalua hora a hoi mai oiai hoi oe e noho ana e kiai i ke keena o kaua." "O hoi e ai," wahi a Patse, me ka piha hauoli nui, "na'u e nana ae i keia hana no ka manawa a hoi mai oe." Hoi koke aku la ka lunahooponopono a noho hookahi iho la o Patse iloko o ka rumi, aoka poe hoonoho hua, i ka wa no i komo aku ai o ka papa pa'i i ka mikini, ua puka koke aku lakou no ka hoi ana e ai. •« v _ ■ * Iloko o umi-kumamalima minuke he ekolu poe i komo mai e kuar pepa a iwaena o kela poe, ua hoohikilele loa ia ka makaikiu i kona wa 1 ike aku ai ia Mr. Motimara Dekona i ke komo ana mai. Aohe o Patse i alawa ae i ka manawa ana i komo mai ai oiai i kela •manawa ua paa loa ia i ke kakau ana e ake ana e pau loa aku ia hopunaolelo. "E kala mai oe ia'u," wahi a ka malihini "eia no anei o Mr, Fela iloko nei?" "O, e kala pu mai oe ia'u," wāhi a Patse me ke ku ana Se iluna; "aohe au i lohe aku nei i kou komo ana mai nei. Aohe oia o loko nei ua hoi aku nei e ai i kona aina awakea. He hana hiki x\,o anei kekahi ja'u e hana aku ai nou?" Nana pono mai la o Dekona iaia a pane mai la: "He kanaka hana no oe no keia nupepa?" "Ae, owau ko Mr.-Fela kokua lunahooponopono," wahi a Patse. "Alaila ke holomua nei ka paha kana hana nupepa?" "Uoko o ke kau," wahi a Patse, "i ka wa e nui ai na kanaka holo mai i keia kulanakauhale, e makemake ana ia i kanaka hana no ke kokua ana iaia ma ka hana, i hiki ai i kona kokua ke hele ma o a maanei e huli meahou ai ma na hokele a ma na wahi like ole apau." "A, ke ike aku la au. O ka'u e noonoo nei e hiki ana anei ia oe ke hoike mai i na mea apau au e makemake nei, e like me ka Mr. j Fela hana mau." . | "E hoao no hoi paha au e hooko aku i kou makemake e like me; ka hiki ia'u." Huki ae la o Dekona i kekahi owili pepa mai kona pakeke ae mawehewehe ae la a kau mai la iluna o ke pakaukau. _ A me kekahi helehelena ano e kuhikuhi mai la oia i ka ikamu e pili ana ia N'ikalasa Kata a pane mai la: "He mea hou ano nui no keia e pili ana i kekahi kanaka koikoi, 1 a ke manao nei no au aoie paha oe e ku-e mai ana ma ka ha'i ana mai ia'u heaha la kou manao no kela ikamu ?" Kulou iho la o Patse e nana pono i ka ikamu i kakauia iloko o ka pepa me he mea la e heluhelu ana me ke akahele loa, oiai nae, nana no i kakau i kela ikamu no ka nupepa. "O, ke hoomanao ae la wau i kela ikamū. Na'u ponoi no i kakau ia meav hou." "Mai hea i loaa mai ai ia oe kou ike e pili ana i kela meahou?" "O kekahi kanaka e noho nei i ka hokele ka mea nana au i kamailio mai." "O ka Ona hokele anei, aole paha?" "Aole, na kekahi no 0 ka poe malihini e noho nei ilaila. He kanakā mai Nu loka mai i keia kakahiaka aku nei no kona hoi ana aku nei." "Ae, pela ka," a hopu hou mai Ia oia i ka pepa a opiopi hou iho la a hookomo iloko o kona pakeke. "Aohe paha he mea pilikia no kela hoolaha?" wahi a Patse. "Aohe no mea pilikia," wahi a Dekona, me ka helehelena kaunae i ko Patse nana aku. "He hoaloha o Mr. Kata o'u a o ka'u wale no e makemake nei e maopopo kona hiki io mai no ko'u ake nui e ike aku iaia; ina e hiki io mai ana oia he makemake au e maopopo pono kona hiki mai; aka

nae ma ka mea oiaio manao au aole oia e hiki mai ana īanei i keia kau." "Pela paha aole i maopopoloa ia'u ia mea, aka o ko'u lohe mai keia mai kela kanaka mai," wahi a Patse. "O, aole o'u makemake e noii loa aku no kela ikamu e pili ana iaia," wahi a Mr. Dekona. Kuiki iho la o Dekona me ne mea la he wahi manao hou kana e kamailio mai ana, a hoomau aku la o Patse i ke kamailio ana iaia. "Ua loaa mau ia'u ka manao," wahi ana, "oia hoi he makemake au e ike i ko Kata ano, "a haka loa mai la o Dekona ia Patse me na maka hoohuoi. "Ae, ae," wahi ana, me ka hikiwawe, me he mea la akahi no oia a ike i ka hewa o kana olelo ae, he kanaka oluolu loa oia." "Kahaha, kupaianaha no ka hoi! i mai nei hoi oe ua ike mua no oe ia Kata ahe hoaloha olua. Owau no kekahi i maopopo ole ike ano o kela kanaka. Pehea i kau nana aku, he kanaka oluolu no oia?'* wahi a Patse i ninau hoohuahualau aku ai. Aohe pane a Mr. Dekona, aka nee ae la oia i ka akaaka. "No ia ninau au," wahi ana, "aia no hoi paha ia i ke kupono o ka hana au e lawelawe ana i kupono i ko Kat.a makemake." Haka pono mai la kona mau maka ia Patse a pane mai la: "E hele hou aku ana anei paha oe i ka hokele e hanu meahou ai mahope ?" "Pela no ka hoi paha." "Ma keia ikamu e hoike ana i ko r. Kata omaimai a oia ke kumu 0 kona hele mai ianei e hoomaha ai. Manao no anei oe e loaa ana no kekahi mea maloko o kela hokele i maopopo i kona ano ma'i?" "Pela no ko'u manao," i pane aku ai o Patse. "E hoao paha au e huli i ka mea oiaio ina he makemake oe e ike." "E hoao oe," wahi a Dekona," a na'u e uku aku i kou luhi." "Ūa pono kela; ihea auanei oe e loaa aku ai ia'u?" "E loaa no au ia oe i keia aliiahi "Ina hoi ha pela na'u no hoi e hele aku a hoike aku ia oe ina e ha'i mai ana oe i kou wahi e noho nei," wahi a Patse. "Aole oe e hele ae, no ka mea he mamao loa ko'u hale aia i ke kua hiwi. E noho no oe i ka hokele a owau no ke hele aku i ka hora elima o keia ahiahi, pehea la ia?" "E hiki io ae oe ika hora elima ponoi o keia ahiahi," w r ahi a Patse, "no ka mea, e ike mai oe he kanaka hana nui au." I ka holopono ana o ka laua kamailio kuka ana haalele mai la o Dekona i ka rumi me kona haawi ana mai i ke aloha kakahiaka, a hoi aku la, a noho hookahi iho la o Patse iloko o ka rumi. MOKUNA XXIII. "O ka'u kanaka kela, a ina aole pela alaila he poo kapiki maoli ko'u," i nalu iho ai o Patse, me ka hauoli nui. I keia manawa o kana mea i hoolala ai i mea e maopopo pono ai iaia ke ano o ke Alakai o ka poe powa me he mea la ua holopono ia, no ka mea, ma keia mau mea ana e hoomaopopo nei me he mea la ua pololei kana kolio. He mea pono e loaa mai aohe o ka ike pololei loa wale no e pili ana i ko Dekona komo iloko o na hana a Mrs. Remona ame Hawē r aka e loaa pu mai i mau hoike e hooia mai ana i ke kupono o kona hopuia aku. V Hookahi mea pono i ka makaikiu e hoohana ai i kona mana no ka hopu ana, a o kekahi e pono e loaa iaia na ike oiaio apau i mea e hoahewaia ai ka mea i hopuia. Ua moakaka keia mau mea apau iaia, a ua ike pu no hoi o ka hewa ana e hana ai, o kona poina ia nolaila, o kona noonoo akahele loa i ke keehina maopopo mamua o kona nee ana aku imua ka pono. He elima ona hora e noonoo akahele ai no keia hana mamua o kona hele ana aku e hui me-Dekona a e hoike aku i kela ma'i o Kata ana i hoolaha ai ma ka nupepa, oiai nae aohe ma'i io o Kata, nolaila, 1 ko Mr. Fela hoi ana mai, hoike aku la o Patse ua pau kana hana, a oili koke aku la oia no ka hele ana e huli ia Bakona. "E Mr. Bakona," wahi ana, "he alanui piiku io no anei kela e moe la a hiki i kahi a Mr. Dekona e noho mai la?" "O na mile hope elua he piik» io no," wahi a Bakona, "aka o ka hapanui o ke alanui he iliwai e holopuni ana maha'i o ka muhwai. "Hiki no ia oe ke lawe ia kaua ilaila a hoi mai iloko o elia hora?" "Auwe! he hana maalahi wale no paha ia." . t _ "Ua paina no oe?" ' I "A't* f ua pau ko'u aina awakea." ! "Ina hoi ha pela e holo koke kaua iuka i keia manawa." Iloko o elima minute ua makaukau mai la ko laua kaalio ee ae la laua no ka holo ana. f "Mai holo pololei kaua ma kela alanui e pii la a ke kuahiwi Eleele e holo mua kaua ma kekalii alanui e ae, a mahope alaila holo aku ma ke alanui." ' [ "E holo mua no hoi paha kaua ma nā ālanui mawaho ho fclua mile a mahope, alaila holo aku ma kela alanui," wahi a Bakona. Aohe pilikia loa ina e hiki ana ia oe ke lawe ia kaua ma ke alanui pololei iloko o eha hora, ua loaa ia kaua he manawa akea loa," wahi a Patse, "Ua pono ia; heaha keia hana nui au?" Apopo hōike aku au ia oe i na mea apau e Bakona," wahi a iPatse me ka leo oiiiolil; "E pono oe e kala mai ia'u no ko'u hoakaka ole aku ia oe i ke kilHiU i keia la." "O, pololei kela, e Mr. Dīk#kofta; i ninau wale aku la no hoi au ia oe no ko'u makemake e ike nlliā/ Ke fke e aku nei au i kou noonoo nui loa no kekahi mea." ' Ia laua i maalo at ai ma kekahi aoāo o ka hokele mahope iho o ko laua hoi ana mai, ike koke aku la o Patse i na lio o Dekona e ku mai ana ma kahi kokoke i ka halepapai mawaho aku o ka hokele. Ua ike mai la o Bakona i ko Patse nana pono i na lio. Kaoiii mai la o Bakona i na lio a lele koke aku la o Patse. Hele pololei aku la o Patse i ka hokele a hoolalau wale aku la no iloko o ka rumi aina. . ■ , O Mr. Dekona hookahi- ke noho ana iloko oia wale. I ko Patse komo ana aku, ike mai la oia i ka makaikiu a ku koke ae la oia iluna a hele mai la e halawai me ia. "Aohe i loaa ia'u kekahi kanaka i maopopo i kekahi mea e pili ana i ka kaua mea i kamailio ai no Kata," wahi a Patse, "aka e huli hou aku ana no au i kekahi mea i maopopo a hoike aku ia ōe i ka hora elimā." "Ua pono," i pane mai ai o Dekona, "mai kamailio aku nae oe na'u oe i kauoha aku e hele e ninaninau hele." "Aole no ka hoi paha," i pane aku ai o Patse; "e ninaninau ana ! au mamuli o ko'u manao ponoi iho, me he mea la e makemake ana i au e maopopo i loaa i meahou no ka pepa." "Oia ka pono, e ke kahaka opio." A mamuli o ko Patse hoomaopopo ua manaoio maoli no o Dekona he kanaka hanu meahou oia no ka nupepa a e hoolilo ana ia i kona manawa no ia hana, hoi hou aku la o Patse i ke kaa o Bakoma \e kali mai ana a holo hou aku la laua no ka holokaa ana. Ma kela holo ana hiki aku la Jaua i ke kumu o ke Kuahiwi me ka halawai ole me ka poino. Ma kela wahi, mana aku la ke alanui o kekahi mana e holo ana i ka akau ma ke kula palahalaha, a o kekahi e holo ana iluna oke ahua. Kaohi mai la o Bakoma i na lio aku iho la. "He elua alanui e hiki aku ai kaua i kela hale mai anei aku," wahi ana. "I ka wa e iho mai ai o Dekona ike kaona, e iho mai ana ōia ma kela alanui piiku, a iaia e hoi ai me ka piha ukana e hoi ana - oia ma kela'aoao ae, he alanui loihi loa ia, he kamoe nae." Noonoo iki iho la o Patse no kekahi minute a pane aku la: "Pehea no hoi e holo kaua ma kela alanui loihi a hoi mai ma' keia alanui?' Hoomaka aku la o Bakoma e hili ika lio ahe aneane hapalua mile mailaila.aku hiki aku la laua i kekahi lokowai a maha'i o kela lokomai ke alanui e holo ae «L .. A i Aole i Pau.