Ka Nupepa Kuokoa, Volume XLIII, Number 50, 11 Kekemapa 1908 — HULI MAKEHEWA I KA MEA KOMO HEWA [ARTICLE]

HULI MAKEHEWA I KA MEA KOMO HEWA

Ma ka hora 9 o ka po o ka Poaono aku nei i hala ia Mr. Lewis o ka halekuai rama o Love Joy & Co., e hoomaka ana e wehe i ka puka o ka halekuai, ua hoea aku la he mau wahine Hawaii, a no ke kamaaina mua o kekahi o laua iaia, ua noi aku la iaia in a paha e hiki ana ke haawiia mai kekahi wai no laua. Ua ae aku la o Mr. Lewis i ka laua noi, a wehe aku la i ka puka o ka me ka ho-a pu ana ae i ka ipukukui. Oiai ua mau wahine nei e inu wai ana, ua olelo aku la kekahi o laua me lie mea la i kana hoomaopopo, ua ike oia i ke komo ana mai o kekahi mea iloko o ka halekuai, a ia manawa i ala mai ai ka manao iloko o lakou, malia paha he mea wawahihale kela o ke komo ana ae. Ua hoounaia mai la kekahi wahine o laua no ka hele ana e kii i makai, oiai hoi o Mr. Lewis i hele aku ai e kii i kana pu panapana no ka hoomakaukau ana iaia iho. Ua hoea mai la he ekolu mau makai, a o ka hoomaka koKe iho la no ia o kekahi o lakou me Mr. Lewis e huli ialoko o ka halekuai, a o ka mea apiki o ko laua noke ia i ka huli a hiki i ka pau liolookoa ana oloko o ua halekuai nei, aole he mea i loaa aku, koe wale iho no ka halawai pu ana o kekahi me kekahi. Oiai hoi e nokeia ana oloko o ka halekuai i ka huliia, ua hoea mai la kekahi poe e aleu, a he hookahi ko lakou huli like ana me ka loaa ole no o ka mea wawahihale i manao wale ia.