Ka Nupepa Kuokoa, Volume XLIII, Number 50, 11 December 1908 — I HONOLULU IHO NEI KEKAHI KEPANI AKEAKAMAI KAULANA. [ARTICLE]

I HONOLULU IHO NEI KEKAHI KEPANI AKEAKAMAI KAULANA.

Maluna mai o ka S. S. Korea o kela pule aku nei i lmla kekahi ohua koikoi a kaulana, a he akeakamai hoi i ike nui ia ina ke ao nei, oia o D. J. Takainine o Nu loka, e liuli hoi ana no kona home ma Nu loka, mahope o kona holo makaikai ana aku nei ina na aina e no kekahi manawa loihi. Mamuli o kona hooikaika maoli ame kona huli ponoi ana ua loaa iaia kelelahi laau lapaau maikai loa' i huli ponoi ia eia, a na ia mea i hapai ae i kona inoa a lilo i mea kaulana ma Nu Ioka; aole o kona kaulana wale no ka mea i loaa iaia ina ia hana ana, aka, ua loaa pu iaia ka waiwai ia manawa hookahi. Ua hanaia e ia kekahi waiseke (whisky) mailoko mai o ka uala a ua lilo nae kela hana ana i ka rama i mea ku-e nui ia mai e ka poe puhi rama, a ma ia ano ua liilii loa ka pomaikai i loaa iaia. IJa lioololi liou oia i kana hana ana mai ka rama mai a i ka laau lapau, a mamuli o ia hana ana, ua loaa kekahi laau maikai loa i kapaia. ke Takadiastase, a ma o ka holopono o ia laau ana i hana ai i hapai ia ae kona inoa i loaa pu ai iaia ka pomaikai a ua kaulana loa oia ma ke ao apuni he akeakamai, a ua lilo pu kana laau i huli ponoi ai i mea lawelawe nuiia e na kauka apnni ke ao nei. Ua mare oia me kekahi wahine Amerika a he mau aina kona ma kekahi wahi e pili kqlcoke ana i ke kulanakauhale o Nu loka. Maluna o kela apana aina ponoi ona i kukulu ai oia i kekahi mau hale nani niinui me na halepule, a oia mau hale oia no ka makamua loa o na hale i kukuluia e ke Aupuni o lapana ma ka hoikeike_nui ma St. Louis a' mahope ilio o kona kuai ana a lilo mai iaia na hale o na Kepani a pau loa ma St. Louis ua wawahiia e ia a kukuluia maluna o kona mau aina ponoi. Ma Farani aine Kelemania oia i hoohala ai i ka hapanui o kona manawa iwaena o ka pohai o na kauka no ka huli no i na ike lehulehu mai na kauka naauao loa mai olaila; ua hele kaapuni loa aku oia a hala loa i Siberia, Manakuria ame Korea, a iaia ma Honolulu nei, s ua kipa ae oia ma ka hale halawai a na Kepani ma ka Moehiauki Club ma lea po Poalima aku nei o ka pule i hala no ka hui ana me na kauka Kepani oonei, a ma ia po no ua hoi hou aku noluna o ka mokuahi Korea "no ka huli hoi ana i kona home ma Nii loka.