Ka Nupepa Kuokoa, Volume XLIII, Number 50, 11 Kekemapa 1908 — HE MOOLELO NO Hakawela Reminakona A I OLE Ka Momi i Loaa Aku Iluna o ka Wai, a o ka Mea Huna Pili i ka Moe Bebe. [ARTICLE]

HE MOOLELO NO Hakawela Reminakona A I OLE Ka Momi i Loaa Aku Iluna o ka Wai, a o ka Mea Huna Pili i ka Moe Bebe.

MOKUNA XXIX. "Aole no he mea a ka'u kauwa i hoomaopopo, koe wale iho no leona ike ana ,aole i kulike ka manao o kela kaikamahine me ko kela kanaka, a mai kekahi rumi okoa aku ka holo ana mai o kela kaikamahine noloko o ka rumi a ka'u kauwa e hana ana, a he hookahi wa e no wahi. e loaa ai ka oiaio o ia no ka puka maoli ana mai ka waha mai o kela kaikamahine. . "E kali malie iho no nae oe maanei a hiki 1 kuu huli hoi hou an mai E hele ae au e ninau ika wahine malama ma'i, īna eae mai ana oia ia oe e komo aku e ike i kela kaikamahine alaila kii hou mai Eiu ia oe, no ka mea ke lawe nei au i ka ke kauka kuhikuhi, o īa hoi o ka hoea ana mai o kekahi mea i kamaaina loa i kela kaikamahine, o ia wale rp ka mea e loaa ai iaia o ka oluolu." Ua huli hoi koke mai la no nae ka ona nona ka hokele a kauona mai la ia Mrs. Reminakona e ukali aku iaia, a o ko laua nei pn aku \ a no ia no ka rumi lielu 10, ka rumi hoi a Akeneki e moe mai ana me ka ma'i koikoi loa. . Ua wehe malie aku la ka ona hokele i ka puka o ua rumi nei, a lohe maopopo aku la o Mrs. Reminakona i ka nui mai o ka hanu o Akeneki, a mamua o ke komo loa ana aku o Mrs. Remmakona īloko e ike ai ia Akeneki, ua hoike aku la ka ona hokele i ka wahine malama ma'i no ka ae ana o keia lede e kokua aku iaia ma ka malama ana ia Akeneki, a ua lilo hoi ia i mea hoomama aku i ka manao o ua wahine malama ma'i la a o ia kana o ka pane ana mai ia Mrs Reminakona. "Ke hauoli loa nei au i kou hele ana mai nei, aka ke maka u nei nae au no ka hiki i kela kaikamahine ke lanakila mai keia ma'i mai i Hoaa iaia, a o ka'u e hoike aku nei ia oe, he pomaikai paha ka hala iaia o nia la ekolu e ola ai, ke ole nae e loaa koke laia ka loli no ka pii mai o kona oluolu, aka e komo mai nae kaua," a alakai aku la ka wahine malama ma ? i a hoonoho aku la ia Mrs. Reminakona ma kekahi noho e kokoke ana i ka moe o Akeneki, oiai hoi ka ona nokele i noho iho ai ma kekahi noho okoa aku. _' t Aole i hoikeike koke ia aku o Mrs. Reminakona ia Akeneki 1 kela wa o kona komo ana aku iloko o ka rumi, a oiai hoi i ka paia ke alo o Akeneki kahi i huli ai, nolaila aole oia i ike i ke komo ana aku 0 kekahi mea, a ke manao mai nei no oia, o ka poe mau no e komo nei iloko o kona rumi, nolaila aia no oia ke moe hoololo la iluna o kona wahi moe. Ua hele aku la nae ka wahine malama ma'i a kulou īho la ma ka aoao o Akeneki a i iho la: "Ua hiki mai nei i ka manawa e ai liou ai i ko laau e ala pono ae paha oe i hiki ai ke komo aku ke puna laau iloko," a o ka huli ae la no ia o ke alo o Akeneki īluna, a lalau mai la i ke puna laau me ka hoowahawaha ole, a mom aku la, eia nae ua kamailio mai la oia e like no me kana hana mau i na manawa apau Ika i ana mai: , • , •'He keu aku ka hoi ka hele ole mai o Hakawela e kokua īa u, ua ku maoli no oia i ka lokoino, aole no hoi he noho a hoomanao mai ia'u." . "E hoea mai ana o Hakawela e ike ia oe, aka ua hoouna e ia mai nei nae kekahi mea i makaukau mua ai oe no kona wa e hoea mai ai," i pane iho ai ka. wahine malama ma'i, me ka hamohamo ana iho ma jia maka o Akeneki, alaila ani mai la i kona lima ia Mrs. Reminakona e hookokoke aku ma ka moe o Akeneki. Ua hele aku la o Mrs. Reminakona a kukuli iho la ma ka aoao o ka moe a paa aku la i na lima o Akeneki, ua hele no hoi a koe na iwi, a hu mai la ke aloha iloko ōna no keia kaikamahine, ka mea ana 1 īke hope ai me kona ola kino maikai, eia ka e hele ana ia kino a koe na iwi i keia manawa. No ka maopopo ole ia Mrs. Reminakona o kana mea e hana mai ai no Akeneki, ua kamailio okoa mai la ka wahine malama ma i iaia | e kamailio iho ia Akeneki, a o ka wa no ia a Mrs. Reminakona i kahea j iho ai i ka i ana iho: ! "E Akeneki!'*'' a o ka wa no ia i onioni koke ae ai ua kaikamahine la a kaakaa ae la kona mau maka» me he mea la ua loaa aku paha iaia ka haili no ka hiki ana mai o na kokua i ona la, aka ke hoolono loa mai la no nae oia o ka lohe hou i ke kaheaia aku o kona inoa, a O: ka wa ia i kahea hou iho ai o Mrs. Reminakona i ka i ana iho. "E Akeneki, i hele mai la au e hoike aku ia oe e hele mai ana o Hakawela e ike ia oe," a oka wa no ia i nana pono mai ai o Akeneki, maluna o Mrs. Reminakona, a ike koke ia aku la ka loli ano e ana ae o kona helehelena, aole hoi kela ano hakumakuma e like me kona ano mau, aka ua mohala maikai mai la kana nana ana, a o ka wa no ia i honi iho ai o Mrs. Reminakona i kekahi o na lima o Akeneki ana e paa ana. Iloko o kela manawa i loheia aku ai ka hanu nui ana iho o Akeneki, a hoomaka koke mai la e kamailio ika i ana mai ' O e mama! e mama!" i namunamu liilii iho ai oia, a ua lilo hoi kela niau elelo i:luahewa i n.ea e hookaheia ai na waimaka o Mrs. Reminakona ame kona kokoolua, aka ke noho hamau loa la no nae laua, a o ia ka ka wahine īnalama ma'i o ka i ana v mai: "Akahi no a loaa ia'u kahi manaolana no kona loli ae ik a maikai, a 11 a kuhihewa loa ia oia o oe maoli no kona makuahine, nolila aia a fcoi pono mai kona mau noonoo maikai, alaila hiki iaia ke hoomao-

popo pono mai ia oe." Ua kamailio hou aku la' o Mrs. Reminakona ia Akeneki e moe m'uie a e noho aku oia kiai, aka ke mau mai la no ka nana ana a ua kaikamahine nei maluna o ia nei, alaila ua moe malie iho la kona mau maka, a hoomaka mai la e kahea me ka leo nui i ka hooho ana ae: "Mai ae aku iaia e komo mai iloko nei! mai ae aku iaia e komo mai iloko nei!"' Ua lalau iho la nae o Mrs. Keminakona i ka lima o Akeneki me ka hoomalimali ana iho: "Aole oia e komo mai ana iloko nei, na'u oia e kipaku aku iwaho," a ua ike aku la o Mrs. Reminakona i ka mohala maikai ar.a mai o kona mau maka, a haule aku la oia moe me ka oluolu maikai. Ke kakali aku la o Mrs. Reminakona me ka wahine malama ma'i o ka uluahewa 'nou mai o Akeneki, eia nae no umi-kumamalima mau minuke a laua o ke kakali ana, aole loa he ikeia aku o ka onioni mai o ua o Akeneki, no ka mea akahi no a loaa iaia ka moe oluolu ana, a o ke kii koke mai la no ia o ka wahine malama ma'i i ke koloka o Mrs. Reminakona a waiho aku la ma kekahi wahi okoa aku me ka i ana mai: t , • "Ua hiki no nae paha ia oe ke noho hoomanawanui ea, a hiki 1

kona ala ana mai?" Ua haawi aku la o Mrs. Reminakona i kona ae me ka olelo pu ana aku i kona kokoolua e hoi oia e hooluolu iluna o kekahi ko-ki e waiho kokoke mai ana, a iloko o na minuke helu wale no elima, ua pauhia loa aku la ua wahine malama ma'i la iloko o ka hiamoe kulipolipo, oiai, ua hele maoli no oia a maluhiluhi i ke ala mau i ka po ame ke ao, no ka malama ana ia Akeneki. Ua noho hookahi iho la no o Mrs. Reminakona m a ka aoao o ka moe o Akeneki, a ke noke la hoi oia i ka pule e hoolaia mai o Akeneki no ka pono o kana keiki, ka mea i haawi pau i kona puuwai niahope o keia kaikamahine.

No na hora elua keia noho hoomanawanui ana a Mrs. Reminaikona ma ka aoao o Akeneki, aole he ala mai o ua kaikamahine la, aka ke paa mau la no keia ika lima i hiki ai iaia ike, aia no ka pana iloko ona, no ka mea ke maka'u loa la oia, malia paha o keia moe loihi ana o Akeneki, o kona moe no ia a hiki i ke kaa ana aku ma kela aoao o ka muliwai eleele, eia nae aole pela, ke ike la no keia i ka maikai o ka hanu ana a Akeneki, aka nae nona iho, o keia ka manawa loihi loa ana i ala ai me ka okuu malie ana iluna o ka noho, a ua hele maoli oia a ui-ha. Aole nae ana mea e ae e noonoo ana iloko o kela manawa loihi, koe wale no ke kahea ana ae o Akeneki i kona makuahine iaia i komo aku ai, a na kela leo kahea, i hoala mai i na noonoo ana no kana wahi kaikamahine uuku i nalowale honua ai iloko o kona wahi manawa bebe loa, a ina paha aole i nalowale, ina ua like no kona nui me Akeneki i keia manawa. Na keia hooinanao iloko ona, i hookahe aku i kona mau waimaka e haaleale ana ma kona mau lihilihi i hiki ole iaia ke paa mai, aka hoi aole ana noonoo hou ana no kana kaikamahine ponoi, aka ke kau aku la kona manaolana maluna o Akeneki, ina no ka loaa iaia o ka oluolu maikai., alaila e loaa ana kana kaikamahine mamuli o ka lilo ana mai i wahine mare na kana keiki. Iloko no nae o ka hele o Mrs. Reminakona a piha loa i ka ui-ha, aia no oia ke nolio hoomanawanui la ma ka aoao o ka moe o Akeneka, a o ka piha wale aku no hoi koe o ekolu hora o ia moe malie ana o Akeneki, ua hoomaka ae la oia e onioni me ka hanu nui ana iho, a ia wa i hoopuka ae ai oia i ka i ana ae "e mama, aia oe ihea?" Ua lohe koke mai la ka wahine malama ma'i ma'i i kela leo kahea 0 Akeneki o kona ala koke mai la no ia a i mai la: "Eia no hoi o mama ma ko aoao e noho aku nei," wahi a ua wahine malama ma'i nei, me ke ano ohaoha. Ua kuhihewa loa mai la paha o Akeneki o kona makuahine io no keia i oleloia aku ai, i ka hoea ana aku ma kona aoao, ua kaakaa mai la kona mau maka a hoom.aka mai la e kamailio i ka i ana mai: "He keu ka hoi kuu kuhihewa loa, no ka mea ua loaa ia'u kekahi moeuhane ua hoea mai nei ka hoi kuu makuahine a noho ma kuu aoao, a ua poina loa au, no ka mea ua make ko'u makuahine a o oe ka keia e Mrs. Reminakona i hoea mai nei ia nei." Ua hoopukaia mai kela mau olelo e Akeneki, me na waimaka e kahe makawalu ana mai kona mau lihilihi mai, aka me he mea la nae, ua lilo no kona ike ana mai i ka noho aku o Mrs. Reminakona i mea hauoli ,loa iaia. ' | No ka oluolu o ka nana ana mai a Akeneki maiuna o Mrs. Rem:inakona, ua pane koke aku la ua lede la me ka leo oluolu i ka i ana aku: "Owau keia i hele mai nei e ike i kou ma'i, a aole au e kala i noke iho nei i ke kali o kou ala mai a ua loaa maoli ia oe ka moe oluolu ana iloko o keia mau hora loihi." Oiai ke hakilo loa nei ka wahine malama ma'i i ke kulana o Akeneki ua ike mai la oia i ka loaa ana o ka loli iaia, nolaila ua eleu aku la oia ma ke kii ana i kekahi mau meaai i hoomakaukau muaia e waiho mai ana maluna o ke pakaukau, a lawe mai la a haawi ia Akeneki, me ka i ana mai: "E hookomo wahi ai oe e kuu hoaloha i keia manawa, oiai he manawa loihi maoli keia o kou hiamoe ana me ke komo ole o kekahi mea e hooikaika mai ai i kou kino," a o kona hookomo mai la no :ia 1 kekahi mau puna o n£ meaai oloko o ke pola ana e paa ana, a ke noke la no hoi o Akeneki i ka ai i na mea e haawiia aku ana iaia, n ua hele maoli a piha ka umi a oi puna meaai ana o ka ai ana. "Ono maoli ka hoi keia mea a'u o ka ai ana aku la e haawi hou mai oe na'u kekahi o keia meaai au o ka hana ana mai nei," wahi a ua o Akeneki, aka no ka makemake ole o ka wahine malama ma'i e hodkikina wale aku ia Akeneki, ua i aku la oia, ua lawa kela mau puna no keia manawa a aole no hoi he hoole mai o ua o Akeneki, alaila ua kau mai la kana nana ana maluna o Mrs. Reminakona, me kona manao paha e hoi aku ana no oia no kona wahi, aka ua pane aku la nae o Mrs. Reminakona i ka i ana aku: "E hooluolu hou oe e Akeneki i keia manawa, a na'u no oe e kiai aku i kou manawa e hiamoe ana," a o ka huli ae la no ia o ua kaikamahine nei, nana mahope o kona moe, me ka manao no o komo | mai o Habaki ma kela puka i pani loaia a paa, a i kona ike ana aole e hiki i kekahi mea ke komo mai, o kona huli aku la no ia ma kekahi aoao mai ia Mrs. Reminakona aku, o kona haule hou aku la no ia hiamoe. MOKUNA XXX. I ka hala ana o kekahi mau hora hou o ia hiamoe ana a Akeneki, ua ala mai la oia me ka nanaina maikai, a ua kaawale aku hoi na hiona o ka ma'i fiva maluna ona. Oiai ua hele maoli oia a nawaliwali iloko o keia mau pule ekolu o kona waiho ana i ka ma'i, nolaila ua hiki pono ole iaia ke ala mai a noho iluna, oiai no nae e makemake okoa mai ana no oia e ala, a e papa mau aku ana no hoi ka wahine malama ma'i iaia aole e hoao e ala koke mai kahi moe mai a hala kekahi manawa loihi. . Ua piha paha ka hapalua hora o ia hiamoe hou ana aku a Ake-

neki, ua puoho koke mai la no oia a noi mai la e haawi houia aku ona mau meaai nana, a o ka hookoia aku la no hoi ia o kona makemake, eia nae aole ma ke ano e hu wale aku ai mamua o ka mea kupono, aka e ana ia aku ana kana mau mea e ai ai, me ka nana oleia aku o ke noi mai o Akeneki e hoomahuahuaia aku kana mau mea e ai ai. "Mai hoomano loa mai oe i ke koi ana i meaai nau, e kali oe a hala ka hapalua hora alaila haawi hou aku au i kau mea e koi mai nei," a ua mino'aka malie mai la o Akeneki no keia mau olelo a ka wahine malama ma'i, me ka nana ana aku i na manamana o ka uwaki. Ua nana mai la nae o Akeneki ia Mrs. Reminakona, alaila ua lalau mai la i na lima o ua lede nei, alaila ua kulou iho la o Mrs. Reminakona a haawi iho la he mu-ki ma ka lae o ke kaikamahine popilikia, me ka pane pu ana iho: "E Akeneki, e lilo ana anei i mea nou e hauoli ai, ko'u noho pu ana aku me oe ?" "Ina e hiki ana ia oe e Mrs. Reminakona ke noho pu mai me e oleloi aku ai ia oe, koe wale no ka haawi ana aku i ka'u mau hoomaikai ana no kou oluolu e Mrs. Reminakona." "O ko kaua makemake no hoi paha ia o ka noho pu iloko nei, ina nae e ae mai ana ka wahine malama ma'i ia kaua," alaila ua kaa mai la ka pane ana ma ka aoao o ka wahine malama ma'i i ka i ana mi: "Ina e hiki anna ia oe e Mrs. Reminakona ke noho pu mai me a'u, alaila aole he laau hoola e ae nana e haawi aku i ke ola o keia kaikamahine, o wale no, nolaila aole a'u mau ku-e ana aku i kou noho pu ana mai maloko nei o keia rumi." I ka loaa ana mai no o ko ia nei aeia no ka noho pu ana aku me Akeneki, ua hooholo iho la o Mrs. Reminakona, e hoomanawanui aku ana oia i ka malama ana ia Akeneki a hiki i ka loaa iki ana. o ka oluolu iaia, alaila hoihoi aku oia i keia kaikamahine no kona home hou. "E hoi ae au e hoike i ka'u kauwa lawelawe no keia kumu o ko'u noho pu ana me oe ia nei, a ke hooia aku nei au, he wahi manawa pokole wale no ko'u e kaawale aku ai, o ko'u hoea hou mai no ia a noho aku kaua a hiki i kou oluolu maikai ana."

"He keu aku ko'u hauoli ina e hiki ana ia oe ke huli hoi koke mai," i pane mai ai o Akeneki me ka hoihoi. "Aole no au e loihi loa aku ana, a o kekahi kumu nui no hoi o ko'u ake loa ana e hoi no kauhale, no ke kakau ana i leka na Hakawela, i hiki ai iaia ke ike i ko'u wahi o ka hele ana. I kela wa no i lohe mai ai o Akeneki i ka inoa o Hakawela, loli ano e ae la kona helehelena, a ike maopopo aku la o Mrs. Reminakona, ua aloha maoli no o Akeneki ia Hakawela, a o keia no hoi kona kumu o ka hoomaoe ana aku ia Akeneki e maopopo iaia ke kulana o keia mau opio. Ua hele o Mrs. Reminakona a piha loa i ka hauoli, a ke kakali

wale la no oia a hiki i ka oluolu ana o Akeneki, alaila wehewehe pono aku oia i ke kuhihewa i hanaia e Hakawela maluna ona, a. mannia u kona haalele ana mai ialoko o ke keena, ua haawi hou ilio ia oia i mu-ki ma na papalina o Akeneki a hoi awiwi aku la oia no ko laua home hou. Me na kaina wawae mama ia ana e hoi la 110 kauhale, a kauoha aku la i kana kaikamahine lawelawe e hoomakaukau koke mai i mau mea ai nana a o kona ai koke iho la no ia, no ke ake nui no e huli hoi koke aku e nana i ke kaikamahine ma'i. Ke hoomakaukau la oia i kekahi mau mea ana o ka makemake ana e lawe pu aku me ia mahope iho o ka pau ana o kana ai ana. alaila ua noho iho la oia iluna o ke pakaukau a hoomaka iho la c kakau 1 leka na kana keiki i maopopo ai kona wahi e loaa ae ai iaia i ka huli ia, ina e hoea e mai ana o Hakawela no ko laua home hou. Penei iho ke ano o ua leka la a Mrs. Reminakona o ke kakau ana: "E kuu Hakawela aloha—la oe e huli hoi mai ai no ko kaua home nei, a i loaa ole au ia oe, alaila e imi ae oe a loaa au i ka Hokele . Ua loaa ia'u ko Akeneki ma ke ano ulia, a ke waiho nei 6ia iloko o kekahi ma'i kulipolipo loa, ka mea nana i kono mai i kou makuahine nei e noho aku ma kona aoao, a e hana aku i na mea apau e hiki ana ia'u ke hoola ae iaia no kou pono e kuu lei. E hele koke ae e ike ia'u ina aole au e hoea e mai ana rto ko kaua home nei mamua o ko hiki ana mai, a na'u e wehewehe aku i na mea apau e hoopauia ae ai kou pohihihi no ke kumu o ka loaa ana o kela kulana kupilikii ia Akeneki. "Me ke aloha no, "Kou Mama." Ua haalele koke iho la no o Mrs. Reminakona ia loko o ko laua home a hoi aku la no ka hokele o ke kaikamahine ma'i e waiho mai ana, mamua ae o ka pau ana o ka hora hookahi i manaoia ai o ka loihi ia o kona manawa e hele ai, a ua hoohauoliia mai nae oia ma ia ike ana aku ia Akeneki, ua ala ae a noho pono iluna a kahea mai la iaia nei me ka leo mahamaha iaia i ike mai ai i ke komo ana aku o Mrs. Reminakona. He o ia mau no ke ano nawaliwali o Akeneki iloko o ia mau la mai a lakou o ka noho ana, aka e mahele ana nae o Mrs. Reminakona me ka wahine malama ma'i i ko laua mnawa e makaala ai no Akeneki,, a me ia wale iho la no ka laua hoomanawanui ana a hala na la ekolu» me ka pii liilii mau mai no nae o ke ano maikai o ua kaikamahine ma'i la. Ma ke kakahiaka nae o ka ha o ka la, ua komo mai la ke kauka a i mai la ia Akeneki, iaia i ike mai ai i ka mohala maikai o ka helehelena o ua kaikamahine la o ka nana ana aku iaia i ka i ana mai: "E kuu kaikamahine opio, ke manaolana loa nei au, a ke kanalua ole nei hoi i ka hoike ana afku ia oe, ua hiki mai ka wa e loaa hou aī ia oe he ola hou, a akahi no hoi au a hoike okoa ae i ko'u manao, ua pau ko'u hopohopo ana nou, a ua hala aku hoi na la o ke kupilikii, na la a'u i manao loa ai, e haalele mai ana oe i kou mau hoaloha ma keia ao." "Alaila ua loohia maoli ka paha au i, kekahi ma'i kupilikii ea?" wahi ana i ninau mai ai i ke kauka me ka piha i ke piahaohao. Ae pehea hoi e ole ai ke pahaohao, oiai iloko o na pule ekolu o ia waiho ana ona i ka ma'i, aole oia i ike i na mea e hoopuni ana iaia, a i ole hoi ia, na mea paha e hanaia aku ana nona, mamuli o ke koikoi loa o ka fiva. , Ua hene iho la ka aka a ke kauka no kela ninau a Akeneki, a pane mai la: "Ua pau loa ko'u hopohopo ana no kou hookokoke ana aku ma ka ipuka o ka lani," a na keia mau olelo a ke kauka i hookahe aku i na waimaka o ua kaikamahine la, no kona manao loa ana i kona make ina aole i loaa keia mau hoaloha na lakou e malama aku iaia. ® Ke noonoo loa la oia, ina paha no kona ukali aku mahope o kona makuahine, he keu aku ke kaumaha o ka haawina e kau aku ana maluna o Akiholo, a pela hoi me Mrs. Reminakona, aohe ana noonoo ana ae no Hakawela, ke kuhihewa loa la no oia, ua apuhi maoli mai no oia iaia, a oiai nae eia no oia i kona mau la opiopio, nolaila ua lilo no keia akelekele loa ana mai ona e pakele mai ka make mai i mea nona e hauoli ai, he oki loa hoi ke oki puia ae o kona ola ana. No ka ike ana aku o ke kauka, ina oia e hooniele loa aku ana ma kahi i pili loa i ke ola ana o keia kaikamahine ma'i, e mau mai ana no ke ano kaumaha o ua kaikamahine la, mamuli o ke ala ana mai o na hoomanao ana no na mea o ka wa i hala, nolaila ua hoomaka ae la oia e akaaka, a i aku la: "Aole a'u hana e ae e manao nei nou e kuu kaikamahine, o ka lawe wale aku no ia oe e hooholoholo iluna o ka hau." "Ina paha oe e makaukau ana e hele i ka hee holua, alaila e hoike mai hoi paha oe ia'u, no ka mea o oe o kaua ka i maopopo i ka hiki ia'u ke hele ame ka ole." "Ina pela ea, e hoomanawanui iki oe a hala he mau la a ko wahine malama ma'i e kupalu aku ai ia oe me kela mau meaai hoomomona kino ana," a pa'ipa'i iho la ke kauka ma na papalina hohoma o ua kaikamahine nei, a n'oke ae la hoi o Akeneki i ka akaaka, a i ka ike ana iho o ke kauka no keia kulana loli ano nui loa i loaa i kana ua haalele mai la oia ia lakou nei. Ma ka auwina la nae, o ua la la, ua komo mai la kekahi o na

kauwa o ka hokele a haawi mai la he palapala iloko o ka lima o Mrs. Reminakona, a ike koke iho la no ua lede aoo la, aole keia he leka na kekahi mea okoa ae, aka na kana keiki no ia na Hakawela. Ua heluhelu iho la oia i na manao i kakauia maloko o ua palapala la a huli aku la imua o Akeneki a i aku la: "E oluolu anei oe e hookuu mai ia'u no kekahi mau minuke pokole wale no, oiai aia kekahi mea ilalo i makemake e kamailio pu me a'u. Aole no ia he mea e ae, aka o Hakawela no, a i olelo mai nei, i ka nui o kona kaumaha i ka lohe ana aku i kou pilikia, a pehea e lawe pu mai anei au me kekahi pane mai iaia mai?" Ua pii ae la ka ula ma na papalina o Akeneki, me ka eu-eu ana o kona mau lehelehe, aka aole nae e hiki ke puka mai kekahi mau huaolelo mai iaia mai, a manao loa iho la o Mrs. Reminakona he kumu ano nui loa ka mea i hiki ole ai ia Akeneki ke pane mai hoi no kana ninau, me ko laua nei mahu'i mua ole nae, ua hoike maoli aku no o Lora īmua o Akeneki, o Lora aku ana ka Hakawela wahine e mare ai, a pela o Akeneki i manao loa ai ua mare o Hakawela ma, a he hele ike wale aku no keia i kona makuahine. Ua haalele iho la no o Mrs. Reminakona ialoko o ka rumi o Akeneki no ka hele ana aku e hui pu me kana keiki, a iaia i hoea aku ai no ke keena hookipa, aia ua Hakawela la ke holoke wale la no iuka a i kai me ka piha loa i ke pihoihoi. laia i ike mai ai i kona makuahine, ua haawi koke mai la oia i kona aloha, a hoomaka koke mai la no e ninau i ka pane ana mai: "Heaha hoi keia e mama?" wahi ana me ka piha loa i ke pihoihoi. "Noho iho hoi paha ilalo e kuu keiki, aole paha iluna no oee ku ai, alaila hoomaka mai e ninau. Ke ike aku nei au i kou hele a pihoihoi loa, aka e noho iho ilalo a e hoike aku no au i na mea apau e pilī ana i ke kumu i loaa ai o ka pilikia ia Akeneki." Ua ano akakuu mai la o Hakawela i kela manawa, aka ua hoomaka mai la no nae e ninau ika i ana mai: "Pehea oia i keia manawa?" no ka mea ua nui maoli, kOna noonoo ana no Akeneki iloko o kela mau la ana o ke kaawale ana, a mamuli hoi kekahi o na mea ana i lohe aku ai mai ia Akiholo aku. "Ua oluolu hoi oia i keia manawa, a e hoike aku ana au ia oe i ke kumu o kona hoea ana mai no keia wahi, oiai nae aole au i manao ua ulaaia ae na mea pohiliihi no ke kumu o ia hoea ana mai 1 nei nei, no ka mea aole makou i noke loa aku i ka niele iaia, no ka maka'u hoi o lilo ia i mea e hoano e loaia aku ai kona noonoo Ua hoomaka aku la o Mrs. Reminakona e hoike i kona lohe ana i ke kahea ana mai a Akeneki ia Hakawela iaia e noho ana e humuhumu, ame kona hele maoli ana e ninau i ka inoa o ka mea nona kela leo kahea a hiki i kona ike ana o Akeneki ka ua kaikamahine la, a iaia i hooki iho ai i kana kamailio ana aku i kana keiki no na mea ana i ike aiua i aku la oia: Aole i Pau.