Ka Nupepa Kuokoa, Volume XLIII, Number 50, 11 December 1908 — NA HOOPII HOAHEWA IMUA O KA AHA AMERIKA [ARTICLE]

NA HOOPII HOAHEWA IMUA O KA AHA AMERIKA

Mamuli o ka makemake o ka Oihana Kaua Amerika e kukulu i kahua ma Waikiki, ua noiia aku na ona aina e pili kokoke ana malaila e hoolilo ae a no ko lakou minamina i ko lakou mau aina "waiwai nui ame na home nani un hooleia mai ke noi, a ke hele loa uku nei kela hana i ka nui. Ma ke kakahiaka o ka Poaono i hala ma ka hora 11 awakea, ua waihoia aku imua o ka Aha Amerika e ka Loio Apana Breckons he hoopii hoahewa e ku-e ana i na ona aina apau o Waikiki, kahi a ke Aupuni o Amerika e manao nei e hoolilo ia wahi i kahua no ka pualikoa. He lianeri ame iwakalua ka nui o ka poe i hoopiiia aoka hooko ana aku i na palapala hopu maluna o lakou na kekahi ana o na Hope Ilāmuku. Ua hanaia na kii e hoakaka pakahi ana i kela ame keia apana a malaila i ikeia ai o ka huina nui o na eka i hoahewaia he 61.58; ua komo pu maloko olaila na lokowai, na lokoi'a na pono e ae pili paa ana i ua maa aina la. .Ua kipa mai ma keia keena nei ka Mea Hanohano ka Lunakanawai Makahalupa o Kona Hema.