Ka Nupepa Kuokoa, Volume XLIII, Number 49, 4 Kekemapa 1908 — HANINI NA KI'OWAI O KULANIHAKOI. [ARTICLE]

HANINI NA KI'OWAI O KULANIHAKOI.

Mahope ilio o ka uwe ana o ko ke kulanakauhale poe i ka nele i ka wai mamuli o ka emi loa mai o kahi wai iloko o na ki'owai hookio, mahope iho o ka hoopumehana ana a na kukuna wela o ka la kukahaoa moanopu o ka Makalii a mahope iho hoi o ka aneane loa ana e mauliawa loa nc na manaolana iloko o na luna aupuni no ka hiki e hoolawaia ke kulanakauhale i piha i na kaukani kanaka, a e aneane aku ana e anaia mai ka wai i kela ame keia hale, aia hoi, ua hoohaniniia mai la na ipuka wai o Kulanihakoi maluna o ka aina i maloo a panoa ma ka Poakolu o ka pule i hala a hiki i ka Poakahi i hala iho la. Ua nui a lawa ka wai i makemake ia a hoohanini wale Mana i ka Waiopua. Ma ka hoikeia mai o na wahi kuaua i haule ai ma ka Poakolu o ka pule i hala aohe wahi mea i kahe ae i ka luawai hooki ? o o Nuuanu mamuli o ka hala loa o ia mau kuaua makai loa mai o kahi o ka luawai, a oiai e waiho ana ka aina me ka maloo, ua pau wale no ia mau wahi kuluwai i ka no-a ilalo; aka i na kuaua o ia mau la mai ua nni nf ka wai i kahe ae i na luawi, a he wai i lawa loa ia no ka hoolawa ana i na * pilikia o ke kulanakauhale nei. 0 Kula, Maui kekahi aina pilikia loa i ka wai i na la i kaahope aku, a ma ka hoikeia mai, ua nui ka ua i haule aku malaila, e hiki ai e hoopauia ae ai kekahi pilikia no kekahi manawa ,oiai nae aole no i hookiia na manao e hooikaika ana i kumu e loaa mau ai ka wai ma ia apana. Ua hoike puia mai, ma kela apana o Kau kekahi wahi uwouwo loa i ka pilikia i ka wai, aole i haule iki kekahi ae i kekalii pilikia no kekahi manawa loihi, aka i kekahl manawa pokole i hala ae ua loaa mai kekahi lono e hoike ana ua hoopauia ae kekahi mau nuwe o na kupa ame na holoholona ma laila mamuli o ka haule ana o kekahi mau kuaua koikoi malaila. Ma Lahaina, Maui, nui ka ua pela ka hoikeia mai, a me he mea la pela no ma na wahi like ole apau o ke Teritore nei.