Ka Nupepa Kuokoa, Volume XLIII, Number 49, 4 December 1908 — KA MANAWA HOLO O KE KAAAHI LAWE UKANA. [ARTICLE]

KA MANAWA HOLO O KE KAAAHI LAWE UKANA.

E hooponopono houia ana ka manawa holo o na kaaahi lawe ukana o ka Hui Alahao ame Kaaahi o Oalm ke hiki aku i ka la 21 o Dekemaba nei, • mamuli oka nui o nana hou ame ka nui o na ukana, i ole ai e lioohakalia waleia ke kali ana. O kekahi kumu e hoololiloli liouia nei ka manawa holo o na kaaahi a o'a palia ke kumu koikoi loa, oia no «e kokoke aku i ka manawa e pala mai al o ka halakahiki o kela aina mahi halakahiki o Pupukea i keia kau ae. O kela aina kanu halakahiki o Pupukea, oia kekahi o na aina kanu hala i weheia iho nei, a ma ka hoikeia mai oia kekalii o na aina piha loa i ka hala a i ikeia ka ulu maikai. A oiai i ka wa e pala mai ai o ka halakahiki, o ka nui o na kaa ke kupono i liiki ai ke laweia me ka maalahi ame ka holopono i ole ai e lioopoinoia ia mea kanu waiwai nui, a ma ia ano e hoomahuahua houia ae ana ka nui o na kaa lawe ukana. No keia kumu e kapili hou ana ka Hui i kana-kolu-kumamalima mau kaa hou. I keia manawa, hookahi no kaaalii lawe ukana e holo nei mai Honolulu aku a Waialua a hoi mai i kela aine keia la, a hookahi kaaahi lawe ukana mai Honolulu aku a ka Ewa Mill a lioi mai i kela ame keia la. E hoololiia ana keia manawa holo i hiki ai e holo pololei hookahi kaaahi lawe ukana mai Honolulu aku nei a Kahuku e haalele ana ia nei i ke kakahiaka nui loa. Ia manawa hookahi no hoi e haalele aku ai kekahi kaaahi lawe ukana ia Kahuku a holo mai no Honolulu nei, i kela ame keia la. Ile elua mau kaaahi lawe ukana e holo aku ana mai ia nei aku a ka Ewa Mill a hoi mai. O ke kaaahi mua e holo ana ia i ke kakahiaka nui loa a hoi mai a o ka lua i ke awakea ae. I keia manawa, na ke' kaaahi lawe ohua no e lawe nei i na ukana mai Waialua aku a Kahuku, a oiai e maliuahua ae ana na ukana mai na wahi like ole o lee alahao, ua manaoia na ke kaaahi lawe ukana no e lawe i ua \ikana apau aole hoi na na kaaahi lawe ohna. I keia manawa ua tooimaia kekahi mau kaaahi no ke kokua ana i na kaaahi lawe ukana kaumaha, a mamuli o kela ua hookauluaia na kaaahi i kekahi manawa mamuli o ka paa o ke ! alanui i kela mau kaa. E hoololi pu ia ana ka manawa holo o na kaaahi lawe ohua mai "Wahiawa mai, e haalele ana ke kaaahi ilaila elima minute mamua ae o ka manawa mau e holo ia nei. I, ka wa e hookoia aku ai ka manawa! holo e like me ia e hoolalaia nei alaila e haalele ana ke kaaahi ia Wahiawa ma ka hora 7:48 a. m. a ma ka hora! 4:43 p. m. Ua manaoia o keia ka ma- ( nawa maikai loa.