Ka Nupepa Kuokoa, Volume XLIII, Number 49, 4 Kekemapa 1908 — E KU AKU ANA HE HUI KELEPONA HOU. [ARTICLE]

E KU AKU ANA HE HUI KELEPONA HOU.

Iloko o- hookahi makahiki mai keia ! manawa aku, e loaa ana ia Honolulu nei he ano maalahi loa o ka hooha/ia ana i na kelepona i like ole aku me ia e hoohanaia nei i keia manawa, o ia hoi ka hoike ana aku i ka makemake i ke kikowaena, a nana e hoohui aku me ka helu i makemakeia e kamailio pu. He nui ka hana ma ke ano kahiko i maa i ka lawelaweia e like me keia manawa. I kekahi wa, e olelo mai ana ke kikowaena ua paa ka laina, a aole he lohe ponoia o ke kamailio ana me kekahi mea, a e lohe waleia mai ana ke kamailio ana aku me kekahi uoe, aka, ma keia ano kelepona hou loa e makemakeia ana e hana ia maanei, nei, aole loa he kahea ana aku i ke kikowaena, aka, o ka lalau aku no i ka mea hoolohe ame na helu i makemakeia ai e kamailio pu, a o ke kamailio ae la j no ia"o kekahi me kekahi me ka lohe oleia mai e ha'i aku. j Ma ka Poaono aku nei i hala i hoeko- j moia ae ai 'ka palapala noi me ka Puuku o ke Teritore e ka Hui Kelekalapa; Uwea Ole e noi ana e hoololiia ae ka inoa o ka hui a i inoa hou, me ka hoomahuahua pu ana ae i ke kumuwaiwai •a i ka hookahi miliona dala. O ka inoa hou o ka hui nana keia ano hou o ke kelepona ana, oia no ka hui Hawaiian Telegraph and Telephone €ompany. Ua makaukau ke kahua e ku aku ai o ka hale o ka hui, a o keia aku ana kekahi o na hale nani loa ma keia kulanakauhale. E hoomoeia ana ka uwea o keia ano kelepona iloko o ka lepo, mai Pawaa aku a hiki i Palama, a mawaho aku o: keia mau palena e holo a'ku ana iluna o na pou, ā ma na mea i manaoia e liiki aku ana ma kahi o ka $300,000 ka j nui o na hoolilo no ka holopono o keia ano kelepona. Ma ka hoike a ka lunanui o keia hui, oia o Clinton J. Huteliins, ua hana j muaia ka aelike me ka hui kelepona o Kikako, no hoolako ana mai i na ■ meahana apau e lako ai keia hui, a eia na enekinia ke holo mai nei no Hawaii nei no' ka hoala koke ana i na hana 0 keia hui hou. Ua manaoia ina e ku mai ana keia hui kelepona hou me ka holopono, e hookekeia aku ana ka hui kelepona kahiko e ku nei i keia manawa, oia- ua ikeia pela ma Amerika, ma na wahi i hookomoia aku ai keia ano kelepona, he nui ka makemake o ka lehulehu e lawe i keia ano, mamua o ke ano kahiko. >« • i O kahi aku o ke kupaianaha o keia ano kelepona, ina ua inoino ikekahi mea paahana, e kani kapalili ana ka bele 1 ke keena o ke kikowaena, me ka a ana o ke kukui uwila, a aole e pau iki ana ke 'kani ana a ka bele a pela hoi ka a ana a .ke kukui a hiki i ka hooponoponoia ana o kahi i inoino.