Ka Nupepa Kuokoa, Volume XLIII, Number 49, 4 December 1908 — HE HOOHALAHALA KOHO BALOKA. [ARTICLE]

HE HOOHALAHALA KOHO BALOKA.

Ma ka Poaono o ka pule i liala i hooloheia ai ka hoopii hoohalahala a Charles Blake ma o kona mau loio la Mr. \Vatson ame Thayer imua o ka Aha Kiekie e ku-e ana i ke kohoia ana o E. H. Baker no ke kulana Lunaliooia no ke Kalana o Kauai. Ma ke kau kolio baloka i hala akii la, he eha wale no mau baloka ka oi o Baker imua o Blaie i ka wa i houluuluia ai ko Kauai ame ko Niihau mau baloka. I ka wa nae i maopopo ai ka heluna bā,loka o ka Mokupuni wale no o Kauai, ua ikeia ua lanakila o Blake mamua o kona hoa no ke kulana Lunahooia, a i ka loheia ana ae, ua pau loa ko Niihau poe i ke koho pololei i ka moho Repubalika no ia kulana ua haule iho la o Blake he eha baloka malalo o Ba.ker. Ma ko Blake manaoio loa ua hiki aku ka nui o na baloka i hookomoia no ka lunahooia ma kahi o ke kaukani, eia nae ma na baloka i loaa iaia ame kona hoa ua emi mai ia mala,lo o kela huina, a ua manaoio no hoi oia, he nui kona inau baloka i kiola waleia, a he mau baloka hoi kekahi o kona hoa i heluia, oiai nae o ka pololei e kiolaia ia mau baloka.