Ka Nupepa Kuokoa, Volume XLIII, Number 49, 4 Kekemapa 1908 — HE POE NO KE KULANA LUNA LEKA [ARTICLE]

HE POE NO KE KULANA LUNA LEKA

Oiai e hiki mai ana i ka manawa e hookohu houia ai ka Lunaleka Mr. Pratt o Honolulu nei i ka wa e pau al o kona hookohu mua, a oiai nae aole ilioea mai ia manawa, aka ua hoea mai nei nae kekahi lohe mai Wakinekona mai, aole o Mr. Pratt wale no ka men e noonooia ana no ia kulana, aka he pd«T e ae no kekahi, e lilo ai i mau hoa paonioni nona no kela oihana ano nui. Ma ia lono, aia ka ka Elele Kalanianaole ke hooikaika la e loaa ia kulana ia John C. Lane, ka mea i holo Meia iho nei no ke Kulanakauale ame Kalana o Honolulu nei a haule ai ia J. J. Fern. 0 Mr. E. Towse, kekahi o na kanaka kakoo ikaika ia Mr. Taft maanei ame George Ashley, ka mea i noho Ilamuku i ka wa o ke Aupuni Kuikawa, 0 ko laua mau inoa kekahi i wawa puia ae. Mawaho ae nae o kela mau inoa ae la, o A. L. C. Atkinson kekahi i manaoia no kela 'kulana, oiai he kanaka oia i makemake nuiia e Peresidena Rusawela, he hoaloha hoi no kana mau keiki, a oia no hoi kekahi o na kanaka hooikaika loa ma. na hana kalaiaina kuloko ma ka aoao RopubalLka e liko me ia i ikeia ma ke kau koho baloka 1 hala iho la.