Ka Nupepa Kuokoa, Volume XLIII, Number 48, 27 November 1908 — KANI PALUA KE OEOE PAUAHI Hopuia Nae he Pake ma ke Ano Kuhihewaia he Kolohe. [ARTICLE]

KANI PALUA KE OEOE PAUAHI

Hopuia Nae he Pake ma ke Ano Kuhihewaia he Kolohe.

Ma ka po o ka Poalua nei i kani mai ai ke- oeoe hoailona pauahi mai ka pahu 54 ame 53 mai, mamua iki aku ke kani ana mai o ke oeoe o ka pahu 54, a mahope koke iho hoi ko ka pahu 53. E like no hoi me ka rula maa mau o paua'W, ua nui ka poe i holo 'aku no Jcahi o ka pauahi, e like me ka hoailona e haawiia mai ana ma ke oeoe, o ia hoi ma lee Alanui Moi ame ke alanui Ololi Dowsett. I ka nianawa iiae i kani hou mai ai ke oeoe mai ka 53 mai, oia hoi, kela pahu i hoouna koloheia mai ai ka hoailona ma ke ahidhi o ka la Sabati aku, ua hoea aku la ka makai nolaila a paa mai la lie Pake i ka hopuia. Ua hoikeia aku nae ka paa ana o kela Pake i ka hopuia i ka luna kinaiahi Thurston, oia hoi kona hana kolohe ana, a i ka lioikeia ana mai he ahi io no ke kumu o ka hookaniia ana aku o ke oeoe hoailona, nolaila ua hookuu houia ua Pake la. 0 kahi o ke kani palua ana o keia mau pahu hoailona pauahi, penei no ia: Aia ma kekahi hale kiekie e ku ana ma ke Alanui Moi ame ke alamii Ololi Dowsett, a maloko o kekahi rumi o ua hale la, i noho iho ai kekahi poe kanaka Hawaii a noke i ke keaka mahope iho o ka pau ana o ko lakou aina ahiahi, eia nae ua pau loa aku lakou i ka hele ma kekahi mau wahi okoa aku, a koe wale iho la no he hookahi o lakou maloko o ua rumi la. 01 nanea hoi ko kela kanaka a hiki i kona hele ana aku no kekahi rumi e pili kokoke mai ana, me ka waiho ana no he ihoiho kukui e a ana maloko o kela rumi mua. laia nae i hoi mai ai, ua hinaia tia ihoiho kukui nei, a e a ana ke ahi i kekahi welu me ka papa, a me kona kali ole iho no kana hana pono e hana aku ai, ua hoomaka koke ae la oia e kahea, "he puahi! he pauahi!" a oiai he elua mau pahu hoailona pauahi ma kahi kokoke i kahi o kela pauahi, ua holo kela ame keia no kela mau pahu a pela iho la i kani palua ai kela mau pahu i ka manawa hookahi. He wahi ahi uuku no kela i a &e, a mamuli wale no o ka piha pihoihoi loa i hooluhiia ai na kaawai e holo no kahi o ka hoailona i hoikeia mai ai.