Ka Nupepa Kuokoa, Volume XLIII, Number 48, 27 November 1908 — E IKEIA ANA NA AUMOKUKAUA O IAPANA MA NA KAI O HAWAII KE HIKI. [ARTICLE]

E IKEIA ANA NA AUMOKUKAUA O IAPANA MA NA KAI O HAWAII KE HIKI.

Maloko o kekahi o na nupepa o Ladana e haakaka ana i ka uluku o na manao o na Mana Nui o ke ao nei i ke kaapuni honua e like me ka na aumokukaua Amerika i ikeia iho nei i kekahi manawa i kaahope ae a i ike kumakaia ai, a me he mea la ua lilo ke kaapuni honua a na mokukaua Amerika i mea nana e hooni i na ma* nao huahua a lili paha iloko o na lahui e no ke kaa e ana na Amerika e kaihi mua ia keehina hana; e ikeia no ia ■nanao pela ma ka moolelo malalo ilxo iei penei : LADANA, Novemaba 7. —Ua lilo ke kaapuni honua a na aumokukaua o Amerika Huipuia i mea nana e hoala ae i na manao lili iloko o na Adimarala o Europa a i mea e ike maopopo loa ia aku ai ia manao he ekolu mau Mana Nui e lioouna ae ana i ko lakou mau mokukaua e kaapuni honua ma ke ano e hoohalike me ka Amerika i hana ai. I keia manawa ua makaukau o Bejitania Nui e hoouna aku i kona mau mokukaua ma ke kaapuni honua ana, malalo o ke alakai ana a ke Keikialii Louis o Battenderg no ke kipa ana aku e makaikai i kona mau Panalaau ma na wahi like ole o ke ao nei. Ua loaa mai he lono mai Berelina mai e hoouna ae ana ka Emepera Kaiser Williams o Kelemania i kona aumoku» kaua no ka holo makaikai ana i kona mau Panalaau ma na wahi like ole o ke ao nei malalo o k-e alakai ana a ke Keikialii Heneri o Perusia. 0 Farani pu kekahi e hoouna ae ana i kona aumokukaua ma ke ano e panai aku i kona ike ana ia Amerika e like me ka Amerika i hana aku ai iaia, a i ka nana aku me he mea la o Italia kekahi e uluku ae ana ma kela manao hookahi. O ka hope loa o na Mana Nui.oia no o lapana, a ke manao wale ia aku nei no e hoohalike ae ana ia e like me ka kona mau mua i hoolala ai. Ke manao pu ia aku nei aole paha e hoohala ana o lapana i ke hoouna ana ae i kona aumokukaua i kekahi manawa kupono loa e like iho la me keia, e hoike aku i ka lahui kanaka Amerika i kekahi haawina ikemaka ia aia no he ikaika iloko o na aumokukaua o ke aupuni Imeperiala. E holo pololei aku ana ke aumokukaua Pelekane i Halifax, a mahope o kekahi hookaulua iki ana malaila no ka hoomaopopo ana i ka noho ana oia Panalaau, e kamoe loa ae ana kana huakai no Nu loka a malaila oia e hookipa ia ae ai me ka ulumahiehie nui. Malaila aku e holo aku ana no na mokupuni o Inia Komohana, Rio Janeila, Buenos AyTes a malalo ae o ka Lae Hao a hiki i Sanatiago, Ohili, a mailaila aku no Kapalakiko. Mai Kapalakiko aku e holo pololei loa aku ana no 1 Yanekouva, a mailaila ae au ae i ke kai loa o ka Pakipika no lapana. A mahope o ke kipa ana aku ma na awa o lapana ame Kina, e kipa pu aku ana ia ma Honakaona, mailaila aku no Manila, a mailaUa aku na Panalaau o Beritania Nui ma Nu Kilani, na mokupuni Fiji ame Auseteralia, a mailaila aku huli hoi loa no ka home ma ke alawai oki aku o Sueza. Ma ka nana aku me he mea la peia ana no ke alahele o ko Kelemania mau aumokukaua, aka nae, o kana wahi mua loa ei kipa aku ai oia no o Nu loka. Ua manaoia he ekolu wale no mau awa a ke Keikialii Heneri e kipa aku ai mamua o kona hoea ana i Kapalakiko— oia o Rio Janeiro, Buenos Ayres ame Sanatiago de 'Chile. 0 ka lapana papa hoonohonoho hana hoi e holo mua aku ana kona aumokuno Hawaii, a mailaila aku no Kapalakiko, a mailaila aku holo ma ka Lae Hao no Nu loka, a mailaila aku holo ma ka moana Atelanika no na awakumoku o Europa. He elua mau kumu nui o ko Pelekane hoouna ana i kona mau mokukaua ma ke kaapuni lionua. Ka mua, ua makemakeia e panai aku i kana hoomaikai ma ke ano he mau hoaloha like na lahuikanaka o na Ainapuniole nui elua nona. 0 ka lua, a oia no hoi kana kumu ano nui loa i noonoo ai, oia no kona hoike aku i na lahuikanaka a pau ma kona mau Panalaau ua lawa oia i ka makaukau ame ka ikaika e hoopakele ai ia lakou iloko o ka wa o ke kaua, aohe a lakou kumu e hopohopo ai ke'lele kauaia mai lakou e ka enemi. 1 ka wa i hiki ae nei o na mokukaua Amerika ma Auseteralia ua nui ko Pelekane minamina'no ka hiki ole e hoouna aku i kona mau aumokukaua e hot»» kipa ae i na malihini ma kona mau kai ma Auseteralia, a e komo pu ma na hana hookahakaha paikau o na mokukaua, a o kekahi kumu mamuli no 'ia o na manao hopohopo o ulu mai na hana hoopoino a na lahui e noho ana ma kela liuli o ka honua. A mamuli o ka hoomaopopo ana a Pelekane i ka noho kuee o na lahuikanaka ma Auseteralia ame Nu Kilani a i ka wa e ulu mai ai na paio liahana iwaena o na ili keokeo malaila ame lapana e nana aku ana lakou i ko lakou palekana ia Amerika ame na aumokukaua o Amerika Huipuia mamua o ko jlakou nana ana aku ia Pelekane*. A mamuli o ko Pelekane ike mua ana aku i kela poino a i mea e hookaawaleia aku ai ia mau manao hopohopo iloko o kona mau makaainana ma na wahi like ole pela i ulu mai ai ka manao iloko o Pelekane e hoouna aku i kona mau mokukana ma na Panalaau like ole 0 ke ao nei e hoike aku ana ia lakou ua lawa i ka ikaika me ka makaukau me na mokukaua no ke pale ana aku 1 ka enemi i ka manawa e lele kaua ia mai ai lakou.