Ka Nupepa Kuokoa, Volume XLIII, Number 48, 27 November 1908 — HE HUI HIMENI O NA KEIKI HAWAII E KAAHELE MAI LA MA KA HIKINA Nui ka Hiaaiia o ka Lakou Mau Himeni. [ARTICLE+ILLUSTRATION]

HE HUI HIMENI O NA KEIKI HAWAII E KAAHELE MAI LA MA KA HIKINA

Nui ka Hiaaiia o ka Lakou Mau Himeni.

O ke kii maluna ae, he kii ia no kekahi poe keiki Hawaii 'e kaahele mai la ma Amerika ma ka hana himeni, a ma na mea a kekahi o kela mau keiki i kakau mai ai ma Honolulu nei i kona makuakane, ua ikeia ka holoinua o ka lakou mau hana himeni ma Amerika.. Aia lakou ma Piladelepia i ka wa i pa'iia ai keia kii, a oiai he nui na | ) wahi i kauoha mai ia lakou no ka hele ana aku ilaila e hookani ai, nolaila aia palia lakou maloko o kekahi matr hale hokele kaulana o Amerika i keia j manawa, a i ole ia ma Wakinekona paha e like me na mea a Diamond Kekona i kakau mai ai i kona makua maanei. Aole keia poe keiki apau loa i liaalele iho ia Honolulu nei no me ka manao o ka hookani pila ka lakou hana e pono ai, aka ua ee aku j kekahi poe o lakou maluna o na moku kalepa, a i ka hiki ana i Amerika ua haalele i ka holo moku anā, a hui ae la kela ame keia a hooholo iho la e hele ma ka hana himeni, a ua ikeia ko lakou holomua me ka loaa ana o ko lakou ola maikai ma ia hana. Ua hui pu lakou me kekahi keiki Hawaii i noho loihi ma Piladelepia no na makahiki he 24, a o ka hookani j pila no kana hana o ka noho ana ilaila, a oia no hoi kekahi mea kokua nui mai: i k«ia poe keiki Hawaii.

Ka poe e ku ana iluna —E. Davis, William Jones, Diamond Kekoni, William Puhia. £ noho ana ilalo —Frank Forrest, Harry Parker ame Charles Kala'iila.