Ka Nupepa Kuokoa, Volume XLIII, Number 48, 27 November 1908 — KA LUNAHOOMALU O KA HALE O NA LUNAMAKAAINANA. [ARTICLE]

KA LUNAHOOMALU O KA HALE O NA LUNAMAKAAINANA.

Ua konoia mai ke Kuokoa e hoakaka ae i kona manao no ke kaaaka kupono ma ka.noho lunahoomalu no ka Hale o na Lunamakaainana, ma ke kau Ahaolelo kuloko e noho mai ana, mamuli o ka \va-ha-a o kekahi poe kanaka o na aoao kalaiaina i hoomaopopo ole i ke koikoi o ke kulana e paa ia ana e ia kanaka. 0 ka makou i paha wale aku ai no iloko o kekahi mau helu ae iiei i hala ma na manao pepa pokopoko, aole he kanaka kupono e ae ma ia wahi aka o ka Mea Hanohano H. L. Holstein wale no, ka mea a ka lehulehu i ike maka ai ma ke kau Ahaolelo i hala aku nei. Ua hookahuaia ko makou manao kakoo nona malalp o na kumu maopopo ioa i ikeia, e like me ke kanakamakua o ka hoomaiuia ana ame ka noeau pu hoi o ka lawelaweia ana o na hana o ka Hale o na Lunamakaainana, ka mea nana i hoomama mai i na hana o ia Hale i ke kau aku nei i hala. Mawaho ae o kela mau kulana i ikeia ma na hana o ke kau Ahaolelo i lilo aku ai ko makou mahalo ana maluna ona, a o ka lehulehu no paha apau, ai'a pu ka makaukau i ka olelo Beritania me ia, a pela lioi ka ike i ka olelo makuahine, kona makaukau ma ka oihana loio, ame kona kamaaina pu i na hana o ka Ahaolelo. Aole ilaila wale aku la no pau kona kupono a makou e makee hei «ona, aka ua loaa pu i ka Mea Hanohano H. L. Holstein ka manao hoomakaulii, ka mea nana i hookau aku i ka Ahaolelo i hala maluna 0 ke anuu hoemi lilo i loaa ole aku i kekahi o na kau Ahaolelo i ikeia ma Hawaii nei. No ka pono o na hana o ka Ahaolelo e hoea mai anā k-e makemake nei ke Kuokoa e hoomaopopo mai na hoa hanohano o ia hale 1 kohoiā mai nei i keia kau i na kulanā kupono a makaukau ō ka mea a lakoii i makemake ai e koho aku i Lunahoomalu no ka Hale *> na Lunamakaai-nana." 1 ka haha ana i Ha manao o kekahi mau Lunatnakaairtana i koho

ia iho nei i keia kau maluna o keia kumuhana, ua lokahi ka hapanui o na I.unamakaainana o Oahu nei ma ke kakoo ana i ka inoa o ka Mea Hanohano H. L. Holstein, a oiai he mau hoa kahikolka hapanui o ko Kauai mau Lunamakaainana, aolep makou kanalua ke olelo ae, 1 e hooili mai ana np lakou ia hanohano maluna, ona.- . Aole paha he olelo ana no na Lunamakaainanā mai ka*TVfokupuni mai o Hawaii, oiai no Hawaii ka Mea HatiolfahO'Holstein e nele ole ai.ko lakou lokahi e hapai ae i ko lakou mokupuni iluna ma ka helu ekahi ma o ke kaa ana o ka noho lunahoomalu ana o ka Hale iaia, ma ka nana ole i ko lakou mau aoao kalaiaina. I ka hoohuihui ana ae i keia mau mea apau, ke makemake nei rhakou e loaa aku ka ike ame ka hoomaopopo ana i na Lunakamaainana i koho ia i keia kau, aia ,ke kau mai la na maka o na aupuni naauao o ke ao nei e ike i ko kakou lawelawe ana i na har*a o ko kakou Ahaolelo,, a na ka naauao> ame ka noeau o ka lawelawe ia ana o na hana o ka Ahaolelo e hapai mau aku i na kanaka Hawaii, a i ka lahui holookoa ma ke anuu kiekie o ka 3 mahaloia maiy*cT ma ia ano he hana naauao ka hookau hōu ana aku i ka noho lunahoomalu ana maluna o ke kanaka i ikeia kona makaukau ma ia hana. Ina paha i lokahi ka manao o na Lunamakaainana i kohoia me ke Kuokoa e hoakaka nei, alaila he hana maikai no na lakou ka noike ana aku i ko lakou manao pela i ka Mea anohano H. L. Holstein, a no ka mea ka manao nei no makou, ina aole he mau anoninonl ana no ke kau aku o ia kulana maluna o ka mea a makou e hoaiai aku nei, alaila e hoea e mai ana oia no keia kulanakauhale no ka liuliu e ana i na hemahema i manaoia e makaukau e mamua ae o ka hiki ana mai i ka wa e noho ai o ke kau mau, a ma ia hana ana no hoi e hoomaalahiia mai ai na hana, a e hoopau manawa oleia ai.