Ka Nupepa Kuokoa, Volume XLIII, Number 46, 13 November 1908 — LILO HE BEBE MA KE ANO EPA Hookamaia he Kaikamahine Pukiki e ka Pake; me ke Kuhihewa o na Makua. [ARTICLE]

LILO HE BEBE MA KE ANO EPA

Hookamaia he Kaikamahine Pukiki e ka Pake; me ke Kuhihewa o na Makua.

Ma ke kakahiaka o ka Poaono i hala | i hoea ae ai he Pukiki liana no ke keena o na Hana o ka Lehulehu imua 0 ka Hope Loio Kuhina Whitney a hodke aku la i kekahi moolelo ku i ke aloha no ka hookamaia ana o kana wahi kaikamahme uuku e kekahi Pake ma ke ano kuhihewa. 1 Wahi ana, no kekahi manawa ae nei i hala i loohia ai kana wahine i ka ma'i a hoihoiia noloko o ka Halema'i Moiwahine e noho ai, a waiho aku oia i ka laua wahi kaikamahine uuku malalo o ka malama ana a kekahi Pake nona ka inoa o Ho Seu. Ua hoomakaukau kela Pake he palapala hookama no ua wahi kaikamahine la, a kauolia aku i keia Pukiki e kakau aku i kona inoa a pela no hoi me kana wahine, a wahi hou ana aole ka i mao•popo iki iaia na mea i kakauia maloko o ka palapala liookama, me kona manao no he palapala kela no ka haawi ana aku i ke kuleana i kela Pake e malama ai i ke kaikamahine a hiki i ka oluolu ana o kona makuahine. O ia noho hoi ko ka wahine ma'i iloko o ka a hiki i kona oluolu ana ae nei, ua kiiia aku nei ua wahi kaikamahine la ,eia nae aole he hoihoiia mai, a he noke wale no ka ua kaikamahine la i ka uwe i kela ame keia manawa, a no ekolu la i hiki ole ai iaia ke ai i kekahi mea, o ka uwe wale iho la no kana hana a hiki i ka hele okoa ana ae o kana kane e hoohalahala imua o ka Hope Loio Kuhina no na hana epa i hanaia aku maluna o ka laua wahi kaikamahine. O ke ano nui o ua palapala la i hana ia ai, e hookuu a haalele loa aku ana na makua o kela kaikamahine i ko la\ia kuleana maluna o uft kaikamahine nei. E huli pono aku ana nae ka Hope Loio Kuhina, a ina ē ike ia ae ana, ua hana io ia kela palapala ma ke ano kolohe, alaila e hana koke mai 'ana oia i na keehina ma ke kanawai ;i hiki hou ai i ke kaikamahine ke hoi me kona mau makua.