Ka Nupepa Kuokoa, Volume XLIII, Number 46, 13 November 1908 — KA MOKUKAUA CHARLESTON MA HONOLULU. [ARTICLE]

KA MOKUKAUA CHARLESTON MA HONOLULU.

Ma ka auwina la Poalima aku nei i ku mai ai ka mokukaua L. S. S. Charlestomnahope iho o kona haalele ana aku i ka pa kapilimoku o Bremerton no umi-kumamakahi la. Ma keia huakai mai nei ana ua nui ka ino ma ka moana a he uuku loa kahi mau-iwa hauoli i loaa i na luina mainuli o ka xiui o ka ino, a i ka ike ana mai ia Honolulu nei akahi no a maha ae ka noonoo o ka j>oe ar»avi iluna o ka moku. Ma ka hoike ia mai he poe luina hou wale no ka hapanui oluna o keia moku, aolie i holo īnua i ka moana, a i kona pili koke ana mai i ka uwapo ua hoomaka koke no ka hoopiha ani», i ka lanahu. Ua haalele aku oia ia Bremerton ma ka Ia 26 o Okatoba, aohe i liuliu ia holo ana mai ua loaa iho la ka moku i ka noe paapu a ma ia po iho ua holo ka moku 110 Port Townsend a malaila oia i ku ai hookahi la ame ka hapa. A i ka mao ana ae o ka noe ua hoomaka mai la ka ua a hoomaka mai la e holo no Honolulu nei. Ua loaa koke lakou i ka makani ikaika pii mai la na ale a popoi me he nalu Ia maluna o ka moku me ka ikaika. He manawa loa kela no na luina hou i maa ole i ka holo moku, no ka mea, nui ko lakou ma 'i, a ua lilo i hana nui na na aliimoku ka hoomaopopo ana aku ia lakou i hiki ai ia lakou ke la- * welawe pono i ka lakou hana. Ekolu la mamua o ko lakou ku ana mai i Honolulu nei, ua loaa iho la kekahi luina i ka ma'i a mamuli o ia kumu ua hoomama loaia rtai ka holo ana o ka moku i hiki koke ai i Hono--lulu nei a ma ka hora 10 a. m. i ku mai ai aole hoi i ka hora 4 n. m. e like me ka manao koho mua. I ke ku ana mai o ka moku ua lawe kokeia kela luina nia'i i ka halema'i Moiwahine. Ma ka po Poaha i hala ,oiai e holo ana ka mokukaua me ka mama a e pa konane iho ana ka mahina, a oiai hoi kekahi poe luina e kamailio, ana iluna o ka oneki, o kekahi o na luina e kuwaki ana mamua holo mai la oia I ihope a hoike mai la i na aliikoa e ku ' ana i kela manawa ua lohe aku oia me | kekahi hoaluina ona i kekahi leo o ka pa-e ana mai ke kai mai e kahea mai ana, '' E hoohuli i ka moku.'' I ka laua hoolohe aku me he mea la mahope mai ka leo i pa-e mai ai. Ma ka hoike a na kanaka luina ua lohe maopopo loa laua i ka leo, a i kela manawa ua hoohuli houia ka moku i hope a hooleleia na kukui uwila ma o a maanei. He aneane ekolu hapaha hora o ka laiku ana o ka moku. malaila aohe nae he wahi hoailona kanaka i ikeia aku a i ole hoi ia he walii waapa la hoi e lana mai ana ma kekahi wahi inamao aku, a no ia nele ua hoomaka hou mai la ka moku e liolo mai no Honolulu nei, oiai he poe luina hou wale no ka hapanui ua manaoia mamuli o ko lakou malihini i lohe hewa ai paha lakou. E ku iki ilio ana ke Charleston ia nei no hookahi pule. E ku aku ana ia no Manila ma ka la 29 o keia mahina. I kona wa e ku aku ai e hoololiia ae ana ka hae o ka Adimarala e hoomalu mai la i ke aumokukaua ma na kai o Kina mai kā mokukaua Painbow ae a i ke Charleston, no ka n-ea, e laweia aku ana ka Rainbow e hoomaemae hou ma ka mokupuni Mare. Eia maluna o ka mokukaua Charlest.on i keia la lie hookahi kaukani kanaka mai na alii a na luina.