Ka Nupepa Kuokoa, Volume XLIII, Number 46, 13 November 1908 — Nuhou Kuwaho [ARTICLE]

Nuhou Kuwaho

WAKINEKONA, Nov. 6.—0 na hoike mai na apana koho lunamakaainana mai e hoike ana ia ua oi aku na Repubalika noloko o ka Hale he kana-ha-kumamakahi mamua o na Demokaorata, o ka nui o na Repubalika he 216, a o na Demokarata he 175. CINCrNNATTr,' OUio ; Nov. s.—Ua loaa mai i ka peresidena i kohoia Taft ka \» iiliam Jennings Bryan palapala hoomaikai no kona kohoia ana i Peresidena no Amerika Huipuia. Ua pane koke aku oia e haawi aku ana i kana mau hoomaikai ia Bryan no kona hoomanao ana mai iaia. CALCUTTA, India, Nov. 7.—Ma ka la i nehinei ua hoao kekahi kanaka Inia e powa i ke ola o ke Kiaama o Bengal. Ua holopono ole kana lawelawe ana a ua pakele ke Kiaaina, a ua paa no hoi ua kanaka la i ka hopuia. • HOT SPRING, Yirginia, Nov. B,— Eia ia nei ka Peresidena i kohoia Taft kahi i hoomaha ai mahope iho o kona hooikaika ana me ka hana nui no kona kohoia. MANILA, Nov. 9. —Ua hoopuka ae ka Hui Kalepa o keia kulanakauhale i kekahi hoike e hoakaka ana ua maemae loa keia kulanakauhale mai ka laha ana a ka ma'i korela. He makemake nui loa ko na kamaaina o keia aina e lawelawe kokeia na hana e pili ana i ka hookipa ana mai i ke aumokukaua o ka Akelanika i loaa ai i na aliikoa ame na kanaka o na moku he manawa hauoli nui no lakou ma ka aina nei. WAKINEKONA, Nov. 9.—Ua koho iho uei ka oihana kaua i kekahr Papa 0 na aliikoa a na lakou e wae kekahi wahi kahua kupono ma Honolulu no ke kukulu ana aku i halekoa hou e kukulu kokeia aku ana malaila. 0 na pualikoa e hoonohoia aku ana ma na mokupuni o Hawaii, oia no na pualikoa helewawae, he pualikoa puleaa, elua mau pualikoa kaualio, he pua likoa o'ka poe eneginia, na pualikoa hoailona ame ka pualikoa malama ola. NASHYILLE, Tenn., Nov. 10.—Ke mau nei.no ka nee papa.ana a ke ahi iloko o ka ululaau maloko o na Mokuaina, o Tennesee, Kentuckey ame Alabama. He mau miliona kapuai papa 1 pau 1 ka a ia, a ke hopohopoia nei e like aku ana no paha me ia ka nui e pau aku ana, oiai no ke ahi ke holapu mau nei no. *.RED„ BLUFF, California, Nov. 11. — He eha mau kanaka i palahe liilii mamuli o ka hooku'i ana o ke kaaahi me ka otomobile i keia la. Ua kiolaia na 'kanaka mailuna aku o ke kaa otomobile a piiia e ke kaaahi a palahe.