Ka Nupepa Kuokoa, Volume XLIII, Number 46, 13 Nowemapa 1908 — HE HOOMAIKAI I KA POE KOHO BALOKA O KA APANA O HANA. [ARTICLE]

HE HOOMAIKAI I KA POE KOHO BALOKA O KA APANA O HANA.

I na poe koho baloka mai Kawai-; •kau o Keanae a ka ua pili Papohaku o I Kaupo, Aloha oukou:— j Ke haawi aku nei au i kuu hoo-1 maikai ia oe e Keanae ame Nahiku, .no ka mea ua haawi mai olua ia'u i ka lei o ka lanakila, a hoomanao ae la no lioi au no Wailuanui ka me« nona keia wahi kanaenae: O oe ia e Wailuanui, | E ka la uli pali o uli. Ua hele ia eia wahine, E ka wahine kuhea pali ! Kui pua lei o hoaka.lei —e j E lei au i ka lanakila o ka la Koho baloka i hala iho nei. Nau kekahi hoomaikai e Hana i Kualanakila ka makani lau awa, ka Home aloha o kuu Papa, a nou ke mekaulana:', Oni e lele Kauiki ua malie, Papu me he umauma la no ka manu Me he lae la no ka Noio au Kai E ka Ua Kupuni Kapa o Lanakila U|a haawi mai oe ia'u i kou.)iokomaikai a'u iai e poina ole ai ia oe iloko o keia mau makahiki elua e hiki mai ana. Nou e kuu aina aloha nona ka Makani kaulana, mai ka i'a a Ica makani i lawe mai a ka i'a paa mai i ka ohu o uka. Aole au i poina i ka hooheno a kuu hoa, ke keiki o Molokai i haku ai nou. . E aloha wale ae ana no wau, I Ka makani kaulana o ka afba ! A'u i noho ai a kupa, , Ka Makani Kaili Aloha. E o'u mau. wahi hulu makua i kofe ua kaili aku oukou i kuu puuwai a pili me oukou, pela no hoi o'u hoahanau aloha. E ka ua pili papohaku o Kaupo ka aina o kuu mama aloha, nona ke mele o Pamano. Uliulii kai pali o Kahikinui—e Kokolo mai ka ohu e he ino, Ike i ka nehe o ke kai—e 0 Papaloa i Kahikinui--1 moe au i Kaniku—e Iwaena konu hoi o ka ino, Ua hala ak'u la na la o ka ino (ai ua maiie ke kai i keda mau la. He oiaio aole i nele na la hooikaika baloka me na makani pa lauwili i ka (uka Olaa, aka ua hala aku la ia mau la, a ke hoomanao nei au i ka olelo a ka haipwle:. "E hoopoina ana aa i na mea i hala, a e kikoo aku ana au i na mea o mua" a na ke Akua e kokua ia kakou apau. Ka oukou kauwa haahaa, LEVI L. lOSEPA. Moho Luna Makai o ka Apana o Hana i koho ponoia e oukou, a welo Kihei a ke a e loa. Kipahulu, Maui, Novemaba 9, 1908.