Ka Nupepa Kuokoa, Volume XLIII, Number 46, 13 November 1908 — HE HOOMAIKAI NUI. [ARTICLE]

HE HOOMAIKAI NUI.

I kuu Kilohana Pookela:- —E oluolu mai hoi ko\i ahonui e hookomo iho ma kahi kaawale o kou kino lahilahi no ka'u mau hoomaikai i o'u mau Haku Makaainana 0 Hawaii Komohana. I o'u mau Haku Makaainana mai ka wai lele i na pali 0 Honokaa, a hāki loa aku i Paliala i ka aina i ke kihi 0 ka makani. Aloha nui oukou: Mamuli 0 ka lokomaikai o na Lani, ua hoolei mai la oukou maluna o'u i ka lei hanohano o ka lanakila me na baloka kiekie o 704, nolaila ke haawi aku nei au i ka'u mau hoomaikai nul palena ole maluna o oukou me ka puuwai hamama o ke aloha oiaio a ua lilo ia i lei hoomanao poina. ole iloko 0 ka mole kumu o kuu puuwai. E Honokaa e, hoomanao ae la au ia oe me keia mau wahi lalani mele. Aole ke kohu o Hanunanuna, E ena ka manu, puiwa i ke kanaka Aohe wahi hopo iho o Hopaialeau, I ka moe a ka i'a o Kakaauki. A—e, he hia ia ua moe ilalo. E Niulii e, wahia no hoi ka ai ia oe aka na kou leo aloha, no i hookomo iho i na hoomanao nou, a i holo ai kela mele kaulana a ka Mea Ilanohano William Jerret Sheldon 0 Kauai, penei. Maikai Niulii kahela i ka la'i, Elua opua i hiki mai, Alai ia mai e ka ulu hala, Nalowale ka luna i Haupu. Ko aloha, ko aloha ka'u mea nui. He makana, he makana na ka puu wai. Aole hoi he olelo ana nou e ka wai pii 0 Makapala, ame na keiki kauhauha uhae ilihau o Halawa, 0 ka pii paha 'ia 0 ka wai la i ka pahu 0 Makapala ke hele la a he 87 ka helu. Nou hoi e Honomakau, hoomanao ae la no au ia oe e Kuu aikane i ke kai pehu o Kaulua, Hoa hoolaukanaka 0 ke one huli 0 Kamalama. » i kuu apo ana ae da oukou lapau he mahalo wale no. E Kohala e, E Kohala nui, e Kohala iki, e Kohala loko, e Koliala waho, E pili ame Kala<fcihi\ola, a o na puu haele lua hoi e jua pono no ko olua kaulana ana oiai he elua no a olua mau moho i lawe haaheo mai la a i kaulana wale ai no oe e Kohala he aina kaulana i ka haaheo, a ohi hapuku no hoi paha ka wahie o Kapaau. Ke hoomaikai aku nei no au ia oe no kau makana 0 137 baJoka. % E hole Waimea i ka ihe a ka makani Hao mai na ale a ke kipuupuu He jpakani kalaihi ia na ke anu O 0 i ka nahele 0 Mahiki. Ke hoomaikai nui aku nei no au ia oe. O kau mau baloka he 45 i haawi mai nei ia'u oiā no kau i haawi mua mai ai ia'u i kela kau i hala ame he mea la ua kuni maoli ia po puuwai no ka hoopaa ana ia imau huahelu. Ea a i kau.hou aku e paiua iho hoi i ko keia. , j i: Nou hoi e Kona ke kikowaena o kuu puuwai, e Kona e, e Kona Kai Opua 1 ka lai, e Kona Kai Maokioki r e Kona kai malino a ehu, e Kona i ke Kai Popolohua a Kane. E Puuanahulu ame Puuwaawaa i ke alo pono 0 Hualalai 0 ka ihona 0 Kiholo, e na keiki (kaohi kukuna la 0 ke one 0 kua, a 0 Kailua e, e Holualoa i ke ahe a ka makani he eka e Kahaluu i ta wai puka iki 0 Helani, e Keauhou i ka iliilinehe i ka pue one no oukou apau ka'u mau mahalo kiekie ana. E na keiki kaulana Ka Kehau o Maihi, e Kainaliu i ka uhi wai a ka noe, e Kaawaloa i ka pali kapu 0 Keouvi ame ka wai 0 Haliihea no oukou ka'u mau hoomaikai ana. E Napoovpoo i ka papa konane 0 ka Heiau *r. Hikiau a Lonoikamakahiki ame Kaikilanialiiwahineopuna i keha iho ai. 0 ke kui kela, 0 ka holo keia, Mau Ka-wa, Niole ka luna Kapala ka ele na ke kea ka ai. . Nau i kapala loa elua Home Rula a elua Eepubalika. E keei i ka uka 0 Alanapo, po ae la i ka uwahi na ulu a Weli a. He aa no nae au iloko e noho nei a. E H'onaunau i ka Hale 0 .Keawe, ka puu hoomaha 0 ke au i .hala i okikilo loa, E Kiilae i ka wai "hui 0 Kekela e, A e Kealia e, e ke ewe hoi 0 kuu mau kupuna o Keka-1 (maulio'lono, he lono hauoli hoi kau i | hoopu-a mai ai, na kupuna ame na gnakua hoi 0 'u 0 ka wai 0 Paahuula { ame ke one 0 Naue; naue ae la ka anoi, oni ae la ka manao ua lanakila. A o oe hoi e Hookena i ka wai hui o Puhau ame ka pali lele kanaka a na olohe, ke hoomaikai aku nei no au ia oukou apau. E Kalaliiki i ke one o ohiki ame ke kai leonui 0 Piikea a e na ulu niu hoi 0 Pokahi e, hookahi no hoi oe, a hookahi no hoi kuu Haku Makuahine, ' nana i haakohi iho ia'u malalo 0 kou I malumalu. E Waiea i ka pali- kahea kanaka p Pokaa, na Lehua o Pinaonao e au ae la 1 ke kai ka lae kaulana 0 Puohulehule. He liilii hauliuli he aleale kiholo. E Honokua e,- na keiki hūki waa o Papa kiekie, paa ole no ka pu o ka *waa he eha ko laila, ia oukou nae hoi paa ka houpo 0 Home Ilula. E Pahoehoe i ka pali 0 Kaholo ame na hala hooonaona ihu 0 Haimoeipo me he ipo la hoi. ke hoomanao ae nou. E Alae i ke kai, e Waikahakui iuka, na owili maile peepoli 0 Kukuiopae ame Opihali, na oukou no i hoolei mai la i ka owili lei maile o ka hanohano ia kakou apau. E Olelomoana ame Kolo e, o ka olelo ana ka olua i ka moana 0 ke kolo ana hoi ka'u mauka o ka elua mau leo ohumuhumu no 'u e ke kolo ana mai i ka wela ame ka loa 0 ke alahele ua hooko ia me na baloka kiekie he 118 ma ka pahu 0 Hookena. E ha pohaku loloa 0 Kaapuna ame na ulu ohia ku lalani au kai o Kipahoehoe, ua ikaika no ka olua hoe ana. 'E Papa, e Hoopuloa, e Kalihi, na keiki huki opelu o na ko'a o Kamaua ame Kanahaha, ua pono no ka oukou huki like ana, aia wale no kakou ma na helu kiekie a oukou i hoohanohano mai ai. E Honomalino i ka nalu ha'i pu ao

nou ka nalu kaulana, hee i ka muku hoi i ka lala, a poha aku iwaena, 0 ka thee ia i ka muku la ua loaa Jna baloka kiekie i ka lielu 39. Mahalo a mui. . E Lohiau i ka ulu niu 0 Kapua nau na niu kaulana e hoomalolo ai ka ono 0 ka puu o na lii aia no a inu i ka wai o ka niu 0 O-u, ae ua inu au i kou lokomaikai, o ka kaua inu pu ana no i ka wai o ke alialia. Mahalo nui ia oe. A ia'u i apo ae ai ia oe e Kona i ke kikowaena o ke aloha, e mele ae no au nou i ko kaua mele lahui, a i ike mai auanei na kini makamaka e noho ana iloko 0 keia Teritore a hoomauao ae ia. Aloha no 0 Kona, Waianuhea wale no ka nohona. .0 ke kai maiino a Ehu, Ē 0 na Kona i ka la'i. He aina wela no o Kona, AJ he eka ka makani e olu ai, 0 lee kehau i ke ahiahi, Pa kolonahe lua i ke kula. Aia no ka ua 0 Kona, 1 ka maka o ka Opua. Ke hii ia mai I£, E na Kipoohiwi 0 ke ao. 0 Kuu la Koili i ke kai, Ke na'u la Kamalii, Ke kohi la i ke kukuna o ka la, Pumehana wale ia aina. Aole no e like aku, Me Kona Kai Opua i ka lai, Opua Hinano ua malie, Hiolo na wai nao'a a ke kehau. Ua hoohanohano mai oe e Kona ia\\ me 459 baloka. E Kau e, e Kau Kumakani, e Kau i ka wai nauke poo. Kuu Haku i ka Ua Haao e, Ke lele ae la mauka 0 Auaulele, Lcj]& no ka ua lele pu no me %a makani. E na pali kaulana 0 Molilele, e ke kula o Kamaoa, e Manienie i ka nopu wela a ka la, e Naalehu i ka malu ohai e Honuapo i ka holu nape a ka lau o Ika nou ka uwapo kaulana o hoonaue kikala, e Hilea i ka malu kukui, e na puu kaulana a Kumauna o Makanau aine puu Enuhe, e Punaluu i ka wai hui 0 Puhau ame ka wai hu 0 Kauila, na iliili hanau o Koloa. E Moaula e, ka home aloha hoi 0 kuu hoa mokomoko 0 ke kahua kalaiaina, aloha no hoi kaua, me ka manao la hoi 0 kaua pu no i ka naueue, nau no e kaana pono iho nawai la i kumakaia ia kaua. E Pahala i ke kihi 0 ka makani e, heaha la koi ko maua hala make au i lioomaewaewa mai ai, aka ke hoomaikai nui aku nei no au ia oukou apau. Nolaila e o'u mau Haku Makaaina«a apau o Hawaii Komohana, mai kela pe 'a a keia pe 'a, mai ka paa iluna a ka paa ilalo mai ka hooku'i a ka halawai, ke hoomaikai hou aku nei no au ia oukou apau. A lia ka Haku Kiekie loa me Kona Mana Lani e kokua mai ia kakou apau, Amene. Me na keiki oniu hua metala o kou keena e kuu Kilohana Pookela ko'u welina ana. Ka oukou kauwa haahaa, HENRY KAWEWEHI. Keauhou, Kona Akau, Hawaii, Novemaba 9, 1908.