Ka Nupepa Kuokoa, Volume XLIII, Number 46, 13 November 1908 — KE KOHO POLOLEI I KA PAA BALOKA. [ARTICLE]

KE KOHO POLOLEI I KA PAA BALOKA.

Ke lilo nei i mea kamailio nuiia iloko o keia mau la, i haule ka kekahi mau moho i makemake nuiia e lanakila mamuli o ke koho like ole o kekahi aoao i kana mau moho apau i wae ae ai, a ina nae i hookoia aku ia loina alakai e kekahi aoao i ikeia kona ikaika ole, ina ua pait loa kana mau moho apau i ka haule. Aole nae he hoomanao o na alakai o na aoao kalaiaina aole i lanakila ka lakou mau moho ponoi mamuli o kona aoao iho, aka mamuli o koho ana mai a kekahi aoao okoa aku mamuli o kona kulana

ame kona ano, a ua lilo nae ia i mea hauoliia no kona j>uka ana, a huhu aku la i ka poe koho haloka no ke kikdkikoi o ka lakou koho ana aku i na moho a kekahi afoao. Ina paha he makana kekahi e haawiia ana i ka mokupuni koho pololei i kekahi paa baloka wale no, ina ua aha'i o Niihau i kela makana no ka mea mailoko ae o ka poe koho baloka -he 38 he 37 i koohia no ka Elele Kalanianaole, a he hookahi wale no i malele aku iwaho ma ke koho ana i ka Elele, na Lunamakaainana ame na luna aupuni o ke Kalana.