Ka Nupepa Kuokoa, Volume XLIII, Number 45, 6 November 1908 — HU'IHU'I I KA PILI MANAWA O KUU HOUPO. [ARTICLE]

HU'IHU'I I KA PILI MANAWA O KUU HOUPO.

Mr. Lunahooponopono, Aloha oe:—E oluoulu mai oe no'u kekahi rumi kaa•wale o kau Kilohana i hii aku hoi oia i ka'u puuolo waimaka iloko o kona kwo lahilahi i ike mai ai na kini lehulehu ame na hoaloha e noho mai la i ka hiki o Kumukahi a ka moku kaili la o Manokalani i ka "hookuu ana mai 0 kuu Mrs. Mala Kaikilani Kekoowai 1 kona hanu aloha, a moe aku la i ka moe kapu o Niolopua. Ma ka Poalima nei, Okatobti 3 hora 2:30 p. m. i kipa mai ai ka Anela nani o ka Malamalama ma ko maua home ma Poniuohua, Waialua, Molokai a alakai lima ole akū, la i ka Uhane o kuu Kaikilani aloha, no ke ao maha ma o, waiho iho la i ke kino hanu ole na'u e liooko aku i ke kauoha e hoi ka lepo i ka lepo a waiho iho la ia'u ame na keiki, na moopuna e kanikau nona. Ma ka la 28 o Mei, A. D. 1857 ma ke awawagp Pauoa, Honolulu i hanau mai ai oia na Kaka (k) ame Kalikookalani (w) ame kona mau pokii elua, hookahi i hala e mamua ona, a he hookahi i koe e ola nei. I ka .iui o ke au manawa, ua noho hou ko lakou mama me G. Koli, a he elua mau keiki me ia, a ua loaa hou he mau pokii nona, a malaina ia laua me he mau keiki la nana, oia o Mrs. Nailima Lishman ame Mrs. Mele L. Kapopo. Ua hoonaauao ia ka mea i hala ma ke Kula nohopaa o St. Andrews, eha makahiki ma ka lokomaikai o MottSmith, ka makuakane o ke Kakauolelo 0 Hawo ii e noho nei i keia la. Ua hiki mai oia i Molokai nei me kana aikana o na la opio Mrs. KahuiJa WiJcox i ka 1876, a noho me ka ohana o ke aikane ma Waialua nei a hiki 1 ka loaa ana o kona kokoolua nei. I ka la 26 o Aperila, 1877 ua lawe ae la maua i ka hoohiki o ka mare imua o ka Rev. S. Paulo kahu o ka Ekalesia o Halawa a ua loaa he hookahi keiki no ko maua kihapai ohana a no ka loaa ole he hua hou mai iaia ae ua kii hou i ke keiki a kona pokii a hanai iho la, a i ka 1894 i kikoo mai ai ka make i ka maua hiapo hanau kahi, ma Auwaiolimu, ka home o ko»a kupuna Kalikookalani Nakapaahu, a koe iho la ka maua c &anai, nana mai na moopuna eono ana i lei iho nei a na ka make i hookaawale iho~la. Mahope iho o ko maua mare ana, i lilo ai oia i ohua no ko lesu aupuni, malalo o ka manaoio ahahuina, a he hoahanau hihia ole iloko o ka moolelo. o kona Ekalesia i noho ai a hala wale aku la. Ua komo aku oia iloko o na ko'iko'i apau o ko ke Akua poe kanaka e like me ka hiki i,aia ke hana ua auamo i na inea o ke ao nei me ke kaniuhu ole, no ka manaolana i ke alahou ana ame ka maha o ka uhane ma o. 1 He makuahine maikai no ka home, he wahine makee kane, a lie puuwai Hawaii oiaio, ma kona mau hana; no ka pulama i kona mau hoaloha, ame na makamaka kipa i kona home. He kaikamahine papa oia no ke one kuilima laula o Ewa ke ewe o kona mau kupuna a hiki i kona mama, a he pua no ke one ai alii o Kakuhihewa. O ka nui o na la o kona ola ana, he 51 makahiki a oi, a i ke 31 makahiki o ko maua noho ana iloko o ka mare me ka oluolu iame ka maemae, ame ka pumehana o ke aloha kane, a wahine oiaio. Iloko o ka manaoio Kristiano, na moe oia me ka inaha, mai ka makua mai, e like me kana mau olelo hope ia'u, e hoolana oe i kou manao ke hele nei au me ka manaolana hauoli no lesu, e komo koke ana au i kahi maha a' na ka uhane aloha o ka Makua e hoomama mai i kou. mau luuluu no'n_ame a'u mau keiki, ame a'u mau moopuna liilii aloha, pili iho la kona mau maka a hookuu aku la i ka hanu hope. N.alia ka omaka wai makani a- ka Ikioe, Ke kuaua lioopulu kanaka i ke kah*» o Iloli, Pulu pu no me a'u Lehua i Kaana e A ana ke kanaka ua kuhinia i ka moe, Ua lupea e ka manu leo kanaka i Haolonokiaea. 0 laua pu no me ka lawelawe malie, Me ka makani kuehu kai i ke kaha o Hilia —a Hili hewa ka'fl hopu ana i ka po nei, 1 kulii no au i ke kahela he moe hewa —e E ke aloha e. Ua ana au ia oe—-a ■'—""" v Pomaikai ka poe make, ke make iloko o ka Haku ma keia hope aku e lei lakou i ka Lei Olinolino o ke ola mau loa i hoomakaukau ia. Me ka anoai i na keiki o kou keena pa 'i. Owau no ka uhane i hookaumaha ia. SAM 'L. KAIAKEA KEKOOWAI. Poniuohua, Waialua,. Molokai, Oct. 13, 1908.