Ka Nupepa Kuokoa, Volume XLIII, Number 45, 6 November 1908 — HOIKE KA MEIA I KOHOIA I KONA MAHALO. [ARTICLE+ILLUSTRATION]

HOIKE KA MEIA I KOHOIA I KONA MAHALO.

Ma ka home o ka Meia i kohoia J. J. Fern, mauka ae nei o Palama, ua haawi ae oia i na mahalo ana i ka poe apau i haawi aku i ka lakou kakoo ana iaia iloko o keia kau koho baloka ma o ke koho ana iaia i Meia mua loa no ke Kulanakauhale ame Kalana o Honolulu nei. Elike no me kana i hoike mau aku ai ma kana mau haiolelo no kana mea e liana mai ana i kona wa e kohoia ai no ke kulana ana e noho aku ai, pela no oia i hooia ae ai, e hooko aku ana oia ia mea no ka pono o na mea apau. E ui aku ana no oia i na a'o ana 'mai a kona aoao ponoi iho, a pela no

hoi me na makaainana maikai e ae, a kupono ana i manao ai e iawe mai i ka lakou mau a'o ana no ka pono o kana oihana ano nui. Ma kona manao, ua aie aku oia i ka Aoao Demokarata no ka wae ana ae iaia i moho no ia kulana, aka aole no nae oia i hoonele i ka lehulehu i ka hookomo pu ana mai i na hoomanao ana no lakou, no ka mea pela i loaa ai iala kela hanohano pookela o ka lilo ana i Meia mua loa no Honolulu nei.

E. A. C. LONG.