Ka Nupepa Kuokoa, Volume XLIII, Number 44, 30 October 1908 — KE PAHOLA LA KA BUBONIKA MA ABORES. [ARTICLE]

KE PAHOLA LA KA BUBONIKA MA ABORES.

LISBON, Sept. 15.—Ua hoea mai ka lono ia nei aia ka ma'i bubonika' Ke pahola la ma Azores. A mamuli o kela ma'i i paliola ae ua hooulu ae na kanaka iloko o na kulanakauhale o Horta, ma ka Mokupuni Fayal, ame Angra maluna o ka mokupuni Terceira i ka haunaele mamuli o ko lakou ukiuki i na luna aupuni no ka makaala ole e kinai i ka pahola ana ae a ka ma'i, a ma ia haunaele i hoonhiia mai ua lehulehu na luna aupuni i hoehaia. Ke puka mau ae la no ka ma 'i i kela ame keia la, a ua manaoia e pahola loa ae ana ma paemoku holookoa. 0 ka poe i loaa i ka ma'i ua hoihoiia lakou iloko o na halema'i me ka hiki kupono ole nae ke malama maikai ia i ka ai ame ka hanai ana i 'ka laau, ame na mea kupono e ae. Ua hiki ole i na luna aupuni ke hooikaika e kinai i ka laha ana a ka mai ame ka hoolako ans, i na hemahema kupono mamuli o ka pilikia nui i loaa ia Lisbon e pili ana i ka waihona dala, oiai aole i loaa mai ka $20,000 a ka Ahaolelo i hooholo ai i mea e kokua aku ai i ka poe i loohia i ka ma'i bubonika. TJa ku malie na hana kalepa, oiai ua papa ke aupuni i ka hoohui ana aku me na Mokupuni nei i loaa i ka ma'i. 0 ka mokukaua Pukiki Patria ka i hoonnaia i Fayal me kekahi pualikoa nui a e hoonoho paaia aku ana malaila no ka hoomalu ana i ka pahola loa ana ae o ka ma'i. He oi aku kou pomaikai i ke peni i loaa pono mai mamua o ka miliona i loaa hewa mai.—German. .. .» .» i» L» k»