Ka Nupepa Kuokoa, Volume XLIII, Number 44, 30 October 1908 — AEIA KA HAAWI ANA O NA AHAHUI I KE DALA NO KE KOHO BALOKA. [ARTICLE]

AEIA KA HAAWI ANA O NA AHAHUI I KE DALA NO KE KOHO BALOKA.

T'a hoopauia ka nune o ka lehulehu no na mea e wawaia ana iloko o ke"kahi mau la ae nei i hala e pili ana i ka hiki ole ana i na ahahui e lawelawe oihana mai nei ke haawi aku i na dala no na hana kalaiaina kuloko mamuli o ka hoopuka ana mai o Lunakanawai Amerika Dole ī kana olelo looholo, e haawi ana no i ka apono ana i na ahahui e haawi i na kokua ana no na hana koho baloka kuloko. Ina ua makemake keia mau ahahui e haawi i ka lakou dala i wahi e koho ia ai o McCandless, a o Kuhio, a o Notley paha, ua hiki loa ia lakou ke hana pela ma Hawaii nei. Ma o keia olelo hooholo la, ua kaawale loa ka hui hanai holoholona o Haleakala mai na pilikia aku i manaoia no ko lakou haawi ana i kekahi puu dala no na hana koho baloka. O ke ano nui o ka olelo hooholo a Lunakanawai e kakoo ana oia i ke kupono no o ke kanawai i hooholo ia e ka Ahaolelo o Amerika e hookapu ana i na ahahui i ka haawi ana i ke dala i wahi e kolioia ai na Lunamakaainana ame na Senatoa i ka Ahaolelo Lahui, aka aole nae i paa na ahahui e lawelawe oihana nei ma Hawaii nei malaīo o ia kanawai no ka haawi ana aku i kekahi puu dala i wahi e kohoia ai ka Elele e hele aku ai iloko o ia Ahaolelo. Ma keia ano iho la ua hamama loa ka puka no na hui kalepa e komo mai ai a haawi nui i na kokua ana i wahi e lanakila ai na hana kalaiaina iloko o ko lakou mau aoao iho, a malia eia ke dala ke kahe awai nei iloko o kela ame keia aoao a lakou i ohohia ai.

-«-MI ka wa e hookuuia ai ka mea liewa Tia kau aku na ahewa ana maluna o ka lunakanawai. —SyruB.