Ka Nupepa Kuokoa, Volume XLIII, Number 42, 16 ʻOkakopa 1908 — HE HOOALOHALOHA. [ARTICLE]

HE HOOALOHALOHA.

Mr. Lunahooponopono, e alionui mai kou oluolu e loaa mai ke kowa kaawale o ka kaua Milimili no k6 komo pu ana aku me ka ohana aine ka wahipe kanemake iloko o ke kumakena. Ma ke kino lahilahi o ka Nupepa Kuokoa o Okatoba 2, 1908 i ike iho ai makou, ua oluolu i ka Makua Lani ke kii ana māi a lawe aku i ka uhane 0 Mr. Migela Watkins o ka olua keiki 1 aloha nui ia a hoapili aloha hoi no ka wahine o keia noho aha honua o kekahi hoi o na makamaka a hoaloha mai kai o Aiea ame Halawa. Nolaila, e liooholoia, O makou o ko oukou mau hoaloha a makamaka o na la o ka inea i kaahope ae, ke komo pu aku nei makou me oukou ka ohana o ka oukou mea aloha i haalele mai iloko hoi o ko oukou mau u ana a kaumaha. Nolaila, ke hui pu aku nei makou me oukou e uwalo aku ana i ka Makua Lani e holoi ae i na waimaka o ka ehaeha, a e hoomama mai i na luuluu o keia noho ana. Hele mai e na luhi, Luhi kaumaha nei. Nau e hoomaha, Na ehaeha la. Nolaila, Nana no i haawi mai a Nana no i lawe aku e hoonani ia ka inoa o lehova o na Kaua. Hooholoia, e hoounaia i hodkahi kope o keia Hoalohaloha i ka Nupepa Kuokoa, a i hookahi kope i ka wahine ka* nemake ame ka ohana. Makou iho no me ke aloha, Mrs. Lueilla Kawai, Mrs. Loika Menese, Mr. Chas. B. Menese. Kahana, Kaanapali, Maui, T. H., Okatoba 6, 1908.