Ka Nupepa Kuokoa, Volume XLIII, Number 42, 16 October 1908 — O KA NUPEPA KUOKOA KA HELU EKAHI [ARTICLE]

O KA NUPEPA KUOKOA KA HELU EKAHI

Mr. Lunaliooponopono o ke Kuokoa, Aloha oe:—E oluolu oe e hoolaha ae ma ke akea i ka'u mea i hooholo ai e pili ana i na nupepa Hawaii i pa'i ia ma Honolulu a ma Hilo, a penei ka'u hooholo ana: No ka nupepa Kuokoa mai kona hoo kumuia ana a hiki mai nei i kou au au e noho hookele i ke Kuokoa, aole au i ike i kau mau kalaimanao ana, aole no au i ike i na manao o na ipakamaka ame na hoaloha mai ke kiekie a ka haaha i hoopihaia maloko o na kolamu o ke Kuokoa e olelo ana he aoao hookae ili ka aoao Dem'okarata a no ka nele o ko'u ike i kau mau kalaiolelo ana ame na kalaiolelo apa a ka poe e hoopiha nei i kona mau kolamu pela au i haawi ai i ka'u olelo liooholo o ka Nupepa Kuokoa ka helu ekahi. E like no me ko'u ike ole i na nema a ke Kuokoa e pili ana i ka aoao DemokaTata, pela no ko'u ike ole i ko ke Aloha Aina ame ka poe no hoi e hoopiha ana i kona mau kolamu e pili ana i ka aoao kalaiaina Demokarata mai kona hookumu ia ana e Hon. Nawahi a hiki no i ke au i hookele ia ai e Mrs. E. A. Nawahi a hiki iho la i ka lilo ana i nupepa Demokarata, a pela no au i haawi ai i ka'u olelo hoohoio 0 ka nupepa Aloha Aina ka helu elua. E like no me ko'u ike ole i na olelo nema i ka aoao kalaiaina Dcmokarata maloko o na kolamu o ke Kuokoa a pela no ko'ū ike ole i na olelo nema maloko o na kolamu o ke Aloha Aina no ka aoao kalaiaina Demokarata pela au e liaawi nei i ka'u olelo hooholo o ke Kilohana o Kamalamalama ka helu 3 aole ia mau olelo nema mai kona Lunahooponopono ame ka poe kalaimanao e hoopiha ana i kona mau kolamu. No ke Kuokoa Home Rula ua haawi au i ka'u olelo hooholo iaia ka helu eha oiai mai ka Peresidena nui a na poe kalaimanao he like wale no na olelp he niu he kulolo ka aoao kalaiaina Demokarata ma Amerika Huipuia. Ke hoike maoli aku nei au i ko'u manao i hooholo ai o lea Hoku o Hawaii ka/ helu elima he nupepa ia i noho'Lunamii a Lunahooponopono ia e ke kalmnapule a i poni ia a hoolaaia he kauwa na ke Akua Kiekie loa, o ka oi loa aku ia o ka nupepa Hawaii pelapela o na kalaiolelo ana mai kona Lunahooponopono ame ka poe apau e hoopiha nei i kona mau kolamu he ku ole i ka hana Kristiano i ka hoopuka 1 na olelo pilikino ame na olelo i ka niu i ke kulolo i ka hookae ili ulaula o ka aoao kalaiaina Demokarata a ike ole no hoi o Kuokoa Home Rula ame Hoku o Hawaii i na mea i hana ia imurf o ko laua mau pou ihu 1893 i ka la 17 o lanuari. Owau no a mau, _ . J. H. K. Hawaii.

Ke kauohaia aku nei na ]ala apau o ka Hui Aloha Lahui o Lahaina, mai Maunalua a hiki i Honouiiull, e hele mai i ka Halawai Makahiki e malama ia ana ma ka Hale Halawai o Kaulu* wela Caimp i ka Poaono hope o Okatoba nei, la 31, hora ekahi auwina la me ka hoomanao pu iho i ka auhau makahiki.