Ka Nupepa Kuokoa, Volume XLIII, Number 42, 16 October 1908 — HE A'O HEWA MAOPOPO. [ARTICLE]

HE A'O HEWA MAOPOPO.

(Ma ka hoolohe ana i ka ha'iolelo a ka hapanui o na moho a Jc'a aoao Demokarata ma ka lakou halawai i malama ae ai ma Aala Paka ma ka po o ka Poaono i hala, aole a makou mau kumu kupono i ike ai i laweia mai e lakou, i hiki ai i ka lehulehu o ka poe koho baloka ke koho aku ia lakou, oiai nae o ka olelo hookahi wale no iloko 0 ko lakou mau waha, oia ke koho ana aku ia lako,u mai ke poo mai a hiki i ka hi'u. E like me ka makou e hoike mau aku ana imua o ka lehulehu no ka makaala pono ana i na ilio melemele, pela no ke Kuokoa e kauleo hou aku nei i ka poe koho haloka e noonoo akahele i ka oukou mau moho e koho ai, mai puni i ka mali leo a na moho i maopopo loa ko lakou mau ano ia oukou. Aole makou e hoohewahewa i ko ke Aloha A'ina ku ana ma keia kahua a a'o aku i kona poe heluhelu iloko o ka wa i hala ae nei e koho 1 ka poe kupono, aka i keia mau la nae ke a'o mai nei oia i ka lehulehu e koho aku ka i ka paa baloka holookoa o ke Demokarata mai ke poo a hiki i ka hi'u, he hoike ana ae hoi ia mai nana i na ano o na moho, he pono koho aku no ia lakou, aia ka pono o ka pau loa i ka puka i keia kau. ' ' , \ i Ma keia ano hookahi no hoi na moho Repubalika e a'o aku nei mai ka lakou mau ha'iolelo e koho pololei aku ia lakou mailuna a hiki ilalo o ko lakou paa baloka, oiai nae kekahi mau alakai o ia aoao e papa aku i ka holo ana o kekahi mau moho i waeia e ka Aha Elele no ka manaoia, aole laua he mau moho kupono. Ma keia ano e ike mai ka lehulehu ua like no ke a'o hewa aku o na moho Demokarata ame na Moho Repubalika, aole hoi he olelo ana no na moho Home Rula ame Limahana i huiia, aohe he piha pono ka lakou mau moho, ua lele ae nei ka lakou kakoo ana i kekahi mau moho a na Repubalika, ma ka olelo ana e koho aku ka ia lakou apau mai ke poo a hiki i ka hi'u. Ua kaakaa pono na maka o ka poe koho baloka i keia manawa o na kau koho i hala ae nei a mamuli o ka ike ana āku me ka maka ponoi i na hiona maopopo o na moho, e hiki ole ai ke hooliewahewa i ka hopena e hoea mai ana ma ka la ekolu o Novemaba nei.