Ka Nupepa Kuokoa, Volume XLIII, Number 41, 9 October 1908 — I HAKU HOU NO KA MOKU HAWAII Noonooia ka Hoihoi ana i ka Mokuheihei Hawaii Malalo o ka Hui Heihei Moku. [ARTICLE]

I HAKU HOU NO KA MOKU HAWAII

Noonooia ka Hoihoi ana i ka Mokuheihei Hawaii Malalo o ka Hui Heihei Moku.

Ma ka halawai a ka Hui Heihei Moku Hawaii i noho ae ai ma ka po 0 ka Poakahi nei, i hapaiia mai ai ka noonoo e pili ana i ka hoolilo ana aku 1 ka Mokuheihei Hawaii, a ua kohoia he komite no ka hui pu ana aku me ke komite heihei no ka ae ana mai e hooliloia ka mokuheihei i ka hui. Ua hiki aku na hoolilo o ka Mokuheihei Hawaii ma kahi 0 ka $20,000, aka eia no nae iloko o ka aie e noho nei i keia manawa i hiki aku ka huina dala i koe i ka ekolu kaukani no kekahi nota aie i ka Banako Hawaii. Ua makemake ka hui heihei moku Hawaii e uku aku i kela aiē apau loa, ke ae mai ka poe na lakou i haawi mai i na kokua ana no keia, mokuheihei i ko lakou lilo ana i mau lala iloko 0 ka hui e like me ka nui 0 ka lakou mau kokua, a e uleu pu hoi i hookahi dala iloko o kela ame keia mahiha i kulike ai me ka rula 0 ka hui iieihei. Ka ku nei kela mokuheihei ma ke ano he waiwai no ka lehulehu, a ina no ka hooliloia mai no keia hui heihei, alaila e malamaia ana no ia a hiki i ka man&wa e hoea hou mai ai ka wa nu ka heihei moku hou ana alaila hoao hou e alualu i ka makana e haawiia ana no ia hfihei. I hakalia wale no ka hoikeia ana aku o ka lohe i ka poe i haawi kokua no ka Mpkuheihei Hawaii no ko lakou hoolilo mai i ko lakou mau kuleana, i ka l/>aa ole mai 0 ka ae 0 ke komite heihei, a me he mea la e aponoia mai ank mea i hoolalaia ae e ka Hui Heiliei Moku.