Ka Nupepa Kuokoa, Volume XLIII, Number 41, 9 October 1908 — HOOKIPA OHAOHAIA KA HUI KINIPOPO KEIO. [ARTICLE]

HOOKIPA OHAOHAIA KA HUI KINIPOPO KEIO.

Ma kela huli hoi ana aku nei 0 ka Hui Kinipopo Keio no lapana, ua haawiia mai ia lakou kekahi hookipa ohaohaia ana e ka poe puni lealea ame na kanaka kakau nupepa o Yokohama. I ka hoea ana aku o ka Mokuahi Manchuria me na keiki 0 ka hui kinipopo, ua holo mai la he waapa mokuahi i hoolimalimaia e na keiki 0 ke Kula Nui 0 Keio 1 puka mua, na kanaka knkau nupepa ame kekahi e ae no ka mokuahi. Ua haawiia he mau leo huro e ka poe mai ka aina mai no ka holomua o ka huakai a kela mau keiki o ka holo ana mai no Hawaii nei, me ka hoolei ana mai i na lei i ua mau keiki la. Ua hōoleleia kekahi mau ahi kao e like me na ano i hanaia i ka wa i komo mai ai ke aumokukaua o ka Akelanika i Ho-

nolulu nei, oiai hoi e paani mai ana ka bana puhiohe no ka hoohanohano ana mai ia lakou. Maluna hoi o kekahi mau waapa, he mau l\aneri o na haumana o ke kula e noke ana i ke mele i na himeni, a iloko o keia mau hana hoohiwahiwa, amo keia hookipa ohaoha ana i na keiki kinipopo, i kau aku ai ua mau keiki la maluna o ka waapa mokuahi me na manao ulumahiehie a haaheo me ka welo ana o kekahi hae i haawi makanaia aku e ka hui kinipopo o na Ke« pani ma Hawaii nei ame ka hae o ke kula mamua a mahope o ka waapa, iloko hoi o na leo liuro o kekahi anaina nui hewahewa e kuku ana iluna o ka uwapo. Ua ka'i wawae aku lakou ma na alanui no ka hale hoolulu, a ma ka hor& umi-kumamakahi lakou i hatlele. iho ai maluna o ke kaaahi no Shimbashi, a mamua o ke kani ana o ka aina awakea i hoea aku ai lakou ilaila. Haila i loaa hou ai he mau hookipa ohaoha ana ia mailaila aku no ka pa o ke kula, kahi hope i hāawija ai o ka banazi ana. - 1 -