Ka Nupepa Kuokoa, Volume XLIII, Number 41, 9 October 1908 — HAAWINA HELUHELU. [ARTICLE]

HAAWINA HELUHELU.

E na makaikai, na hoahaumana, na kumu, na Kahu Kula Sabati o ke Kula Sabati o Waialua nei, Mahalo nui ia oukou: 0 ka ? u haawina helulielu, oia no ka haaw/iia o ka la 10 ame ka haawiua 0 ka la 17 o Mei, 1908. O ka makemake o keia hana, oia ka hoolilo ana ia laua elua i hookahi manao nui e like me ke kahawai o Opaeula ame ke kahawai o Halemano i lilo i hookahi, pela ke ano o keia haawina heluhelu i haawiia mai ia'u. 1. O ka haawina o ka la 10 o Mei, aia ma ka Euanelio o loane 15:4-15. 0 kona kumuhana "Ka Miaiona o ka Uhane Hemolele.O kona mau ma- | hele manao; 1 ka inaina o ko ke ao [ nei; 2, he mea pono e hele aku o lesu. !3. Na hana a ka Uhane Hemolele. 1 Kona pauku gula. A e noi au i ka Makua a e haawi no i kokua hou no oukou, i noho mau loa ia nie oukou. j loane 1:16. Kona manaonui; O na po|maikai a ka Euanelio no ke ao holoj okoa ia. 2. O ka haawina o ka la 17 o Mei aia no ia ma ka Euanelio o loane 18:19, 24, 27. Kona kumuhana, Kumakaia ia a hoole ia o lesu. O kona mau mahele manao, 1 Kumakaia ia o lesu; 2, Hoike o lesu v i kona mana; 3, hopuia 0 lesu; 4 0 lesua imua o ke Kahuna Nui; 5, Hooleia o lesu. Kona pauku gula—l mai la o lesu ia lakou: 4< E kumakaia ia aku ke Keiki a ke kanaka iloko o ka lima o kanaka, Mat. 17 22. Kona manao Nui, E pono e hauoli mau kakou i ka hoike ana no lesu imua o na kanaka. E o'u mau hoapaahana iloko o ka Haku lesu. Ma keia mau hoike e maopopo ai ia oukou kahi i loaa ai ka'u haawina heluhelu ame na mea ano nui iloko olaila. Mahope ae nei e akaka ai ia oukou ko laua hui ana ame ko laua lilo ana i hookahi. 1 ka hoohuihui ana i ko laua mau kumuhana, na mahele manao, na pauku. gula ame ko laua mau manao nui e loaa no keia manao nui hookahi penei: E loaa ka puno ame ka pomaikai 1 ke kanaka ha'i Euanelio o lesu< mamuli o ke leokua ana o ka Uhane Hemolele, aka, o ka mea i kokua ole ia e lilo no ia i mea kumakaia, a i ole i mea hoole ia lesu Kristo. E na hoapaahana ame na hoa makaikai o na hana hoike Kula Sabati o keia la, mamua o ko 'u hoopau ana i ka'u haawina heluhelu, he wahi manaolana ko'u e paipai aloha aku ia oukou no ka pono ame ka pomaikai o ka Euanelio o lesu. E na makaikai, eia ka leo kahea o ke Kahu Kula Sabati Nui o ka lani ame ke ao nei: "E haele hoi oukou ika pawaina, ao ka mea p x ono, .na'u ia e uku aku ia oukou." O keia no" ka leo kahea i kela wa kahileo a pela no i keia manawa e komo ma ka pawaina oia hoi ka Hooikaika Kristiano, ka Ekalesia ame ke Kula Sabati e like me ka ouleou e ike nei i keia la. No keaha oukou i konio ole ai iloko 0 na papa hoike Kula Sabati? E like me ka leo kahea ke Kaliu Kula Sabati Nui, e komo e hana ma ka pawaina. He poe kumakaia anei oukou ia | lesu Kristo? E like me luda. He mamo anei oukou na luda? ka mea nana i kumakaia ia lesu. He poe mamo anei oukou na Petero? ka mea nana i hoole ia lesu. He oiaio i ko oukou komo ole ana i ke Kula Sabati, alaila, he poe kumakaia, a i ole lie poe hoole oukou ia lesu, ka mea e kahea nei e komo e hana ma kona pa' waina. E na makaikai e! ke lohe aku nei au i ka halulu mai o ka leo o ke kai ame ka nu ana o ka leo o ka makani ke lohe pu aku nei au i ka leo kupinai ame ka leo o ka hanehane me he mea la ka e i mai ana ia'u penei: He makaikai no nae au, he lala no ka pawaina Hooikaika Kristiano ame ka Ekalesia. Alaila ke ola hapa nei oukou e like me ke kanaka i nele i kahi lala e pono ai kona kino. A i makemake oukou e loaa ke ola piha e komo mai ma na hana 'a pau o kē aupuni o lesu Kristo. E na hoapaahana e! ka rula nei. E nana a hoomau i ka Hoku alakai o Betelehema, a e like m.e kona alakai ana 1 na Magoi a loaa o lesu ia lakou pela no e alakai ai keia mau hana maikai ia kakou, a hiki i ka wa e kau mai ai kana hoopomaikai ana ia kakou. "Pono e ke kauwa maikai e komo ae oukou iloko o ka olioli o ko'u Makua.'' Owau iho no me ke aloha, MRS. HAILI Waialua, Sepatemaba 27, 1908.