Ka Nupepa Kuokoa, Volume XLIII, Number 40, 2 ʻOkakopa 1908 — POINA HE EKE PAALIMA ILUNA O KE KAAUWILA. [ARTICLE]

POINA HE EKE PAALIMA ILUNA O KE KAAUWILA.

Ma ke «iliialii o ka la Sabati aku nei i liala, ua kau aku la o Mr. Bush o Waikiki ame kana wahine maluna o ke kaauwila e holo ana nowaho o Waikiki, a mawaho pono ae o Kapiolani paka ko laua wahi o ka lele ana aku ilalo mai ke kaa aku. Kg hoi la laua me ka nanea a i ke kokoke ana e hiki no ko laua home akahi no laua a hoomanao mai no ka •laua eke paalima, a o ka wa no ia i ala mai ai o na hoomanao ana, ua poina aku ua eke paalima la iluna no o ka noho a laua o ka noho ana iluna ,o ke kaa uwila. Aia iloko o kela eke kekahi uwakl gnla waiwai nui, ame kekahi mau lako hoonani e ae, a ua lilo i mea mineminaia, ua uwaki la, no ka mea ua makanaia mai ia mai kekahi niai o ko laua hoaloha oia no o ChaTles Poor i malee koke mai nei maloko o ke kulanakauhale o Nu lokā. 0 ka waiwaiio o na mea apau iloko 0 kela eke, ua hiki aku ma kahi o ka elua haneri dala. Ua kali laua a hiki i ka huli hoi ana mai o kela kaa uwila mai Kalihi mai, a ninau aku la laua i ke kiakaa ina paha ua ike oia i ke eke a laua i poina ai iluna o ke kaa, alea ua hoole loa mai la oia me ka olelo ana mai, aole oia i ike i kekahi mea i ka waiho iluna o ke kaa. Mamua ae o ka hiki ana aku o ke kaauwila i Kapiolani Paka, ua lele aku la ka mea ohi dala ilalo, a na ke kia kaa hookahi wale no i hooholo aku i ke kaa a hiki i kahi e pau ai ka holo ana, a ma ia huli hōi ana mai a ke kaa i kau hoii ae a,i ka mea ohi dala. No keia nele ana o ka loaa o ua eke nei a laua, ua kii maoliia he ipukukui helepo, a hele laua e hoomalamalama ma na aoao o ke alanui kaauwila, eia nae aole no he loaa iki. Ma ka Poakolu mai nae, ua loaa aku la ua eke nei i kekahi Kepani iaia e kakali ana 1 ka hoea mai o ke kaa ma kahi hoo« lulū o Kapiolani Paka, eia nae aole i loaa aku kekahi o na waiwai o ua eke nei. Ua waihoia ka imi ana aku no kahi e loaa mai ai o ka mea iaia i lilo ai na waiwai o ua eke la iloko o ka lima o ka oihana makai.