Ka Nupepa Kuokoa, Volume XLIII, Number 40, 2 October 1908 — HE LEO UWALO IMUA O KA POE KOHO BALOKA O OAHU. [ARTICLE]

HE LEO UWALO IMUA O KA POE KOHO BALOKA O OAHU.

. I ka poe koho baloka o Oahu, Aloha oukou: —He moho au e holo ana iloko o keia kau koho baloka no ke kulana Senatoa ma ka paa baloka Repubalikaj a oiai aole.e hiki ia'u ke hele aku e hui kino pu me oukou, nolaila ke lawe mai nei au i keia keehina o ka uwalo ana' aku imua o .oukou, no ka haawi ana mai i ko oukou mau baloka ame ka oukou mau hooikaika ana. Iwaena o oukou au i noho ai no ka manawa o aneane e piha na makahiki he iwakalua, a iloko o ia mau makahiki ua hoohala waleia no ma ke kakoo ana aku ma ka aoao o ka pono ame ka pololei. Ua ike oukou i ko'u moolelo maloko o ka Ahaolelo, a ina ua ike oukou ua kupono au e koho houia mai e oukou, e hana aku no auanei au, no ka wa e hiki mai ana, e like me ka'u i hana aku ai i ka wa i hala, e hana ana hoi i na mea apau e pomaikai ai keia Teritore ame kona mau makaainana. Owau iho no ka oukou kauwa. JOHN A. HUGHES. * (Keoni A. Hiuka.)

MANILA, Sept. 27.—0 ka hookipa wāle no i manaoia no ke Aumokukaua i kona manawa e kipa mai ana no ka manawa mua loa oia no ka hookaha-! kaha ana maluna oke kai. E haawiia' aku ana na hoohiwahiwa ame na hoo-J kipa ohaoha ana ke huli hoi mai ia j mai lapana mai. O keia ka mea i hooholoik mamnli o ka ma'i korela e pahola nei maanei.