Ka Nupepa Kuokoa, Volume XLIII, Number 40, 2 October 1908 — NA MOHO MEIA O KE KULANAKAUHALE O HONOLULU [ARTICLE]

NA MOHO MEIA O KE KULANAKAUHALE O HONOLULU

I ka hoomaopopd ana i ka manao o na elele i akoakoa ae ma ka Aha Elele Wae Moho a na Repubalika maloko o ka Opiuma no ka wae ana i moho Meia na lakou no keia kau koho baloka, ua hoalaia mai kekahi mau manao ku-e o ke kanaka Hawaii i ke kanaka Hawaii, a hooikaika aku la i ka moho haole, aka nae ua.pau aku la ka wae'ana a kela ame keia aoao i ka lakou mau moho iho, a ke ku nei na moho 'imua o ka lehulehu no ke koho ana mai a ka lehulehu ia lakou ma ka da ekolu o Novemaba ae nei. O ka ke Kuokoa e makemake nei e ike aku i na Hawaii iloko o ko lakou mau aoao iho, oia no ke kaupaona ana i na moho Meia i wae ia e ka hapanui 0 na elelē iloko o na Aha Elele, a e haawi aku i ka lakou mau kakoo ana ia lakou e Hke me ke kupono i ikeia no lakou, me ka hoala ole mai i na manao ku-e i hanaia iloko o ka Aha Elele, e like me ka Hustace ame Lucas i hoike ae ai, no ka haawi ana i ko laua mau kakoo ana i ko laua hoa moho i lanakila ma ka waeia ana e ka Aha Elele. He poe Hawaii wāle no keia a ekolu e holo nei no ke kulana Meia, oia o John C. Lane, Jos. J. Fern ame Charley Aehi i waeia e ko lakou mau aoao iho, a aole he hana maikai ke kiola ana i ka moho a kekahi aoao i wae ae ai, ke ole e ike maoliia no kona kupono ole, ma na hana i lawelawe ia e ia mamua ae o kona lilo ana i moho, aole hoi ma ka hoala ana mai i na manao ku-ee e like me ia i ikeia iloko o kekahi pohai o na elele Repubalika mamuli o ka haule ana o ka lakou mau Meia. 1 E Hlo ana i hanōhano oi kelakela i ka lahui Hawaii, ka noho ana ae o kekahi Hawaii oiaio ma ke poo o ke aupuni Kulanakauhale o Honolulu nei, a ma ia ano e hiki ai i na aupuni naauao ke ike mai, he hana hiki wale no ka i na H&waii naauao a hoopono ke noho poo ma kekahi kulana ano nui, , « ,j; •! « Ua hoounaia aleu 0 Kalānlāiiaole, he kāiiaka Hawaii no WakineJkona iloko o na kau AhaoleTo ae nei i hala, a mamuli o na mea i hana 1a eia ā i loāā mai i keia Teritore, o ke kaakaa mua ana ia o na maka »d Amerika, he hiki no ka i na Hawaii ke lawelawe i na hana ano nui. He hookahi no pilikia iwaena 0 na kanaka Hawaii ,oia no ka lioao ole •aku e hapai ae i kekahi iluna e like me na haole ame kekahi mau lahui naauao e ae, aka ina e lawe mai ana na Hawaii i kela' rula naauao, alaila e hiki mai ana ka manawa e kaulike ai na Hawaii ma ka papa like me na haole ma keia hope aku ma na lawelawe oihana ana. Aole makou i makemake e alakaiia ko ka'lehulehu noonoo ma ke ano ke hoala nei ke Kuokoa i keia hoakaka manao ana pili i ka Meia, ma ke ano o ka ili, aka ke makemake niaoli nei no oia e ike i jia Hawaii i ka huki like ana i kona mau keiki kupono a hoopono, ma ke ano i mau alakai ma kekahi mau kulana i ikeia ko lakou kupono, me ka hiki ke laweiawe me na hana e pono io ai na hana hooholomua iloko o ka aina.