Ka Nupepa Kuokoa, Volume XLIII, Number 40, 2 ʻOkakopa 1908 — KA MAKAIKIU NIKOLASA KATA KA WELI O NA POWA [ARTICLE]

KA MAKAIKIU NIKOLASA KATA

KA WELI O NA POWA

MOKUNA V. i . ! . , KA MRS. REMONA MAU OLELO HOAKAKA.' A iaia e kamailio .mai ana ke heluhelu nei ka-makaikiu. Penei ka manao o ka leka: "E kuu wahine aloha:—Ua hiki mai nei au nei me ka maikai, a ke manao nei au aole i hookoloia mai ko'u aiahele, aka aole au e aa ana e hele aku i ka hokele no ka maka'u mai no o hookoloia , .c c knu mau enemi. No keaha ka hiki ole ia kaua ke hoi no Haibeka i keia po? Manao au e hiki ana no kaua ilaila mamua o ka puka ana o ka la, a manao ae ko kaua palekana! "E hoao kaua e hoi i keia po! Aole au e hoike aku ana ia oe i ko'u wahi e pee nei no ko'u hopohopo no o loaa mai i na enemi, oiai, ke hopohopo nei au he nui ia poe e hoomakakiu mai nei mawaho o ka hokele. Ua ike no oe i ko'u wahi e loaa mai ai. E hoomanao oe i kela kanaka pilikia a'u i hoopakele ai i ka makahiki i hala a i lilo ai i hoaloha no'u. Eia au me ia ma kona home. "E hele mai a hui kaua ina e hiki ana ia oe. Ina aole e hiki ia ; >e ke liele mai, alaila e kii ana au i lio no'u me ke kaa a hoi hookahi .iku no Haiheka. Kau kane aloha, PIERA." "Heaha kou manao i ka'u hana pono e hana aku ai, e Mr. !kata?" 0 keia ka ninau a ka wahine mahope iho o ka pau ana o ka Kata heluhelu ana i ka leka. Aohe i pane koke aku o Kata, aka nalu iho la ia, he leka apuhi wale no kela i mea e hoohihia ai i kona noonoo a o kela leka aole na ke kane ijiai, na kekahi o kela mau kanaka i lele powa ai iaia maloko ka holo pouli, a ua kakauia ka leka i mea e koi mai ai iaia e haalele iho i ka hokele. Ua manao maoli no o Mrs. Remona e holopouo ana ka hana a kela mau kanaka iloko o ka holo a i kopa wa i kikeke aku ai i ka<puka na manao maoli oia o kekahi o kela mau kanaka powa ka i hele aku t hoike iaia i ka make o ka Makaikiu. "L T a ike paha oe i kahi o ko kane e noho nei mamuli o kou heluhelu ana i keia leka?" "Ae, aia i kahi hale uuku o Kini Pota kahi i noho ai." "He mamao loa no nae paha mai nei aku?" "Ae, aia mawaho loa o ka hu'a o ke kulanakauhale nei." "Pehea, e hooka'ulua ana oe i ka hele ana?" "Xo'u iho aole, ua makemake4oa au e hele koke, koe wale no paha keia. ina e uhaiia ae ana au e kela poe powa?" 4 *Ua ike i.ho nei np nae paha oe i kekahi o ia mau enemi maanei i keia ahialii?" "Hookahi wale no—ua ike no hoi oe, oia ka mea hiki ole ke hana niai i kahi mea. Aka, malia o hele pu mai kekahi poe iho o lakou me ia." "A auhea oe, e ike mai oe eia au malalo o kau kauoha. Ua hiki loa ia'u ke kii i na makai apau o Elemaira nei e kokua mai ia'u i kumu e paa ai kela poe apau i ka hopuia." "O! Aole au e ae aku ana ia oe e hana me kela! He hana ia e ikv niaopopo loaia ae ai ko maua nee ana, a o ko maua mau enemi -»>iai lakou e noho hana ole ana e hahaihele ae ana lakou ia maua a hiki i Penikelevania." "Pela paha, ke paa ole aku lakou i ka hopu kokeia maanei. "Ka i no hoi e waiho mai ana oe i ka hana apau iloko o ko'u lima no ka imi ana aku i kou palekana a hiki i kou hoea ana aku i Haiheka. Heaha iho la kau mea o ka hopohopo ana i keia poe? "E hilinai mai oe maluna o'u a na'u ia e hana aku ma.na mea a pau e hiki ana ia r u ke hopu i kela poe enemi ou." "Manao no anei oe, e Mr. Kata, e hiki ana no ia kaua ke lawe ae i kaalio ma ka puka ma ka aoao me ka ike oleia mai e kekahi mea e hakilo mai ana ia kaua. "Manao au e hiki ana no ia kaua ke hana ia hana me ka ike oleia mai," i i aku ai ia. "Ina'hoi ha pela e'hele aku oe i kaa no kaua a lawe ae malaila. Ke hiki ka hoi au i Haiheka la o ko'u palekana loa no ia." "E iho ae au e huli kaa no kaua, a in'a e loaa, ea, kena mai au i e kii mai ia oe," i pane a'ku ai o Kata. A īaia e liele mai ai e hoike ia oe e hoomanao oe aia au ma ka puka ma ka aoao o ka hokele kahi i ku ai i kela manawa. E noho au iluna o ke kaa." •' "Me ka malialo nui palena ole ia oe!" He koikoi kona leo o ke kalele ana iho, aka nae o kona mau maka, ua hele a lele e. "E hele awiwi ae au a hoi koke mai," i pane mai ai o Kata, a kunou aku la ia a puka aku la iwaho. laia no a oili mai ka hokele aku, maalo ae ana kekahi, kaalio, a ■o kona kahea aku la no ia e hele mai. Kau aku la ia a kauoha aku la i ke kalaiwa e holo ae a ma ka puka ma ka aoao o ka hokele. Ua ike no o Kata he pono iaia ke makaala i ole e loaa aku na manao hoohuoi i ka poe e ike mai ana iaia me kela wahine tio ko laua hele kokoolua i ka po. Ia Mrs. Remona i iho mai ai lele aku la o Kata ilalo a hoi ae la ?. ma ka noho mamua me ke kalaiwa, a olelo aku la ia Mrs. Remona < noho ae mahope. Aohe oia i ku-e mai, aka hene iki iho la kana wahi aka no ka lealea no ka mea, ua hookoia kona makemake. 1 kela manawa ua like loa o Kata me ka bipi e laweia ana i kona wahi e pepehiia ai. Ua hoomaopopo no o Kata i kela mau mea apau he mau hana slvhe wale no ia iaia, aka, aole e hiki iaia ia manawa ke alo ae, oiai o kona iini nui e ike pono oia i k# punana o ka poe haihai kanawai. Oiai laua e laweia ana e ke kalaiwa a kikii pau, aia iloko o Kata ka manao nui kahi i nu ai, pehea ana la oia e ikemaka ai i kela poe l'Owa. a pehea la oia e hana ai i pau loa ai lakou i ka paa. Ua hala he hora „a oi ko lakou holo ana hiki aku la lakou iwaho i'-a o ka hu'a o ke kulanakauhale a kaohi mai la kahi kalaiwa i ka lio nianuia pono o kekahi wahi hale ku hookahi. Oili mai la kekahi kanaka me ka ipu kūkui a kahea mai la ma ka Oielo Palani; "O oe mai la ia, e Madame Remona?" Pane aku la ka wahine me ka leo nui hauoli, "Ae, owau no. Ua holopono na mea apau." • u u' "Komo mai alaila ha'i aku au ia oe i na mea apau, i kahea hou ai o Kimi Pota. "Ae, ua holopono na mea apau, aia a komo mai '• hoike aku au ia oe. Komo mai." Ua lele iho la o Kata i kela manawa aeku ana ma ka aoao o ke kaa. • He ano mamao no ka hale mai ka pukapa aku a he ike waleia a'ku " > nae oloko oiai ua weheia ka puka a hamama loa, a i ka Kata īke Hookahi no rumi hamama holookoa aohe i paleia. Lele iho la o Remona ilalo a haawi iho la i kona lima ia Kata. "E hele pu aku kaua iloko," i ui iho ai ua wahine la ia Kata. ■ Kunou wale aku la no o*Kata me ka pane leo ole. f O kona noonoo apau i kela manawa e nalu ana pehea la oia e I mai ai. Ke halialia wale mai la no iaia he upena kela hale ī ' niakaukauia nona, aka aole oia he kanaka hohe wale i ke aka wale

no a maka'u. ' ' i 1 O kana hana ia i hoohiki ai e haawi i kona ola, kona ikaika ame kona makaala apau i mea e paa ai ka poe haihai kanawai, a me na kaina wawae ikaika ka'i aku la oia ia Mrs. Remona a hiki i ka puka, a komo aku la o Mrs. Remona mamua a noho iluna o ka noho, ku iki iho la o Kata e nana pono ia loko o ka hale ma ka puka. Aohe lakohale o loko he wahi pakaukau hookahi me na wahi noho lepo me he mep la aohe noho ia e ke kanaka. Alawa ae la ia ma kekahi aoao aohe moe, he wahi punee kahiko lepo ke ku»mai ana, a o loko no hoi keia ua hele a piha i ka lepo me ka punawelewele. t Ua hoopiha loa ia mai oia i ke pahaohao i kela manawa. Hoomanao ae la ia i ka Mrs. Remona i olelo aku ai iaia aia o Piera ma ka haie o kona hoaloha, a ina he halenoho paaia ia e kona hoaloha aole e like aha me ia ke kulana o ka hale. Au ae la kona maka e ake ana o ka .ike aku ia Piera, 'aohe ona moho mai. Komo loa aku la ia iloko a ku kokoke iho la ma kahi o ka puka a pani koke mai la o Kini Pota i ka puka a pili aku la ma ka paia kokoke no i kahi o ka puka, ma kekahi aoao mai. "Pehea, e Kini, ua ike paha oe i kuu kane?" "Ae, ua ike au," i pane aku ai ia; "ia nei iho nei ia a kali iho nei a hala paha hookahi hora. A no kona manao aole oe e aa ana e hele mai kena mai nei ia'u e kii i kaalio nona." Unuhi ae la o Mrs. Remona i kona hainaka a paa iae la i kona mau maka ine he mea e uwe ana, he hoopunipuni nae. "A no ka loaa ole ia'u o ke kaalio, ua kii hou aku nei au i lio kau nona a hala aku la no Haiheka, aole paha i piha ka hapalua hora." "O, ua lolohi loa ia au," i namunamu iho ai o Mrs. Remona me ka wehe ana ae i kona hainaka mai na maka ae. "Pehea la au e hana ai?" "He kaalio hoi kou i kau mai nei aia no mawaho kahi i kali mai jai," wahi a Kini Pota. "No keaha ka hiki ole ia oe ke kau ma ia kaa? O keia keonimana " "O keia keonimana," i kahamaha aku ai o Kata ma ka olelo ana aku ma ka Olelo Palani, "aole oia e neeu hou mai nei aku. E ka Madame, aole i hiki mai kau kane ianei i keia po, a aole no oia e hiki iki mai ana." Ua kamailio aku la o Kata i kela manawa me ka leo okalakala, a wehe ae la ka wahine i kona hainaka a nana mai la ia Kata me na maka huhu. A i ka nana aku a wahi waimaka ma kona mau maka. "Heaha kou manao ma ke kamailio ana mai me kela?" wahi a ka wahine i hawanawana mai ai. "E ka M,adame, ua ike Vio oe i ko kane ua make, a oia no kela kanaka make au i ike ai iloko o ka rumi waiho ukana ma ka hale hoolulu kaaahi ma Elemaira." Pii ae la ka uwla ma ko Mrs. Remona mau maka a i ka nana aku a Kata i kela manawa ua hele oia a kohu kaena me he mea la ua noho ia e ka eepa o Waolani. "Ae," wahi ana i hooho koke mai ai, "ua pololei oe!" a nanao iho la ia i kana pu ma kona umauma. Ua manao loa o Kata e unuhi ae ana ia i kana pu a ki mai iaia, a no kona manao ole e kau aku i kana pu i ka wahine, lele aku la ia imua me ka hikiwawe, me ka manao e kaili mai i ka pu mai kona |ima mai. A iaia i anehe aku ai e lele, o ka wa no ia a Kini Pota i oni iki ae ai a hemo iho la ka papahele kahi a Kata e ku ana a poholo aku la oia ilalo. ! Eia ka auanei aia ma kahi a Kimi e pili ana aia malaila ke ki i hoopaaia ai o ke pani, a oia no ka ke kumu o kona pili malaila me he moo la, a o ka papahele kahi a Kata i hele aku ai, oia ka puka o ka umii e paa ai ia ua hoomakaukau mua ia nona. laia i poholo iho ai maaa ae la kona mau lima me ka manao e paa ae ke ka'e o ka puka, aka ua lohi loa. * A iaia e apakau ae ana i paa ae kona lima, paa ania kona mau wawae i ka hauhoaia i ke kaula a hukiia ae la a paa a hukiia iho la ia ilalo. A mamua o ka hiki ana iaia ke hana ae i kahi mea paa ana kona mau lima a holo koke ae la no na kauka ma na lima a elua a hukiia ae la mahope o ke kua. . He pouli kela rumi, aka ua hiki no nae iaia ke ike ae he ekolu mau kanaka e noke ana i ka hauhoa iaia me he puaa la e hoomakaukauia ana no ke kaluaia aku. Paa ke koa a kakou la e ka poe heluhelu a o kona make w,ale aku no ka mea i koe. Ea, make paha auanei? Hoohuliia iho la kona alo ilalo, a pau ka lakou hauhoa ana mai ke poo a ka hi'u olokaaia aku la ia iluna o ka lepo me ka pekupekuia, )a i ka pau ana o ka lakou mau hana hoomaewaewa iaia, alawa like ae la lakou iluna me he mea la e manao nui ana e kahea ae ia Mrs. Remona ua pau ka lakou hana a h'eaha aku ka mea i koe. Kiei iho la o Mrs. Remona ilalo a o kahi Kini Pota hoi e hoomalamalama iho ana i ka ipu kukui. "Lawe nui mai iaia iluna nei, e kamalii ina ua makaukau oukou," i kahea iho ai ua wahine ma ko-na nei. Me ka hakalia ole huki ia ae la o Kata iluna me he ukana la a kau ana iluna o ka papahele, me ka hopu pu ana iho o na lima puni koko 0 ua Mrs. Reniona nei. "Ea, e Kata, pehea kou manao nou iho?" i ninau iho ai ūa alakai wahine nei o ka poe powa. Aohe a Kata pane, aka akaaka wale ae la no ia ma ke ano hroonaukiuki. "Ka, e noke paha oe i ka akaaka i nei manawa," i pane iho ai ua wahine la. "O kou po hope keia e akaaka ai, a e hana ai i kahi mea. Aohe kanaka maalea a koā e ae ma ke ao nei e like me oe a i keia po e halawai ai oe me kou hopena, a e hanaia aku ana ia me ka ike ole-mai o kekahii heaha la ka mea i hanaia nou," Akaaka ae la o Kata a nui ma ke ano pahene a o kana o ka pane ana ae a he wahi olelo ia i wela loa ai ua wahine la. "E ko ana palia ko oukou makemake e ole ana paha. Ua hiki loa i ka Akua ke hoouna mai i kona anela e hoopakele ia'u iloko o ko'u wa popilikia." Ua piha loa ia ua vvahine la i ka huhu no kela mau wahi huaolelo nioi, a keehi iho la īa i ka papahele me ka ikaika me ka pane ana iho: "Mai hoao mai oe ia'u. He manawa loihi ko'u o ka hoolala ana ,i keia hana i kumu nou e make ai, a i keia po ua hookoia ia iini o'u. "Aole o'u makemake e lele ka nalo mamua o ko'u alahele. Ua hakilo a'u i kau hana i na wa apau, a i ko'u ike ana ia oe e holo kaa ana i keia kakahiaka maluna o ko wahi baikikala, ua hoomaka koke au e kau maluna o ke kaalio a kauoha i ke kalaiwa e holo me ka ikaika i kumu nou e alualu mai'ai. j "I keia manawa ua makaukau au nou, a e hooko aku anaj.au ia manao o'ti, oiai nae i ko'u wa e noonoo ae ai i kuu kane " 1 Ua hulili ae la kona mau maka, me he mea la e uwe iho #na, eia nae aohe kahe mai o ka waimaka. "Aole kau mai na ahewa ana maluna o'u no ka make ana o ko kane," i pane ae ai o Kata me ka malie. "Ua ike no au aole o oe ke ahewaia, nona no ka hewa. Aohe pololei o kona hoao ana i» kela hana i kela manawa. "Aole kakou e hoopau manawa wale no ma ke kamailio ana me ja nei. Malia aole au e kamailio hou aku ana me oe, aka ke makemake nei au e ike mai oe ua hookolo mau ia oe e a'u a hiki i ko paa ana iho la, ae make oe e pono ai." "Ina au e make io ana ke m&kemake nei au e ike heaha iho )la ko'u hewa e make ai? Heaha ka'u hana karaima i hana ai e makepono ai ko'u make ana?" "He nui na kumu a ua lawa loa e kupono ai e kau ka hoopa'i o ka make maluna ou. Nui na kanaka i liia mamuli ou—nui ka poe i hoopaahaoia a pau ke ola ma Sing Sing, a maluna o ka noho pepehi-

kanaka uwila! He nui a lehulehu aku ka'u mau kumu e hoike aku ai ia 6e, aka, ua lawa loa ae la na kumu a'u i hoike aku nei ia oe. Nair e koho aku i ke kaena." "Pela no, ke koho wale nei au. A ke manao pu nei au he pono e hookoeia ke ola o kekahi kanaka maikai loa e like me a'u i muea nana e loopakele ia oe." Nee ae la ua wahine nei i ka akaaka. "O kau e manao nei oia ko mau wahi kokua, ea, oia paha? Ina pela ua oi aku ka maikai o Chika mamua o Kata, oia paha? Ha ha!! E halawai pu aku ana me ia ka poino i like me kou i keia po ma Bosetona. Pehea kou manao i keia manawa?" - 0 "I keaha la? O ka'u e manao nei e pakele loa ana ia mai na popilikia mai, au ame ko poe paalalo i hoolala ai e like no me ko'u palekana mai na popilikiā mai a oukou i hana iho nei no'u i keia po.'" ~ "Aole ia e pakele ana, aole no oe e pakele ana. E Joaa like ana ia olua ka hopena ehaeha, he make. E lawe koke aku iaia, akahi ko ia nei noke mai i ka walaau. E hooko pono loa oukou i ka'u mau kauoha. Ua paa iho nei ia oukou ke diabolo o nei a mai hookuu hou ou'kou iaia e hokai hou mai ia kakou. E kiai makaala loa bukou iaia, malia e hiki io mai ana paha ka anela e hoopakele iaia. "E hoi hou ae au i ka hokele no kekahi mau mea liilii a'u a mahope aku nei au e ukali aku ai ia oukou, a loaa aku oukou ia'u i ka hale kuahiwi. Mai hana e oukou i kekahi hana maluna ona a hiki aku au." "Ua maopopo kela ia makou," wahi a ka pane a kekahi o na kanaka powa. I kela manawa a Mrs. Remona e noke ana i ke kamailio me Kata r he ku lohaioha wale mai no ka kela poe kanaka e like me ka hapanui ona kauwa. Hopu iho la lakou ika makaikiu a lawe aku la iaia iluna o kekahi wahi kaa uuku ma ka puka mahope. A hala lakou, oili aku la o Mrs. Remona a hele aku la iwaho £ kahi o ke kalaiwa e kali mai ana me ka uluhua nona, a o kahi kanaka Palani kekahi i holo pu me ia. Lohe aku la o Kata i kana ana aku i ka wahine, "maloko pu aku kaua olaila e kau ai i keia manawa." Ma ka olelo Pelekane kana kamailio ana aku i ka wahine, a i ko Kata noonoo ana he mau hana akamai kela, i ole ai e hoohuoi kahi kalaiwa. "Ina me kela ke ano hemahema o ka lawelawe hana ana a kela poe, e palekana ana au ma kekahi ano," pela o Kata i nalu iho ai. ' Eia nae, me ko lakou mau hemahema apau, ua ike iho la ia he pio ia a ua holopono ka lakou hana o ka hoolala ana, oiai ua ike iho la ia i ke kupilikii maoli o kona kulana i kela manawa, a o ka mua loa hoi o na poino i halawai me ia e like ( me.ia ke ano. i( . I MOKUNA VI. 1 Ke puhiia ana i ke ahi. Hapaiia aku la o Kata a kauia iho la iluna o kekahi papa loihi a pa-huia aku la me he wahi opala hoolei wale ia la malalo o ka nohona 0 ke kaa. He elua kanaka i noho mahope o ke kaa a hookahi mamua e kalaiwa ai. 0 na ukana oluna, he mau lako lawai'a he mau meahana kahiko ame kekahi kapolena halepe'a. ' I ko Kata i hookauia aku ai uhi ia iho la ia i ka pe'a halelole 1 ike oleia mai paha e ka poe e holo niai ana ma ke alanui. Ku jki iho la lakou e kali, a i ka hala loa ana aku o ko Mrs. Remona ma kaa, hoomaka aku la ua poe kanaka nei e holo ma ke alanui e pii pololei loa ai i ke kuahiwi. Iloko o na hora muā elua o ka lakou holo ana, ua nui na olelo.i •kukaiia mawaena o na powa ekolu me ka noke nui ana i ka inu i kahi omole waiseke o lakou, a iloko nae o ko lakou wa hiohio aohe wahi mea i oili hewa ae mai ko lakou mau waha ae e pili ana i ka lakoui hana, a i ole i ka hana hoi a kekahi poe e ae o lakou. / Ua hunakele loa lakou a pela i lohe ole aku ai o Kata i kekahi mea e pili ana ike koena aku oka poe powa ame ka lakou hana. A hiki iho la i keia manawa ua maopopo ia Kata ka nui o ka poe powa, na kanaka ekolu iluna o ke kaa, o Mrs. Remona ame Kini Pota ame ke kanaka i make ai i ke kaaahi. Aia kekahi hapa o keia poe ma Bosetona, ehia lā ko lakou nui; malia ua like no ka nui, a i ole ua paluaia iho paha ia heluna. He mea waiwai ole ke koho wale ana aku no i ko lakou nui a inolaila, ua hoopau loa ae la o Kata i kona noonoo ana no ia mea. Mamuli o ka nui o ka u-i ame ka nakeke o ke kaa, ua hoao mau 0 Kata e hoonioni i kona mau lima ina paha e hiki ana e ko-o ae. Ua paa maoli koha hauhoaia ana, a ike iho la ia i ka maeele mai o kona mau lima ame kona mau wawae. ( Ua manao ia ma ka hoonioni mau ana la hoi e ko-o ae ai ke kaula 1 hauhoaia ai kona mau lima, na wawae ame kona kino holookoa, aohe nae he wahi o ka manaolana. 1 kekahi manawa ku iki iho la ke kaa a kulou mai la ke kalaiwa i hope; hoopihaia iho la kona walia i ka welu, a mahope kokē iho no, lohe aku la ia i ka nakeke mai o kekahi kaa, a noonoo ilio la ia oia ka ;ke kumu i hoopihaia mai*ai kona walii i ka welu i ole ai oia e uwa a loheia mai e ke kalaiwa o kela kaa. Mamuli o ke kuku nui ole o ke kaa, ua hiki ia Kata ke hoomaopopo aia lakou iloko o ke kulanakauhale, no ka mea, ma ia wahi he saumania ke alanui e 'like me ko Honolulu nei mau alanui; aohe i liuliu loa ia holo ana aku, ua lolohi loa iho la ka hele ana a ka lio a hoomanao ae la o Kata he alanui piiku ia, a o ka hoomaka ana paha ia e pii i ke kuahiwi. Iloko nae o ia kulana kupilikii loa ona hookahi mea ana i mahalo lote. ai, oia ka hoihoiia ana o kona poo mamua. Ina i hoihoiia kona poo mahope, ina ua nui loa kona poino a maule maoli paha, no ka mea, he piiku maoli ke alanui, e hoholo mau ana paha ia ihope, a o kekahi e holo ana ke koko i kona poo a nui maoli ka pilikia. No ka piiku loa o ke alanui e hoomaha mau ana lakou a hookahi no hana a na powa o ka noke nui no i ka inu, a i na wa apau a lakou e hoomaha ai ealawa mau ana lakou ihope e ake ana o ka īke lihi aku ia Mrs. Remona ame kona hoa. A hiki lakou i ka ekolu hapaha o ke alanui ano hapa mai la ka pioloke kamailio ana a ua poe powa nei, a o kahi maikai loa i ko Kata noonoo aohe hanaino iho o kela poe iaia. Ma ka hapanui o ke alahele a lakou i pii mai ai, e lohe mau aku ana o Kata i ke aoa mai a ka ilio ame ka uwo mai a na bipi, a i ko lakou kokoke loa ana aku i ke kuahiwi ua meha loa ka walaau ame ka lohe aoa ilio ia aku, a hoomaopopo iho la o Kata aia lakou i kela manawa iloko o ka ululaau. E wehe mai ana ka pawa o ke kakahiaka hiki aku la, lakou i ka hale ma ke kuahiwi, a ua hoomaopopo ae la o Kata o ka hale ia mamuli o ke ku ana o ke kaa. Lele iho la ua poe powa nei i lalo a noke nui ae la i ke kamailio, "ahea la ka hoi Inki maii la kela wahine." "Aole oia koke mai," wahi a kekahi. "He hoi*a okoa kakou i hoomaka mai nei e pii mamua ona, a ke manao nei au aole oia e hiki koke mai ana iloko o hapalua hora mai keia manawa aku." "Alaila, heaha iho la ka kakou hana i keia manawa?" "He kali aku no hoi paha a hiki mai ia." "Huihui maoli hoi keia kakahiaka." "No ke kau no hoi paha iluna. Aohe ka ou hoomaopopo iho he kuahiwi keia?" "Hoomanawanui, e mehana aku ana hoi," a nee nui ae la i ka aka. "E, auhea mai nei ko wahi omole waiseke, e inu hou kakou." A hoomaka nui iho la e inu pakahi ma ke kai like ana i kahi omoler waiseke haae o lakou. , (Aole i*pau.l '