Ka Nupepa Kuokoa, Volume XLIII, Number 40, 2 ʻOkakopa 1908 — HE MOOLELO NO Hakawela Reminakona A I OLE Ka Momi i Loaa Aku Iluna o ka Wai, a o ka Mea Huna Pili i ka Moe Bebe. [ARTICLE]

HE MOOLELO NO Hakawela Reminakona A I OLE Ka Momi i Loaa Aku Iluna o ka Wai, a o ka Mea Huna Pili i ka Moe Bebe.

MOKUNA XVIII. ! I ka hoea ana aku o Akeneki maloko o kona rumi, ua kii aku la oia i kona mau lole, a hookomo aku la maloko o kona pahu lole me lee ki ana aku i ka pahu a paa, a hookomo iho la iloko o ka pakeke o iona lole, a lawe mai la i k.ekahi o kona mau lako iloko' o kekahi wahi eke paalima, alaila ua noho iho la oia ma kekahi pakaukau a kakau iho la i leka na Mrs. Reminakona, a penei ua leka nei ana o ke kakau i ana: . " E Mrs. Reminakona aloha.—E huikala mai oe ia'u, no keia huli hoi awiwi ana aku o'u me ka hoike mua ole aku ia oe, a e manao mai ana paha oe, ua holo mahuka aku au mai ia oe aku; aka e kuu makamaka maikai ua hoike mai nei o Akibolo ia'u i keia po, ua loohia kuu makuahine i ka ma'i, a na keia meahou hoolele hauli i kono mai ia'u e huli hoi koke aku imua ona tne ka hakalia ole. Ua hiki hou ole iho ?a ? u ke hoomanawanui, oiai o ko'u huli hoi ana aku imua ona, e lilo auanei au i mea kokua nui aku iaia iloko o kona wa o ka pilikia. Ke hauoli nei au no ka loaa ana ia'u o na hookipa ohaoha ana mai ia oe mai, ka mea hoi a'u e pdina ole ai e like me ka loihi. o ko'u mau la o ke ola ana. He uuku wale no na la o ko kaua hookamaaina pu ana, • aka nae ua komohia mai ke aloha ia'u nou. Ua manao no hoi au e liele aku e hui kino me oe i keia po mamua o kuu hoi ana, aka hoi no kou paa loa me na malihini, nolaila aole au i makemake e kahamaha wale aku i ka manawa maikai i loaa ia oe ma ka launa ana me lakou. Ke waiho nei no au i kuu pahu lole, aka aia a ke kakahiaka o ka la apopo, alaila hoouna mai au i kekahi mea no ke kii ana mai e hoihoi ae, nolaila o ke aloha no kou e kuu hoaloha a makamaka maikai. Owau iho no, AKENEKI." Ia hala ana aku hoi a Akeneki noloko o kona riimi, ua hele mai la o Akiholo e haawi i kona aloha ia Mrs. Reminakona, a o ia ka ua lede la o ka ninau ana mai iaia nei: "E hoi koke ana no ka oe e Akibolo?" "E hoi koke ana no au, no ka mea ua ike no paha oe i ko na elemakule ano, aole he kupono ia lakou ke ala ana aku a aumoe loa, a o'm l?e \va anuanu keia o ka po, nolaila e hookuu mai oe ia'u' e hoi no ko'w home, flka i hele mai la au e haawi aku ia oe i ka'u mau hoomaiKai ana 110 na mea i hanaia mai no'u i keia po." ; , ' >' • ' "Ke hauoli loa nei au no kou hele ana mai e Akiholo, aka e ike "mau aku ana no nae kakou ma keia mua aku. Eia la ihea iho nei o 'Akeneki, mai hoi oe me ka hele mua ole aku e ike iaia. Ua hoohauoli mai keia kaikamahine ia'u iloko o na la ana o ka noho pu ana me makou, a ke manao nei au ua piha oia i ka hauoli iloko o keia mau la. "Ē helē. aku ana au e ike iaia mamua o kuu haalele ana iho i kou home nei, nolaila o ke aloha no kou," me ke kunou ana aku o ua o Akiholo, a liele aku la oia no ka ho-lo no ke kakali an'a o ka hoea mai o Akenek', me kona hoike ole aku nae ia Mrs. Reminakona, o laua pu ke huli hoi ana ma ia po. I ua o Akibolo e kakali ana o ka oili mai o kona hoaloha opio, ua iho mai la o Akeneki mai ka hale mai oluna, me kekahi lole hou o ka poe holoholo ma na alanui, a aia hoi ma kekahi lima e paa ana he eke paalima, a ua uhiia kona maka me kekahi uhi e ike oleia aku ai kona helehelena: Ua ike mai la no oia i ke ku aku o Akiholo, aka aole nae ona hooka'ukaulua iho, aka ua ani peahi mai Ja oia ia Akiholo e hahai aku mahope ona, a o kona bemo aku la no ia nowaho o ka hale, me ka hele awiwi ana, oiai no o Akibolo e hele malie aku ana mahope ona, a aia no kona hele malie ana mai, a i ka hoea ana aku i ke alanui akea. Akahi no o Akeneki a hanu pono mai iaia i ku mai ai a nana me ke kakali ana o ka hoea aku o kona hoa. He oiaio ua pilia maoli no 0 Akeneki i ke kaumaha ame ka hoehaehaia, ana i manao ?ai, ina he liookahi hora aku i koe ana e noho ai maloko o kela haie, e maule maoli ana oia, oiai ua ano pau mai ka hiki ana iaia ke hoomanawanui iho 1 kona mau ehaeha. Ua .ike o Akibolo i keia ano apau o Akeneki, a oia kana o ka ninau okoa ana mai: "Heaha keia pilikia nui ou e Akeneki?" iaia i lalau mai ai i ka lima o Akeneki, i ka hoomaka ana iho o ua kaikamahine la e hehee ilalo, a puliki mai la iaia jloko o kona poli. "Aole he pilikia! aole he pilikia!" wahi a Akeneki me ka hoomau ana mai no i ka puili ana ia Akibolo me lie mea la ua hoohauoli loaia aku oia ma o ka loaa ana o kona wahi e paa ai. "O ko'u ake nui.wale no oia ko kaua hoea koke aku no kauhale a ike aku au ia mama," me ka uwe pu ana iho O' ua kaikamahine nei. "Ke manaoio nei au, ua noonoo nui loa oe no ka hui pu aku me kou makuahine, ke kumu o kou noho ole ana aku nei e hauoli pu me kela poe lalawai o Kikako nei, aka manao 110 hoi au, he hookahi mea i loaa aku ka manao kaumaha mamuli o keia hoi koke ana mai nei ou," me ko Akibolo nana pono loa ana iho maluna o Akeneki. Ke ike la o Akiholo i kela manawa i ka hele o Akeneki a haalulu a i iho la: "Ke ike aku nei au ia oe, ua hele oe a haalulu e hiki hou ole aku ai ke hele, nolaila e kahea aku ana au i kekahi kaa, a ma ke kaa kaua e hoi aku ai a hiki i kauhale," a o ko Akibolo kahea aku la no ia i kekahi kaa i holo ae ia manawa, a kau aku la laua nei, oiai hoi o Akibolo i manao loa iho ai i kona laki o ka oili koke ana mai o kela kaa ia manawa. MOKUNA XIX. E huli hoi hou ae kakou ihope iloko o ke keena hookipa o ka home o Mrs. Reminakona, heaha aku nei la na mea e hanaia ana mahope iho o ko Akibolo ma haalele ana aku. Aole i hoohuoi ikiia ko Akeneki nalowale honua ana a hiki i ka hala ana he ho>ra hookahi, akahi no,o Mrs". Reminakona a hoohuoi mai no kona ike ole ia Akeneki, a ke noke la oia i ka hele huli maloko 0 na keena me ka ninau ana no Akeneki, eia nae aole he mea nana i hoike mai iaia, i kahi e hiki ai ke loaa o Akeneki. O ka liele ia o ua wahine nei e huli a hiki i kona'hoea ana mai i kahi o kana keiki e nanea ana me kona mnu- hoaloha, a ninau. mai la: "Ua ike iho nei no anei oe ia Akeneki?" "Aole au i ike iaia mahope iho o ka pau ana o ka aina ahiahi," wahi a ka pane a Hakawela, me ka nanaina kaumaha. "E hele aku hoi ha oe e Hakawela e huli iaia, malia paha ua loohia oia i kekahi ma'i a ua hoi aku nei paha noloko o kona rumi. Ua ike au i ka maikai ole o kona helehelena i keia ahiahi, a ke haohao nei au no keia nalowale honua ana ona." Me ka hoohakalia hou ole iho, ua hele aku la o Hakawela e hooko 1 ke kauoha a kona makuahine, a no kona iini no hoi kekahi e hui pu me ua aloha la ana. Ke kiei la oia maloko o na keena o ka hale olalo, ke halo la ma na wahi pouliuli, eia nae aole ona wahi mea a ike iki aku a haalele aku la oia i ka hale olalo, ua pii mai la oia no ka hale (oluna. laia e ku ana ma ke anuu hope loa o ke alapii e kau aku ai i ka papahele o ka hale elua, ua ku iho la oia me ka namunamu liilii ana: "Heaha la hoi ko Akeneki ano i keia po, a pehea la oia i ahiu loa aku

ai mai a'u aku, aole au i ike i ke ano o keia hana ana ia'u." Hele aku la oia e nana pakahi maloko o na rumi apau o kela hale aole ana mea i ike aku ai maloko o'ia mau keena, a i kona hiki ana mai mawaho o ka rumi o Akeneki, ua ku iho la oia a.kikeke aku la i ka puka me ka manao eia paha oia iloko kahi i hiamoe ai, a no ka pane ole mai o kekahi maa maloko mai, ua huli hoi mai la oia me na kaina wawae kaumaha a me na manao kaniuhu a hoike aku la i na mea ana i ike ai ma kana huakai imi no Akeneki. "Ua noke aku nei au i ka huli ialoko o na keena apau o ko kaua home nei aole he lo|aa iki- o Akeneki ia'u," wahi a Hakawela me ka helehelena kunahihi." "Malia paha ua hele oia a luhi loa, no ka mea ua nui ka'u mau hana i. hoounauna ai iaia i keia la, eia nae hoi pehea la oia i hoike ole mai ai ia'u i kona pilikia," wahi a Mrs. Reminakona. E hoomakaukau ana ua o Mrs. Reminakona e hele maoli aku noloko o ka rumi o Akene.ki, no kona manaoio loa no aia ua kaikamahine la ke hooluolu la, aka no ka hele e ana mai o kekahi o na malihini e hoike iaia no ko lakou manao ana e huli hoi aku no ko lakou mau wahi pakahi, nolaila ua hiki ole iaia ke hele koke mai e imi ia Akeneki, a e ike hoi nona iho, i ke kumu o' keia nalowale homia ana o keia kaikamahine ana i aloha a i mahalo nui ai. Poina pu ae la na manao imi aku o Mrs. Reminakona ia Akeneki, mamuli o ka hele aluka ana mai o na hoaloha e haawi i Jv*o lakou mau aloha hope iaia nei, a ua hele no hoi a hiki i ka hora umi-kumamalua, ua pau aku la lakou i ka hoi, a koe wale iho la no o Mrs. Reminakona, 0 Hakawela ame Lo*ra ko loko o ke keena hookipa. "Eia la ihea'o Akeneki e nalowale nei?" i hooho hou ae ai o Mrs. Reminakona i ko lakou mehameha ana iho. "E hele maoli aku ana au e huli a hiki i kona loaa ana, aole loa he maikai iki o ko'u noonoo 1 ka ike ana i keia nalowale ana o kekahi o ka'u mau malihini," a o kona haalele iho la no ia ialoko o ke keena a lakou e noho ana, a koe kokoolua wale iho la no o' Hakawela ame Lora. No Lora nae, ia Mrs. Reminakona i hala aku ai, ala koke mai la ka manao kolohe iloko ona, o keia wale no ka manawa maikai loa e ko'i aku ai i kona pono ana i f moeuhane mau ai, no ke koi ana aku ia Hakawela e ku oia maluna o kana olelo hoohiki, alaila ua hooneenee mai la ua o Lora a kokoke ma ka Hakawela wahi e noho ana me'kona wehe pu ana ae i kona mau mikini lima, a ahuwale kela komo daimana a Hakawela o ka hookomo ana aku ma kona manamanalima, ua lalau aku la oia i kekahi noho a uwai loa mai la a pili ma ka aoao o Hakawela: "He keu ka hoi keia o ka po laukanaka e Hakawela, aole anei oe i manao o keia kekahi o na po i hoohalaia e kakou me ka hauoli ?" "He mea maikai no na anaina hoolaulea i kekahi poe aka nae no'u iho nae, aole no i lilo na hana o keia po i mea e hoololiia ae ai ko'u ano maoli," wahi a Hakawela me ka hoololi pu ana ae i ke ano o kona noho ana maluna o kona noho. • Ua ano hookuiheia mai ko Lora manao mamuli o keia pane a Hakawela, oiai ua hoao hoi oia ma na ano apau ma ia po e pilipili mau aku ma ko Hakawela aoao, eia nae aohe wahi mea a maliu aku o ua kanaka opio la, a o keia noho kokoolua ana iho hoi o laua kana mahope loa i manao ai, he manawa ia e hookoia ai kona iini ame kona māk'emake. '' ; • ■ . « . ; Ua piha he elua minuke o ia ku lohaloha ana a Lora me ka leha ana o kona mau maka maluna o Hakawela, alaila ua kau aku la oia ! i kona lima hema m'ainua o ua kanaka opio la a i aku la: "E Hakawela, aia anei kekahi mea a'u i hana aku ai ia oe rkeia po, i hoano e ia aku ai kou ano, a i ole ia hoopilikiaia aku ai kou mau manao maikai?" - O ka nanahe o ka leo o ua Lora la ma.kela manawa ana'O ka hoopuka ana aku i kela mau huaolelo hope ia Hakawela, ame kela malie o ka hoopa ana aku i kona lima, ua lilō ia i mea hoano e aku i ko Hakawela mau manao, a i aku la: "Aole i maopopo ia'u kau mea e kamailio mai nei e LoVa, heaha ka mea a'u i hana aku ai ia oe,'i hoopuka mai ai oe i kena mau olelo i kupono ole e kamailioia mai e kekahi kaikamahine e like me kou ku- , lana." "E manao ana au la, mahope iho o ka holopono ana o na mea i hanaia mawaena o kaua, e hana mai ana oe i na meaj apau, $ kulike me kau hoohiki, eia ka e hoohuli mai anā oe i kou kua i o'u nei," wahi a Lora, me ka hoouweuwe pu ana mai imua o Hakawela. "Aole i maopopo iki ia'u kau mea e koi mai nei e Lora, e oluolu ana anei oe*e wehewehe pono mai imua o'u?" i koi akti ai o HakaweLi me ka hele o kona helehelenā a kunahihi. Ua kaili ino aku la o Lora i kona lima mai ia Hakawela aku alaila hoomaka mai la e kamailio ma ke ano hoalohaloha: poina anei oe i ka mea au i hoopaa mai ai hnua o'u, a i ole ia ua mihi hou paha oe no kau mau liana. Aole anei oe i hoomanao i kou hoohiki ana mai ia'u i na hora o keia ahiahi, e lilo aku au i wahiiie hoopalau nau ?" Me he popo auhuhu la i pehiia aku i na maka o Hakawela kela mau huaolelo moakaka a Lora o ke kamailio ana aku iaia, alaila ua ku ino ae la oia iluna me ke keehi ana iho o kona wawae iluna o ka papahele a i aku la: "Heaha ke ano o kau mea i kamailio mai nei ia'u ?" me ka hele o kona leo a okalakala. "Ke manao nei au, ma ko'u aoao ka ninau e pono ai e waiho aku imua ou i ke ano o kau mea i hana Snai ai maluna ou," wahi a Lora. "E hoakaka mai oe imua o'u i ke ano ana huaolelo au i hoopuka mai |ai imua o'u i na hora mua o keia po, ia kaua e ku kokoolua ana ma kahi mehameha, mamua o ka hoea ana mai ona malihini. E hoike pu mai hoi oe i ka manao o keia komo au o ka hookomo ana mai ma kuu manamanalima, ma ke ano„ ua haawi pau mano pau hiu mai oe i kou aloha no'u a no'u wale no, a ua kaili aku hoi oe i ke aloha mai a'u aku." Ua hoikeike aku la o Lora i ke komo e paa ana ma koga manamanalima, a ke anapa la ia imua o na maka o Hakawela, a ua hiki ole ji ua kanaka opio la ke pane mai no kekahi mau minute loihi, alaila ninau mai !a: "O oe anei ka mea i hele ae e halawai pu me a'u mahope aku o ke keena heluhelu buke ma ke ahiahi nei?" "Owai ka hoi, he keu no owau no hoi ia ka mea au i kauoha ae ai e hele aku ilaila no ka hipuu ana i ko kaua mau aloha a lilo i hookahi, owai auanei kau i manao ai e lofaa ia oe malaila, owau wale no ka mea i haulehia i ke aloha nou?" Aole i pane koke aku o Hakawela no keia mau olelo a Lora, oiai ua hoopiha loa ia aku oia me ke pahpohao ame ke kahaha pu no ko Lora hoea ana ae malaila, a ke noonoo pu la hoi oia no kona puili ana mai ia Lora iloko o kona poli me ke kuhihewa, ka hue pau ana aku ona i kona aloha imua o keia kaikamahine, kona haawi ana aku i na kuwiliwili hooninipo ana, ame kona hoopaa maoli ana aku i kana hoohiki e lilo aku oia na keia kaikamahine ana i hoihoi ole ai, ma o ka hookomo ana aku i ke komo hoopalau ma kona lima, a iaia i noonoo ae ai no keia mea ana i hana aku ai me ke kuhihewa, ua ku a hehena maoli oia, aka ua ninau hou aku la no nae oia ia Lora: "E hoike mai oe ia'u, nawai i kauoha aku ia oe e hele ae ma kela wahi ou i loaa aku ai ia'u?" "Nau ponoi no i kauoha mai ia'u maloko o kau leka o ke kakau ana mai," me ka eueu pu ana ae o na lehelehe o Lora no ka epa ana o ka hana ana i mea e hoohokaia ai o Akeneki. "Na'u anei i kauoha aku ia oe e hele mai ma kela wahi?" i hoo|)ili aku ai o Hakawela i kana kaniailio ana e like me ka Lora o j<a hoopuka ana mai iaia. Akahi no o Hakawela a hoomaopopo iho, ua hanaia kekahi hana kuhihewa, i kaa aku ai ia Lora keīa leka ana o ke kakau ana, a akahi no hoi oia a ike iho i ke kuhihewa o kona halawai ana me keia kaikamahine ana i hoowahawaha loa ai, me kona manaoio loa o Akeneki ua mea la ana e hu'e pau aku ana i kona aloha, a i haawi aku ai i kana hoohiki, ame ke komo hoopalaii no kai hoopaa ana ia laua a elua iloko o ka hoopalau.

No ko Hakawela pane koke ole aku nae, ua i hou mai la o L. , ra me ka piha ika maalea: "Heaha mai nei keia ou e Hakawela. i, loli hou anei oe i kou manao? Nau 110 hoi 1 hoouna ae i keU . me na pua rose, a oia no kela pua au i hehi ai i keia alnahi, a n:, u ua pua la au e hoohewahewa ole niai ai. Ua haawi mai la o Lora i ka pua rose ame ka leka a Hakawe!;, „ ka hoouna ana aku na Akeneki, a i lawe hewaia aku ai nae ,a I,„ ; , it hopu koke aku la no o Hakawela me ka hakaha o e iho, me ka ama mai o na manao hoonaukiuki iloko ona, no ka ikeia ana o k.uleka e Lora, a o kona manawa no ia i ninau aku ai: "Ua makemake au e hoike mai oe ia'u pehea la i loaa aku ai k<ia leka ia oe e Lora ?" •'Na Mary Crawford, kela kaikamahine lawelawe i hoolima'inu.a ai no na hana o keia aliiahi i lawe mai i ko paliu puā me kona luv> ; j pu ana mai ia'u mai ia oe mai kela pahu i hoounaia mai ai, a maluk,, 0 ua pahu la i, loaa ai keia leka iau, a heaha iho la kau e pane niai no keia mea?" wahi a ua Lora la, me ka noke loa ana mai 1 ka nana m Hakawela. . ''Ke ninau hou aku nei au ia oe e Lora, e hoike mai oe 1 Kn manawa, pehea i kaa aku ai kela pahu iloko o ka lima o kela kaik ,- mahina malihini?" i ninau hou aku ai o Hakawela me ke k<feh, i no ara iho i ka papahele. "Ua hiki ole ia'u ke pane aku i kena ninau au e Hakawela, lie k -i no hoi nau no i haawi aku i kela kaikamahine no ka lawe loa ana r,ua e haawi ia'u, pehea auanei i loaa ai keia mau mea i kela ina aole nau maoli no i haawi aku iaia?" a huli aku la ua o Lora n kahi e me ka ha'uha'u ana iho e uwe. No keia pane mai ia Lora mai, ua kunana hou iho la o Hakawo: u a maopopo ole kana mea e kamailio aku ai, a iaia i ike aku ai i ko Lna ano, ua ano mahie ae la kona manao huhu, alaila ua i aku la oia: "Aole loa au i makemake e kaa aku keia pahu iloko o koiUnna. a aole hoi nau keia leka a'u oke kakau ana. Ua haawi aku au i 1» pahu pua maloko o k ? a lima o Ane, me kuu kauoha pu ana aku iaia. e iawe pololei aku oia a haawi ia Akeneki." j Ua kuwo okoa ae la o Lora i ka lohe ana mai i keia mau olelo ku 1 ka hoohoka a Hakawela o ke kamailio ana aku iaia, a maule akn i.i oia noluna o kona noho, eia nae, aole he wahi mea a hele aku o Hakawela e kokua iaia. Me ko Hakawela nana ole aku i ka ehaeha i kau aku niamna •» Lora, ua hoomaka hou aku la no oia e kamailio: Ke kaumaha ku* nei au no 1 ka lilo ana o keia kuhihewa i hana ia i mea nou e hoōpiliku ,iat aku ai e Lora; aka i hoike aku nae au i ka mea oiaio ia oe ea f uu hoomaka mai ko'u aloha ana ia Akeneki, i kona wa i loaa ai ia u nia ke alanui, a iaia i noho ai ma ko maua home nei no keia pule holooUa, ua hooi loa ia ae ko'u aloha nona, a ma keia kakahiaka i hoike aku ai au iaia e hoouna aku ana au iaia i kekahi o ka u mau pua punahele I<m nana e pine mai ai ma keia ahiahi. "E kamailio ana no maua no keia mea ma keia kakahiaka a liiki i kou komo hokai ana. Mamuli nae oke kuhihewna i hanaia, ki. kaumaha loa nei au no ia mea, me kuu moeuhane mua ole, e hoea mai ana kekahi alopeka nana e hokai ae i na mea i hoolala muaia l a'u'no ko maua hauoli." "Aole anei oe i moeuhane ua haule pu au i ke aloha nou e Hakawela?" i pane mai ai o Lora, mahope o kona pohala ana ae maj kon.i hoololo ana. "Aole anei oe e hoomanao iho, o ke kumu nui o kuu noho pu ana me oe ame ko makuahine maloko o ka hale hookaln. a 0 ke kumu no hoi o ka au ia ana mai o ke kai loa, mamuli wale no ia .» kuu hoohihi ia oe e Hakawela ? Aole anei i komo aku ka hoohuoi jiloko ou, o ke kumu o ko'u pili mau ana aku ma kou aoao, ka hana ; ana aku i na mea apau nou e nana mau mai ai maluna o'u, ua haukhia au ike aloha ia oe?" . ■ • . • . "Ke kaumaha loa nei au nou e Lora, no l<a mea aole loa au i ma hu'i iki, e lawe mai ia oe i wahine na'u, koe wale iho no ma ke ano hoaloha, nolaila ua lohe aku la no oe e Lora i ko u manao maoli, nolaila aole au kaukai ana mai ia'u, ua lilo mua kiiu puuwai ia Akeneki, ke kiamanu akamai o ka uka o Laa." Ua hooi loaia aku ko Lora piena no keia mau mea a Hakawela e kamailio aku nei ma ke ano hoohaehae, a oia ka ua kaikaniahine nei i noke hou mai ai ika uwalo i. ka pane ana mai: "Aole anei oe e lulahila iho no kau mau olelo ku i ke aloha i hoopi\ka mai ai ia u ma keia ahiahi, me ka hooia ana mai imua o'u, i ka 4 nui o ko!u aloha no'u, k«< puliki ana aku ia'u iloko o ko umauma, me ka haawi ana mai ia'u i k;i honi o ko kaua hoopalau, ame keia komo hoopalau e paa nei ma kuu ;manamanalima, au ponoi no i hookomo mai ai; a ke hoike mai m-i nae oe, i kou kuhihewa ma ia hana ana au, eia ka he wahine okoa akn kau o ke aloha ana." . ■ ''Ina he mea kekahi a'u e hana aktt ai nou e Lora, alaila ua nia kaukau au e hooko aku i wahi e hoopauia ae ai keia pilikia mawaena « k kaua," me ka manao ole nae o Hakawela e kdi mai ana no o Lora v lilo no kela hoopaa ana a ua kanaka opio nei ma kela ahiahi i mea nn Lora e koi mai ai. "Ina o kau mea ia e kamailio mai ai ia'u ea, alaila he hookah wale no alahele e hele ole aku ai keia hana i ka nui, oia no ka hookoia ana o na mea apau au o ka hoike ana mai ia'u i keia ahiahi,'' wahi a ua kaikamahine la me ka puapuai ana mai o ka ula ohelohelo ma kon;i mau papalina. Holo ae la ka maeele iloko o Hakawela i kela nianawa, no keia mau olelo a keia kaikamahine, a loaa koke aku la no iaia ka hooinaopopo ana, aole loa e hiki i kekahi wahine i kapa iaia iho he lede, e k< m aku i kela mau olelo hoopaa, mahope iho o ka hoikeia ana aku ua hana ia kela me ka manao kuhihewa, eia nae, aole he nana ae o keia kaikamahine ia mau mea o ka hooko waleia aku no/) kona makemake kana e iini ana, a e koi mai, nei ia Hakawela. "Ale, aole loa e hiki ia'u ke ae aku e hooko i na mea a'u i hoopaa kuhihewa aku ai ia oe ma keia ahiahi. Aole ia oe au i makemake aku ai e haawi i ka'u mau hoohiki ana, aka ia Akeneki, ka niea i 01 pookela aku 'imtia ou e Lora." Ua hoopii houia mai ka huhu ame ka hoonaukiuki iloko o Lora i keia lohe ana aku ona i ka hoopukaia ana mai o ka inoa o Akeneki. kela kaikamahine ana i lili loa ai, a he mea kau la a ike iho ua kaikamahine nei mamuli o kela pane uahoa a Hakawela, e hoopau ae ana la oia i ka manaoi hou ana aku ia Hakawela e hooko mai i kana nian mea i hooia mai ai iaia ma ia ahiahi. Ua papaluaia iho ka paakiki o ko Lora manao no ka hookikina ana aku ia Hakawela e hooko i kana olelo hoohiki, a no ka hoohoka pu ana aku hoi ia Akeneki, nolaila i ka loaa ana iaia nei o ka manau a kupono no ka pane ana aku ia Hakawela, ua i aku la oia: "Ua makemake au e hoike mai oe ia'u, pehea la e hiki ai ia oe ke hoole mai i kou lilo ana mai i' kane na'u, mamuli o na mea i hanaia oe i keia ahiahi ? Heaha no hoi ko mea i olelo ole mai nei aole no ou wahi aloha ia'u, kou kumu o ka ae ole ana mai e lilo na'u?" "Aohe io no aloha ia oe e Lora, e like no me ka'u i hoike īuii.i aku nei ia oe, ua lilo mua aku ko'u aloha ia Akeneki, a ke manaoio iu no au, ua komo pu aku ke aloha iloko ona no'u. Aole loa o'u wali: {kuleana.iki e ae aku ai e mare me oe, me kuu ike no aole he aloha iloko o'u nou, a e lilo auanei i mea hoehaeha mau aku ia oe, ina e niar aku ana au ia oe, me ko lohe pōno no, aia maluna o Akeneki ko'u alohe, ua lohe pono aku la anei oe e Lora?" i hooki iho ai o Hakawe'a i kana kamailio ana me ka maha ana mai o kona manao mamuli o kei.i hu'e pau ana aku i na mea oiaio apau e hiipoi la iloko ona. "Alaila aole ka paha oe e Hakawela e nana mai ana i ko'u pono, a maliu mai hoi ia'u?" i ninau mai ai ua o Lora me ka leo haaluhi. "O e Hakawela! e Hakawela no hoi ea," a puliki okoa mai la kona mau lima ia Hakawela me na waimaka e kahe makawalu la mai k<">n;'> •mau maka aku, alaila hoomaka hou mai la i ka uwalo ana me ka o ka mea i piha i na mea hoehaeha he nui i ka i ana mai: i Aole i pau.