Ka Nupepa Kuokoa, Volume XLIII, Number 39, 25 Kepakemapa 1908 — LIULIU NO KA HOOUKA KAUA [ARTICLE]

LIULIU NO KA HOOUKA KAUA

Ma ke aliiahi o ka Poalua nei i koho- j ia ae ai ke komite Kalana, a hookahua i ke keena o ka aoao Repubalika ma ke alanui Kalepa, a o ka lunahoomalu o ia komite i kohoia, oia o A. F. Judd, hope lunahoomalu, C. T. Chillingworth, kakauolelo Eli Crawford; puuku, C. H. Cooke; komite kukakuka, A. F. Judd ame Kaleiopu. Ma ia kohoia ana o ke komite Kalana i lawe ia mai ai ka noonoo ana i na mea e hana aku ai no keia kalaiaina, a o kekahi o na mea 'i' hooholoia, oia no ka launa mau ana aku o ke komite Kalana me ke komite hooko o ke komite kuwaena o ke Teritore. Ua makemake puia no hoi ka hui pu ana o na komite Kalāna me ka puuku o ke komite o ke Teritore a kukakuka pu i ka nui o na dala e hoolawa aku ai i kela ame keia komite, i ole ai e uhauha wale ia ke dala, no ka mea ua puikaika ke alahele e kahe nui mai aina kokua mamuli o ke kauoha i loaa mai i ka Loio Amerika maanei nei. Iloko o na hana kalaiaina o keia mau la aku, ua makemakeia e kapae ae i na kamailio pilikino ana, a e kamailio wale no maluna o na mea i hoakakaia maloko o na kahuahana, ma ko ke TeTitore a pela no hoi ko ke kalana. Ua noonooia ae no hoi ke komo ana mai o kekahi poe mawaho ae o na mo- | ho no ka hele ana ma na hana ha'iI olelo, a he mau manawa noonoo wale | aku no no lakou a hiki i ka hoolioloia ana o na alahele e hiki ai ke loaa aku ka mea maikai e hana aku ai, aole hoi o na mea pilikino na maunu e hele ai e pakalikali i loaa ai ka baloka o na kanaka. I ka hoomaopopo aku, he mau la piha aku keia o na huina alanui i ka poe hooikaika o na aoao kalaiaina ma ka liki paupaka ana i na maikai o ko lakou mau aoao iho.